للفراشات القصيميات والي عندهم فكرة عروس محتاسة

الله يوفقك

ام
اول شي منوره المنتدى شكلك جديده هون
<< اوخص يالقديمه
المهم ياقلبي انا عروس نفسك بس للاسف انا من الرس مو من بريده وبقولك كل شي حجزته فيه شي ممدوح لي من ناس قراب واعرفهم وفيه اشياء لا والله بالمنتدى عرفت عنهم << بتقول قصة حياتها خ
المهم اول شي
المكياج ماعرف اللي قلتي عنهم
والا قد سمعت عنهم
والصراحه انا للحين ماحجزت كوفيره << فرحانه انتي وخشتس خ
ثاني شي سالتي عنه
الطاولات انا سمعت عن وحده تجهز القاعه وتخليها خياال بس لسى مارحت لها وشفت الشغل
بالنسبه للمصوره
وراكم على ريماس انا مارحت لهم والا شفت شغلهم بس اللي سمعته انهم غالين وما من زود
المصوره انا حجزت اللي بشموخ رحاب
مدحوها لي ناس قراب مني ومدحوها بنات بالمنتدى
ورحت لها وشفت النماذج والحمدلله حجزت
الا اقول دامك من بريده
وش المحلات اللي عندها كوشات فخمه مره
غير احمد وبونيز ؟
<< متوهقه بالكوشه للحين ماحجزت
اتمنى اني افدتك
ولي عوده
انتي متى زواجك ؟

اهلين
انا موب من بريده بعد
بس بالنسبه للصبابات
فيه مجموعه بنات
يسوون لك القاعه من الى
من طاولات وزينه لحد الشاهي والقهوة وطاولات مابعد العشاء
اذا تبين رقمهن ارسله لك ع الخاص

مجبوره أرحل
هلا وغلا فيك ياقلبي لا والله مب جديدة لكن مقلة بالمشاركات
وخ بس ياحبي لي بنات الرس احس وافل بنات
بالنسبة للكوافيرة الله يصلحك ترا لازم تحجزين هالحين بسرعه ترا كل الكوافيرات انحجزوا دبري نفسك انا وحده حجزت ذولي والله يستر بس وانا والله مدري عنهم ماشفت شغلهم متقبض قلبي خالص الله يسمت بس
والمصورة اختي بمشغل شموخ الي بالرس صح وش رايك بتصويرها زين ؟؟ وريماس ترا مب زين ابد بس صرف فلوس على الفاضي
وعلى فكرة انا من عنيزة مو بريدة والكوش فيه محل اسمه مرايا ببريدة عند سوق الذهب يمدحونه وانا والله مارحت له وفيه بعنيزة الفصول الاربعه ويارا مره حلو بالورد صراحة فظيع انا انشالله بسوي مسكتي وكوشتي منه
واختي بسالك اذا تعرفين نهى الشريف ا لي عندكم تراه مصورة ومدحوا مشغل جنايف ويقولون عنده تجهيز حفلات بعد وش رايك فيه لان الرس بعيدة شوي والعنوة صعبة
الله يسهل علينا ويوفقنا يارب
ايه نسيت زواجي بشهر اربعه <<تضحكين بعد انتي وخشتس

ش الروح ووق
يابعد قلبي هذولا البنات وين ومضمونين انشالله
الله لايهينك ارسلي لي رقمهم او حطيه على العام عشان الكل يستفيد انشالله

دفادف ببريده خطير مره
يسوون زفات وكوشات وكل شي

هلا بتس والله انتي اللي احسن وافل بنت
والله ياعمري انا محتاسه مره مع الكوفيرات
خاصه اني ادري ان زواجي ب3 بس لسى ماتحدد اليوم بالضبط
وانا بحطه بالدراسه اتوقع الكوفيرات فاضيات
رحاب اللي بشموخ والله صراحه حلو شغله
وانتي عاد روحي وشوفي
انا اللي مدحته لي اخت زوجي
وكنت مستحيه اقوله جيبي صورتس بشوفهن
بس عاد قلت لامي وهي قالت له وماقصرت جابت الصور وشفتهن صراحه حلوات
مدري والله عن ريماس انا مارحت لهم بس خلاص دامي حجزت رحاب ومرتاحه له والحمدلله
انتي سامعه عن رحاب المصوره ؟
هلا والله باهل عنيزه << ريحة الحبايب
الكوشات للحين محتاره ودي بشي فخم
انا قالت لي المصوره فيه كوشه بيعرضونه عندهم
اسمه ملكة النور من وصفه حسيته حلوه عاد بصبر اذا هي حلوه احسن اني احجز من الرس
حقين بريده ياخذون حق للطريق غير الكوشه
نهى الشريف والله مدري انا ماتعجبن ابد الله يهديه سمعه على الفاضي
حجزته بنت عمتي بزواجه اول شي تاخرت ثاني شي ارسلت تشاديه تحط الاساس وتستشور الشعر وتلفلفه هي جت بس لطخت هالعيون وراحت
تصويره ماشفته..!
وجنايف والله قد صار لصديقتي موقف وتعقدت منه
قالت له صديقتي امسكي القاعه كامله وعطته عربون 5000 اهم شي هونت صديقتي وخلت زواجه عائلي
ومارجعت لهم العربون قالت له صديقتي لو ترجعين الف وتاخذين الباقي
انا شفت عند المصوره صياني مره روعه عاجني عنده اشياء كثير وقالت لي هي عندهم تجهيز قاعات كامل بس كنت مستعجله وماشفت الصور
شفت الصياني وعلب الموياء ونافورة دهن العود وطاولات استقبال مره حلوات بس ماشفت مفارش الطاولات اذا رحت لهم اشوف الكوشه بشوف الصور وارد لك ان شاء الله
اقول انتي زواجك عائلي والا كبير ؟؟

ماعندي فكرة بس حبيت ارفع الموضوع

هلا وغلا اسمعي قلبي انا حجزت ببريده ريماء اللي بالهنوف والله يستر واللي تقولين عنهم مااعرفهن ؟؟
وثاني شي تجهيز الزواج عندك محلات روعه ببريده اسمه زوايا او نواعم نسيت وربي اكتبي بقوقل ويطلع لك
المصوره رحاب اللي بشموخ بالرس شي اختي حجزتها لزواجها وشافت النماذج
والله يعين كلنا محتاسا ت