ليلة العرس

وتصدقين عاد انا الشاطره
من الخجل بدل ما البس قميص النوم الابيض
شوفي وش لبست بجامه
مستحيه البنت ههه
وش رايك في موقف من جد محرج

أنا قبل يوم الزواج
تعبانه استفراغ وحالة بكاء واأوف

موقفي ليلة زواجي لا احسد عليها
فجر ليلة الزواج ماجاني نوم قلت فرصه بروح ارتب
واكوي الملابس الي بشنطه الزواج لكن يوم فتحت الشنطه كانت اكبر صدمه بحياتي
ولما شفت الي صار جلست ابكي من الفجر لحد 8 الصبح
تدرون ليش ؟؟؟؟؟؟؟؟؟؟؟؟؟؟؟؟؟؟؟؟؟
لاني لقيت كل ملابسي معدومه
قميص النوم كان واحد حارقه بسجاره من تحت
وبدلت الصباحيه كأن احد حرقها بالمكوى
وفستان اليله الثانيه الي بحظربه حفلت اهله على الاقل اهون
البطانه شوي تغبر لونها
وتايور الصبح لليله الي بعدها راح فيها ماينفع
المهم رحت الصبح لسوق وكانت المصيبه اعظم!!!!!!!!!!!!!!!!
السوق مقفل تدرون ليش؟؟؟؟؟؟؟؟؟؟؟؟؟؟
لانه يوم جمعه والسوق يفتح بعد العصر
وانا لازم اكون جاهزه بدري يعني متى يمديني انزل السوق متى يمديني اخذ شور واروح للكوفيرء
المهم بعد العصر رحت للكوفيرء
والاغراض راحت امي الله يطول عمرها
وجابتها
لكن اضطرين نقل الملابس لشنطه جديده تدرون ليش؟؟؟؟؟؟؟؟؟؟؟؟
لان الشنطه كمان انعدمت
كيف انعدمت<<<<<<<<<<<<<كأن حد مسك الشنطه وحرق من تحت الشنطه وكسرها
وآسفين على الاطاله معكم
الله يعطيك الف عافيه على الموضوع
وياليت الفراشات المتزوجات يشاركون
عشان نضحك

انا يوم زواجي مرضت وظليت في المستشفى الين الساعه 5 المغرب ومن المستشفى رحت الصالون ولزقة المغذي بيدي والله حتى اللي يشتغلون في الصالون رحموني وطبعا غير الدموع والبكاء وعلى الفجر زاد المرض علي وانا اللي اكلت هوا لاني مستحية منه ومدري شقوله وارتفعت حرارتي وانا متعودة اذا صخنت لازم احد يمسك يدي وماكان فيه احد غيره ومستحيل اقوله امسك يدي والله اللي بغيت ابكي من القهر واخر شئ هو لاحظ انه وجهي قام يعطي الوان فقام يبي يوديني المستشفى طبعا انا قلت لا خفت على برستيجي واخر شئ قام يحلف وانا احلف الين ماقلت له عطني دواي تلقاه في الشنطه وقام جابه وجاب لي ماي وقعد يطبب علي وابتلش المسكين وانا هقوتي فيه يقول بقلبه وش هالعروس المضروبة وانا يعني اني ابي اخفف عنه لانه كسر خاطري قلت له ترى اخوي يقول لك 3 ايام ضمان اذا طلعت مغشوشه تردني ( وحدة تستهبل في الوقت الغلط ) .
ياحلو ذيك الايام ( احلفي بس )

لا وازيدكم من الشعر بيت يوم الصباحية وداني المستشفى لاني تعبت وهددني انه اذا مارحت المستشفى بينزل ينادي خالتي طبعا انا بلعت العافيه ورحت معاه يوم رحنا المسشتفى والدكتور عرف اننا معاريس حط على ابو الشباب يقوله لا تضغط عليها وهو وجهه قام يتقلب وانا فيني الضحكه رحمته المسكين ماسوى شئ غير انه يعطيني مرة بنادول ومرة مضاد اخر شئ قال للطبيب هي من جتني كذا ( العن ام الاحراج ) وقعدت في المستشفى تحت الملاحظه ساعتين بعدين طلعت ولما رجعت البيت الشغالات يضحكون علي تهقون ليش ؟؟؟؟؟
واسفه على الاطاله

انا ليلة الزواج دخلنا الفندق وعلى طول دورة المياه جلست فيها فوق الثلاث ساعات
خايفه اطلع له
واهو خاف علي كل شوي جاي يدق الباب يتاكد انا صاحيه والا نمت

أنا بعد الزفة وكل شيء لمن دخلنا الشقة فتحت الشعر وغسلت المكياج ولبست بجامه مستحيه البس قميص نوم لمن جينا بنام قال لي ما راح تغيرين اللي عليك خلاص صارت الغرفه حارة من الفشلة صرت حارة وضليت اسبوع الاول كلا بجامات

ههه ههه فديتت قلوبكم على هالمواقف الحلو

وينكم يافراشات تعالو قولولنا اشصار من مواقف ليكون كلكم بنات وانحنة ماندري ههه
ان شاء الله اجوفكم عرايس واحلى عرايس كمان