للحكيمات ادخلن الامر طاريء لابد من اتخاذ القرار

1. انا هنا ما قدرت اقابل الحريم لان دموعي بدات تنزل


2. رحت ركبت السيارة ووتسدحت فيها وقعدت ابكي وهو جالس مع الرجال يتضحك

السلام عليكن
اخواتي ابي ادخل بالموضوع مباشرة
زوجي انسان طيب حبوب حنون يعطي
ولكن عصبي جدا
المهم يضرب باليد بالعقال بالنعل
صبرت عليه زعلت عليه عند اهلي وقف ورجع وصبرت عليه
اليوم عاد الامر ما يحتمل ضربني قدام اخواته وامه وزوجة جده من امه وسلفتي
السالفة اننا طلعنا للبر
وانا اذا اكلت بالطريق وحنا رايحين للبر من نوصل تحوم كبدي
واليوم نزلت علي الدورة يعني تعب على تعب
تقولون وش حادك على الطلعة ماعندي احد اهلي بديرة وزوجي بديرة
مضطرة اطلع جلسنا بقسم الحريم ببيت الشعر
انا بس مغص وحومة الكبد قعدت اطرش وبعدها تسدحت من التعب قلت انسدح لعلى الالم يخف
الا يجني زوجي بقسم الحريم ويشوفني منسدحة قال قومي
قلت له تعبانة
قال قومي
قمت
ولما شفته راح قلت انسدح الا وهذا هو يدخل مرة ثانية قام شدني مع يدي وقال قومي وضربني برجله قدام خلق الله
المهم انا انقهرت يعني ما احترمني المفروض يسال وش فيك منسدحة؟؟
وهو يدري اني تعبانه وجايتني الدورة
انا هنا ما استحملت قمت بكيت وراح عند الرجال اللي هم اخوه وخاله وابوه وولد خاله الصغير
قعدوا يهدونه قال المراة اذا ماضربتها مع كراعها وومن هالكلام البدوي
المهم ومن الكلام قال انا اطبخ الغداء وهي قاعدة هو بس خايف مرة جده تنقد عليه هو يطبخ ومرته نايمة
لانه هو استلم الطبخ مع اخته لانه راعي طلعات بر
مع العلم ان الغداء اهله هم عازميننا عليه المفروض هم يطبخونه وانا والله الشاهد كل ما اطلع معهم البر الطبخ علي بس هالمرة اني تعبت سواها سالفة بس يبيني اطبخ وانا تعبانه

انا هنا ما قدرت اقابل الحريم لان دموعي بدات تنزل

رحت ركبت السيارة ووتسدحت فيها وقعدت ابكي وهو جالس مع الرجال يتضحك

بعدها بنص ساعة اوحولها جاء ركب السيارة وحرك قلت اكيد يبي يراضيني الا ابعدنا وقعد يناقش قلت يارجال انا تعبانه قال ليش ما قلتي لي افتح السيارة وتنسدحين فيها تناقشنا وقام يضرب بالعقال ويضرب بيديه اقوى ما عنده اناهنا عاد خلاص صبرت عليه وانفقعت صابرة على فقره وعلى ضربه وعلى انه يطلع لبر ثلاث ليال ويخليني لحالي ومع ذلك ما قدر هالشي
المهم بعد هالضرب قال اتصلي على اخوانك وروحي لاهلك ولاتكلميني
الحين انا بالبيت وهو رجع للبر
يالحكيمات هل اتصل واروح لاهلي لانه ما احترمني قدام اهله ولامرة جده
انا اخاف اسكت ويكررها لازم اتخذ موقف ولازم اقرر المصير بالله ابي الحكمة
انتظر ردكن باسرع ما يكون
مع العلم اني ما اراح ارضى الا قدام اللي اهانني قدامهم