للقضاء على القشرة عن تجربة

مرحبا بال
من عنواني .... القشرة ومادراكم مالقشرة
بهذلتني وعذبتني من قبل كم سنة ... حتى من الناس تفشلت ... طاح شعري لدرجة صار كله شوارع
القشرة تجوب فيها تتمشى رايحة جاية
وانا قرفانة عمري كرهت نفسي ... قرات كثير عن القشرة لأن هي اساس النكسة وتدهور النفسية
تعرفون انثى بدون شعر ماتسوى ويمكن تحسبوها ذكر
المهم مالكم بالطويلة .... ادري انكم تبغون الحل .....
الليمون
اعميتكم ههه
فعلا الليمون عجيب عجيب يابنات في ازالة القشرة ... اكتشفت الطريقة من خلال بحثي في النت
وطحت على موضوعين
موضوع يقولي استخدم ملعقة خل مع لتر ماء واصبها على فروة الراس
وموضوع ثاني يقولي اضع عسير ليمونة على فروة الشعر
بس الثاني راق لي وجربته
والحمد لله والله يابنات ان القشرة قبت وطلعت بس الاهم تستخدمون مويه نظيفة خالية من الاملاح والشوائب لانها هي اساس القشرة والبلى وتبتعدون عن المسابح لانها تحتوي على نسبة املاح
قولوا ماشاء الله تبارك الله
الشامبو اللي استخدمته هو رويال ضد القشرة واغلب شامبوهاتهم ضد القشرة
هذا العلاج الاول لمشكلة القشرة اللي عانيت منها
وان شاء الله استمر عليها
العلاج الثاني وهو لمنع تساقط الشعر اشتريت زيت الشطورة رجائي بس باقي ما استخدمته
لان اول شي ودي اقضي على القشرة نهائي ... لانها هي سبب التساقط
واذا استخدمت الزيت خبرتكم بالنتيجة على انه الاخت غنية عن التعريف ماشاء الله تبارك الرحمن
والى لقاء اخر
واتمنى لكم شعور جميلة طويلة ناعمة