لو سمحتوا ادخلوا يا اخطر فراشات

السلام عليكم ..
حبيباتي .. من مواضيكم الخطيره والرهيبه والعجيبه والابداعيه .. وحركاتكم في تدليع ازواجكم والافكار المذهلة اللي تفاجؤونهم فيها .. ابي اطلب منكم طلب بسيط .. ويا رب انكم تردون وما تتروكوني ..
حنا ان شاءالله ذكري زواجنا بعد حوالي شهرين.. وانا من الحين جالسه افكر وش اسوي .. في ذكري زواجنا الاول حبيبي اشترى تذاكر ورجعنا السعوديه ... ومره فرحت بالرحله ..
هالمره انا ودي اهبل فيه .. اللي بسويه ان شاءالله استوحيت فكرته من فراشه خطيره جعل ربي يوفقها .. كانت مسويه منيو لزوجها لانه جاب لها هديه تبيها من زمان .. اعجبتني الفكره مره مره ..
ان شاءالله ببدا اشتغل على المنيو من الحين .. جالسه ادور على اكلات سهله ولذليذه .. وبعد لقيت كيكه تدوخ من منتدى ثاني بوريكم صورتها .. مره ابداعيه الكيكه على شكل شمعه !!! واو مره رهيبه .. ان شاءالله لما بسويها تطلع زينه لاني حظي طايح في الطبخ .. قولوا يا رب تضبط ..
وهذي صورتها ..
وبعدين .. بعد المنيو .. بشتري لبس French Maid .. لقيته بالنت .. واعتقد عارفين كيف شكله .. وبجهز طاولة الاكل واحط عليها المنيو والكيكه ان شاءالله بعد الاكل بقدمها له ..
المطلوب منكم .. اقتراحات او تغييرات او اضافات او اي شي ممكن يساعدني في الليله المنتظره بفراغ الصبر .. ابغاها ليلية لاتنسى .. .. ابدن ابدن .. وان شاء الله بمساعدتكم راح تكون كذا ...
ملاحظه : فيه فراشات يهمني اقرا ردودهم واشوف اقتراحاتهم .. مثل : ام مرام , دلوعته , ام لين(winnie) , دلوعة مودي , واكيد الاميره الطيبه ... وطبعا فيه غيرهم بس ما تحضرني كل الاسماء .. ابي اعرف وش اقتراحاتكم .. رجاء لا تبخلون علي لاني جدا جدا جدا معجبه فيكم وبحركاتكم ..
وانتظر بفارغ الصبر ..