للأمانه والفائده الكل يتفضل

1. وفوريفر اللي تسألين عنها هذه ماركه فرنسيه وغير طبيعيه !!!!


2. انا بصراحه اتفاجأت قلت لا يمكن الرجال كذاب او يبغى يروج لشركتهم ..

السلام عليكم ورحمة الله وبركاته..أخواتي من مده كان اخوي يشتغل بشركة فوريفر المهم وقبل كم شهر دخلت انا وصرت وكيله للشركه على اساس اسوق للمكياج حقهم ..سبحان الله يمكن ربي كتبلي اصير معاهم عشان اكتشف الشي هذا..
يوم بدأت اشتغل معاهم قلت راح اركز على المكياج واسوق له وقعدت ابحث في المنتديات لقيت البنات كلهم طايحين عند هذه الماركه والسبب زي مايقولون انها طبيعيه 100%
المهم انا استغربت الكاتلوج اللي عندي مافيه الاشياء اللي البنات يطلبونها..رحت للفرع اقولهم انتم اعطيتوني كاتلوج ناقص ولا ايش؟؟
قالولي لا هذه منتجاتنا..
قلتلهم طيب ليش باريس غاليري ومكياجي ووجوه يبيعون اشياء لكم غير عن هذه؟؟
قالولي نحنا شركة أمريكيه وليست شركة فوريفر الفرنسيه!!
قلتتلهم يعني؟؟قالولي نحنا منتجاتنا ماتلاقيها غير بفرعنا فقط

وفوريفر اللي تسألين عنها هذه ماركه فرنسيه وغير طبيعيه !!!!

انا بصراحه اتفاجأت قلت لا يمكن الرجال كذاب او يبغى يروج لشركتهم ..

المهم رجعت البيت وقعدت اطلع مواضيع البنات واكتشفت انهم خلطو الحابل بالنابل ..يعني مثلا البودره المضغوطه والبودره الشفافه وخافي العيوب والظلال والقلوسات هذه حقت فوريفر الامريكيه الطبيعيه بس تجي تلاقين مع اغراضهم اشياء زي الكحل الكريمي والبلاشر الكريمي والارواج اللي جايه على شكل بايلات وهذه تابعه لفوريفر الفرنسيه!!يعني البنات للأسف يحسبونهم شركه وحده..ويحسبونهم كلهم طبيعيه ..
طيب الشي الثاني منتجات الشركه الامريكيه عندها ترخيص من وزارة الصحه لجميع منتجاتها حتى المكياج عندها ترخيص انو طبيعي 100%
طيب فين ترخيص فوريفر الفرنسيه على انو منتجاتها طبيعيه 100%!!
الشيء الثالث الماركه الامريكيه الطبيعيه لاحظت انو درجات الظلال عندهم مو كثيره وسألت قال الرجال نحنا ماندخل صبغات بمكوناتها عشان كذا ..
بس فوريفر الفرنسيه ماشاءالله عندهم درجات تعدي وتغلطي ..هذا ايش معناه !!
حبيباتي حبيت افيدكم ترى الشركه الفرنسيه مو طبيعيه واستغلت اسم فوريفر الامريكيه للأسف..
أو يمكن البنات لخبطو بينهم وصار الشي في صالحها ..
وعلى الفكره عشان تفرقون بس فوريفر الامريكيه الطبيعيه وفوريفر الفرنسيه راح تلاقون الامريكيه موجود على كل منتجاتها حتى صابون الاستحمام حتى اي شي رمز على شكل طير ..
على العموم كل وحده لها حرية اختيار منتجاتها انا بس اكتشفت شي وحبيت اوصله لكم..
بالتوفيق للجميع..