ليله رومنسيه رهيبه وتضحك فى نفس الوقت ههه

السلام عليكم و الرحمه يا حلوات
حبيت اني اعرض عليكم فكره لقضاء ليله رومنسيه خطيره حلوه هاي كلمه خطيره حشى داشين الحرب
كل وحده متزوجه يهمهاا انها تسوي ليله رومنسيه حلوه تسعد فيها بو الشباب قبل لايدخل غرفة النوم مسكينه الحرمه تستعد تجهز

• ملابس النوم
• العطور و الدخون
• البودي لوشن لي ريحته تضرب بعقل الريال يحليله

شوي نبا نغيير فى الحركه المطلوب انه فى ها الليله لاتعبين عمرج تختارين اي ملبس ولا اصدعين راسج با الميك اب
بتقولون لي كيف بقول لكم الطريقه وهي سهله جدا وصدقيني في ها الليله بتعرفين طبيعه ذوق ريلج
ادري ني وايد اقررقر بس يا الله بخبركم الطريقه
بس ادعو لي با الخير كلكم
المطلوب ياعزيزاتي

• تختارين 3 او 4 قمصاان نوم مختلفين فى الالوان و الاشكال
• علبه ميك اب
• ونوعين او 3 انواع من الدخون
• وعطور مختلفه الروائح

الحين بخبرج شو تسوين يشطوره بها الاشياء
يا الله نبدا
طبعاا يوم بيدخل بو الشباب الغرفه تقولين له اليووم ليلتنا غيير نته تقرر كل شي عندي لك 4 قمصان نووم نته خاطرك بااي واحد
1 خاطرك فى القصير لي جذه
ولا فى الشفاف لي جذه
ولا لي شرات هذا يعني شوي اطوول
ولا هذا
ولا هذا الكلاسيكي
عقب مايختار لبسيه ودلعي وقولي اكنت ادري انه ذوقك حلو شقايل حلو عليه امددحي عمرج ادري لي يمدح نفسه يباله رفسه ههه بس امدحي عمرج شو عليج ههه
قولي له اختار الدخوون لي تحب ادخنه وخاطرك فيه تدلعي وياه وعطيه رايج تبا دخوون ملكي ولا دخون عادي وتعطرو مع بعض خليه هو يختار لاتصيرين ملقوفه وايد خليه ياخذ راحته ويختار ههه
وعقب قولي له بتغنج حبيبي حط لي ميك اب بيضحك من الخاطر قولي له حاول ادري صعب عليك بس شوي بيسويج مهرجه يحليلج يبالج صوره لشكلج ههه
بس بيعرف نه المك اب يباله وحده محتررفه شراتج يوم تتفننين له مب شراته هوو سواج مهرجه ههه حشى صارت ليله ضحك احس نه تقديره لج بيزييد بيعررف شقايل تتعبين ونتي تحضرين عمررج كل ليله له هم يتحرون كل شي يصير بسهوله خليه يجوف كل شي بعينه شقايل تتعبين ونتي سوين كل شي ههه
ليش انتى دوم تختارين لعمرج خلييه هوو يدلع ويختار لج لي يتمناه وصدقيني فى داخله بيفرح وايد
وعقب مانقدر نكمل شو بيصير ربي يهنيكم
اتمنى نه الفكره عيبتكم وماكنت ثجيله عليكم احب ني افيدكم
وادعو لي بكل خير