لكل من ترغب بشعر ناعم ولامع وطويل

1. أهلين صبايا.. عندي لكم شي رهيب.. ينعم ويطول ويكثر الشعر


2. ادري إني طولت عليكم.. وهذا الشي هو....>>>> الحناء..!!!!!!!!

السلام عليكم ورحمة الله وبركاته

أهلين صبايا.. عندي لكم شي رهيب.. ينعم ويطول ويكثر الشعر

وأتوقع كلكم تعرفونه أو تسمعون عنه بس ماعرف قيمته إلا اللي جربه "وليس من رأى كمن سمع" وراح أقولكم تجربتي معاه..
أنا لما كنت في المرحلة المتوسطة وفي بداية الثانوي كنت استخدمه وكان شعري جدا رائع وجدا مميز كان ناعم ويلمع وطويل وماكنت اتعب عليه أبداً.! لكن تركته في سنة ثالث ثانوي ولما دخلت الكلية وفعلا خرب شعري وكل من شافني استغرب وقال مو معقول وين شعرها اللي قبل..؟
صار شعري قليل ولونه باهت(مافيه لمعه) وضعيف وينتفش حتى مع الاستشوار.!!
والحين رجعت لهالشي ماصار لي شهر والله أنا حسيت بنعومة شعري ويوم العيد كل قريباتي قالوا لي شعرك متغير وش مسويه فيه؟!!!!

ادري إني طولت عليكم.. وهذا الشي هو....>>>> الحناء..!!!!!!!!

يمكن فيه بنات ما يحبونه.. أو فيه بنات يقولون مانقدر نستخدمه علشان نصبغ لكن اسمعوا ياحبيباتي..
أحسن طريقة لاستخدمه.. واللي أنا استخدمتها هي: اعجني الحناء مع موية قهوة (إذا بقى شي من قهوتكم إذا زليتوها) أو مع مويه إذا ماتوفرت القهوة وبعد ساعة تقريبا حطيه على شعرك وخليه من 3او 4ساعات إلى 7ساعات أو إلى مايجف الحناء بعدين اغسليه بالماء فقط بدون شامبو طبعا اذا جف راح ينتفش ادهنيه بالزيت اللي تستخدميه غالبا وبعد ماتغسلينه بالشامبو لفيه طاقيه.
أما اللي ماترغب باللون الأسود تصبغ شعرها بلون بسيط ومع الحناء راح يتفتح أنا مثلا صبغت شعري لون (سيكلامي) ومعروف إن اللون السيكلامي يتفتح مع الغسل لانه اصلا لونه اسود وعليه لمعه بنفسجيه ومع تكرار الغسل يتحول إلى عنابي وبعد الحناء يطلع لونه حلو.
وإذا بغيت تصبغين لون فاتح اتركي الحناء قبل بشهرين أو ثلاثة علشان يضبط لأنه على ما سمعت مايصبغ الشعر إذا كنت محنيته بس وحدة من قريباتي تحني شعرها وصبغت وضبط معها لكن اللون اللي صبغته هادي وبسيط.
ملاحظ: الحناء يزيد من نعومة ولمعان الشعر حسب طبيعته.. ولا أقول لكم انه يحول الشعر الخشن إلى شعر ناعم كالحرير بل انه يحسن من شكله ونعومته ويزيد لمعانه. كما أن استخدامة يكون باستمرار.
أتمنى لكم شعرا ناعماً جميلا..