ليله بحريه حالمه من تأليفي

المقادير :
1- عدد لا نهائي من الشموع الزرقاء (من أبو ريالين)
2- كشاف أزرق أو أصفر وتغطيه بشيفون أخضر عشان يصير الضوء أزرق .
3- كرستالات بدرجات الأزرق
4- بالونات زرقاء بنفس الدرجه
5- نجوم فضيه صغيره جداً
6- نجوم بلستك تضيء بالضلام
7- ساتان أزرق .
8- مايو أبيض مع شيفون أزرق على الخصر (مثل التنوره يربط على جنب ) + كرستالات للجسم على الصدر والبطن ولا تكثرين . ويفضل لبس أجنحه من الريش الأبيض مثل الملاك .
9- نافوره كهربائيه صغيره (من ستي بلازا) لصوت الماء الطبيعي .
10- ملح بحري أزرق (من ستي بلازا ) يذاب بالماء .
وإذا حبيتي إضافة القواقع مع رمل خفيف .
طريقة العمل :
أولا وزعي الشموع بركن من أركان الغرفة بطريقتك الخاصه منها على الأرض ومنها على الطاولة
بعدين رتبي الطاوله للسفره بطريقه فندقيه طبعا مع الشوكه والسكين . وطبعا بتفرشين مفرش عليها من الساتان .
وانثري الكرستالات الي بدرجات الأزرق على الطاوله عشان تلمع مع الإضاءه الخفيفه .
ضعي النافوره في ركن قريب من الطاوله عشان تسمعوا صوت خرير الماء .
وركبي الكشاف على أي فيش قريب عشان الإضاءه تلعب دورها بالجو .
بعدين أنفخي البالونات ولصقي عليهم النجوم الفضيه الصغيره بتعطي منظر سحري .
وانثري البالونات حول الطاوله صدقوني منظر يحسسك كأنك بسفينه وتحتك البحر .
بالنسبة للنجوم البلاستك (اللي تجمع نور وتضيء بالظلام)كثري منهم وانثريهم على أرض الغرفه وشوي منهم على الجدار فوق الطاوله .الحين نجي لتزيين طبق التقديم ... :
تجيبين الفلفل الرومي الأصفر ... وتفتحي حبتين وتنظفيهم من الداخل وتحطين بكل وحده شمعه صغيره
وتحطينها بداخل الصحن بس على جنب ...
بعدين تجيبين ورق النعناع وتزيني حواليها . تزيين البانيو :عبيه ماء مع الملح البحري الأزرق .
أنثري ان رغبتي حوله شوية رمل مع قواقع صغيره . ___________________________________
وأترك لك تنسيق البرنامج بما يتناسب معك .