لمن يزعل ايش اعمل كل وحجه تقول ايش تعمل

اهلا عروسات واحلى عروسات
دحين كل وحده تقول لمن يزعل منها خطيبها ايش تسوي
يعني مسلا اليوم هوا زعل مني لسبب تافه عشان خرجت وماارسلتو بمسج انو انا خارجه..مع نفسو مو لازم ارسلو انا لسا عايشه وساكنه عند اهلي مو لازم يعرف انو نايمه ولا خارجه
وبابا يقول لي لاتدلعيه وكل ماتخرجي تقوليلو انتي حره والله بابا خطير ويبغاي تقيله
الموهم انا الصراحه كمان مااحب ازعلو بس احب اقهرو لمن يكون زعلان كيف اراضيه من دون لااندلق عليه دا اهم شي عندي ابغا اراضيه من دون لا اندلق يعني من دون لا اهين نفسي
يعني انا بس اقول خلاص اخر مرا وان شاء الله ماازعلك تاني بس مااقولو الله يخليك سامحني سامحني ومدري ايش مااحب دي الاشياء اخاف لمن نتزوج يقعد يتريق عليا
الموهم ..
يعني انا طريقتي كويسه ولا احسنها
ابغا نصايح والعروسات التانين يستفيدوا ابغا اعرف كيف اراضيه بدلع ومن دون لا اندلق عليه برضو التقل حلو وعشان يحسبلي حساب وبعد الزواج يحترمني كتيير ومايقول كنتي مخفه
ثاانكس ..استناكم