لو انحطيتي بهالموقف بالله وش بتسوين احراج

الموقف اللي بحكيه لكم حقيقي وصار لقريبتي وأبغا كل وحده تقول وش بتسوي لو انحطت بهالموقف؟؟والموضع كله بخصوص انك تتعبين على فستان للسهر وتتفاجئين بوحده لابسه زيك مع انك أخت أو أم العريس أو العروس ,, أفضل ان الوحده تصمم والله صار موقف بايخ لقريبتي تخيلوا ملكة ولدها وهي على فكره شباب مو عجوز تزوجت بدري وخلفت بدري عمرها في آخر ال30لكن قالت للملكه بشتري جاهز وفعلا ب3500 ويوم جا ليلة الملكه قاعه فخمه وهي تمشي يا أرض انهدي ماعليكي قدي وبصراحه كان شكلها مره خطير وخاصة مع المكياج عاد تصدقون وش صار ,تخيلوا تبون تدرون ؟
جات وحده لابسه توأم فستانها لا وزياده الورده اللي هي حلطتها في شعرها الثانيه حطتها في على رقبتها بشكل ملفت وفي شعرها مركبه ورود صغيره بنفس اللون يعني صارت أكشخ من أم العريس تخيلوا بس مو هنا المصيبه من هي اللي مطقمه مع أم العريس , من؟؟؟
الدقاقه , لا الكل متفشل علشانها تخيلوا أجل كيف هي والله تحزن وصار وجهها طايح وعاد الخبيثين الشماتين ماصدقوا ويوم بدت المشربه تغني وهي واقفه يقولون لها روحي ارقصي معاها دامكم مطقمين ياعمري طول الملكه ماطلعت المنصه ابد مع انها كانت حالفه انها ترقص طول الليل وماتطلع من المنصه , وخلاص حلفت انها متلبس الا تفصيل مو جاهز ,,,وفعلا كانت في ليلة الزواج قمه يعني عوضت بس عن جد موقف بايخ, يالله كل وحده تدخل تقولي اش رايها بهالموقف وهل صار لها أو لأحد تعرفه موقف مشابه؟؟؟؟
منتظرتكم ياحلوات,,