ليلة من صنع ايدج لاتفوتكم

1. 7. سجادة صغيره


2. التحضير..


3. ام اوكي الحين كيف اتقدمينها :


4. وباقي التحضيرات:

السلام عليكم ورحمة الله وبركاته .. اطل عليكم اليوم لاول مرة بهذا الموضوع الذي اتمنى ان ينال ع اعجابكم .. هو عبارة عن فكرة لتحضير ليلة حب من صنع يدينج قد تصلح لاستقبال ليلة العيد مع زوجج .. انا عرضتها بدري لانه يبالها وقت في تحضيرها ..
+الادوات ..
1. طقم لحاف ابيض .. مخاد متنوعة الحجم
2. شموع (متساويات في الحجم بس مش في الطول يعني قصار ومتوسطات والطوال تنفع بعد)
3. اوراق لعمل بطاقة تهنئة واختاري لون يعجبج حاولي اتغيرين عن الاحمر واعرفي انه هاللون هوه بيكون الاساسي لها الليلة
4. ورد .. طبعا باللون اللي اخترتيه
5. شرايط مال الهاديا اللي تيج بالحجم الرفيع باللون اللي تختارينه
6. اقمشة عشان التزيين باللون الابيض واي لون تبينه.. واحلى هالقطع تي بالنوعيه الناعمة لسهولة التزيين

7. سجادة صغيره

التحضير..

1. الفكره انج اتودين اللحاف الابيض اللي هوه اتغطين فيه الكونفورت (اتمنى عرفتوا شو قصدي) عند اللي يطبعون كلام واشعار على القمصان والمخاد,, وديه وعطيه شعر خليه يطبعه او يكتبه عليه .. وهاي بعض الاشعار .. ((ملاحظه انا خذت واتنقيت هالابيات من موضوع الاخت اظن غرام اللي كان الها موضوع مثبت .. اشكرها ع هالخدمه اللي قدمتها للفراشات))
ياليتني شمس تداعب جبينك ..
أشرق على خدك وحضني يدفيك ..
ياليتني قمر يضوي سنينك ..
أمسي على نورك ونوري يمسيك ...
ياليتني مابين رمشك وعينك ...
أشوف لك دربك ... وأنا تايه فيك!!!
سأقترب منك ..
و
ابتسم
س أهمس لقلبك
ب مدِّ الألف حينما تنتشر في نبضي : أُ
ب إحساسٍ يتوهج عند الحاء : حِ
ب وقعةٍ ثقيلة اضغط على شفتي : بُ
ب عمقٍ يهز الكلمة ويرجف الحروف : ك
وأخيراً سأكررها ب ثقة تملأني :
" أَحُبُك "
وش اللي دخل بالنوم وسادة الريش ؟؟
مادام حضنك ... ضمني وإحتواني !!
طيفك يشاركني على لقمة العيش ؟؟
إن مالقيته فالمحاني لقاني !!
كم حلمتُ يوماً ان تصبح وردتي
وأضمك بيدي نحو قلبي
وأشتمُ رائحتُك العطرة
وأغدو كالفراشة في الفضاءِ مُحلّقة
دعني أضعُك في إناء قلبي
وأسقيك من نهر دمائي
وأهتمُ بك دوما وأنت قربي
فأنت حبي ووردتي وحياتي
يعني اسلوب يديد في صنع ليلة واكيد بيستانس وايد .. خلي الطباعة تي في الوسط وبعد طبعي ع المخاد..
2. حضري بطاقة لها الليلة .. طبعي ع الكمبيوتر كلام او شعر تدعينه فيها لها الليلة اذا كانت ليلة لمناسبة او اذا قررت اتسوينها للعيد بتكون هالبطاقة اتهنينه بالعيد مثل ((دعوتك وحضورك هم أجمل حياه
فرحتي عامره والكون ينور في ضياك ,, يا نهار العيد في حياتي مع صبحك ومساك ,, أجمل آيات التهاني لك مع كل الغرام)) وبجيه ضربتي عصفورين بحجر تهنئة بمناسبة العيد ودعوة في نفس الوقت

ام اوكي الحين كيف اتقدمينها :

• حطي البطاقه في مكان بارز .. عشان ايشوفها مثلا علقيها ع المنظره ولا حطيها ع التسريحة.. عشان يقراها ويستانس.
• وعندي حركه حلوة .. هاتي العلاقة الحديد وشكليها ع شكل القلب وييبي خيط باللون اللي اخترتيه لها الليلة وعلقي فيها البطاقة وربطيها بطريقة حلوة بالعلاقه يعني اتكون نازله البطاقه وحطيها في مكان حلو وبارز.

وباقي التحضيرات:

+رتبي الغرفه وخليها تلمع من النظافه وهاتي الشرشف وفرشيه بطريقه اتخلي الكتابه باينه وكذلك المخدات بحركة حلوة.. عطري الغرفه ودخنيها .. اعتمدي ع الاضاءه الخافته .. تعطي جو رومانسي اكثر
+نثري الورد ع الارضيه بطريقة حلوة.. وهاتي الشموع وصفيها ع الارضيه باختيار شكل لترتيبها او حطيها بطريقة عشوائية يعني منظر .. بس هاه لاترتبين الشموع بالطول يعني ملخبطه مرة وحده قصيرة واللي بعدها طويلة وبجيه يطلع شكل يلفت .. بس ياحبذا لو اتخلينه ع طرف الغرفه او في زاوية ايكون احلى .. .
+سوي سويت وعصاير لاستقباله.. حطي السجادة بجانب الشموع بس احرصي ع انها اتكون بعيده عن الشموع .. يعني مثل مايقولون يلسه رومانسية.. رتبي الاقمشة بطريقة حلوة ع السجادة.. الحين الكاسات اللي بتستخدمينها زينيها بالشرايط مال الهدايا وبعد مايجهز كل شيء رتبي الاكل ع السيادة استعدادا لاستقباله
+اخيرا انتي .. لبسي احسن لبس عندج.. اتعدلي بس خليج طبيعيه لاتكثرين من الماكياج الطبيعي احلى.. اتعطري واكشخي قد ماتقدرين وكوني في انتظاره.. وقبل هذا كله طرشي مسج لدعوته .. ((شاعرية ... رومانسية ... رقة ..... نعومه ... ذوق .... احاسيس راقية ,, كل هذه الروائع ستجتمع لدى تلبية سموك الطاهر لدعوتي .. الداعية / غلا روحك))
اتمنى اتكون عجبتكم الفكره .. آسفه ع الاطاله .. ودعواتكم لي ..
اختكم// بنت جميرا