ليله مميزه بالفسفوري لعيد الاضحى

1. 1- طاولة


2. 8-هدية زوجك(انا مفكره في قلم ديور شفته في باريس غاليري وعجبني مره )


3. 9-ملابس حلوه لك يالزينه

اكيد قريتو موضوع المشرفه ديما اللي كتبت فيه ليلتها المميزه في العيد والله يجزاها الف خير عطتنا افكار مره روعه 00واللي ما قراه لايفوته يرجع يقراه00وتفاعلا معها حبيت انزل فكره لعيد الاضحى او اي مناسبه او بدون مناسبه لكسر الروتين اليومي 00 المهم ما طول عليكم (عقب ما طولت وخلصت) هذه الفكره:
الادوات:

1- طاولة

2- مفرشين للطاوله لونين فسفوريين مختلفه (اي لون بس لازم يكون فسفوري قوي بحيث ينور في الظلام) واحد يكون كبير يغطي كل الطاوله بحيث يكون نازل والثاني يكون على مقاس دائرة الطاوله
3-زينه فسفوريه بنفس الوان المفارش (بلونات+ورق مكتوب عليه بالقلم الفسفوري عبارات متنوعه مثل عيد سعيد- كل عام وحبيبي بخير..الخ عبارات تكون لايق للمناسبه +حركة القلوب اللي سوتها ديما اذا كان الجليتر ينور او خلي الورق فسفوري )
4-شرايط فسفوريه
××××××××××××××××××××××××××××××××××××××××××××××××× 6-صحون فسفوريه(البلاستيك اللي تصير مخصصه للحفلات وخاصه حفلات الاطفال موجوده في السوبرماركات في قسم الحفلات تجي طقم مع ملاعقها ومناديلها)
7-كيكه عليها شمعتين صغيره

8-هدية زوجك(انا مفكره في قلم ديور شفته في باريس غاليري وعجبني مره )

9-ملابس حلوه لك يالزينه

خلصنا من الادوات نجي للترتيبات اول شي الوقت الزامي يكون في الليل علشان يكون ظلام دامس وبالنسبه للترتيبات حطي الطاوله في المكان اللي تحسين انه يناسب وحطي عليها المفارش والكيك والصحون والملاعق والمناديل وعلقي الزينه والبالونات والعبارات على الجدران بترتيب حلو اما الشرايط فاربطيهم ببعض بحيث تكون شريطه طويله وعلقي في بدايتها ورقه حمرا على شكل قلب واكتبي عليها بالفسفوري اهلين حبيبي ممكن تتبع الشريطه والصقي الشريطه على الجدار بحيث تودينه لمكان بعد مكان الطاوله يعني يمر على الطاوله ويشوف كل المكان ونهاية الشريطه يكون مربوط فيها علبة هدية زوجك وتكونين ماسكه الهديه( يعني تخيلتو معي يدخل زوجك ويقرا الورقه ويمشي مع الشريطه يمرعلى الطاوله ويشوف الحركات ويكمل الطريق الى ان يوديه للمكان اللي انتي متخبيه فيه ومعك الهديه واول ما يلاقيك ابتسمي وقوليله كل عام وانت بخيرواعطيه الهديه ) وبالنسبه للمكان اللي بتتخبين فيه اختاري يكون ورا باب او تحت سرير وبعدما تعطينه الهديه ويشوف زينك (طبعا تكونين كاشخه بالملابس الجديده ومصلحه مكياجك وشعرك ) روحو كلو الكيكه في الظلام وماراح يبان غير الاشياء الفسفوريه ×××××××××××××××××××××××××××××× انتهى
ان شاء الله تعجبكم الفكره وتسونها واهم شي تنبسطون فيها يعني مو تعب عالفاضي والله يهني سعيد بسعيده....انا بانتظار ردودكم واقتراحاتكم واستفساراتكم(مصدقه نفسي )
ملحوظه:لااحد يتعذر باطفاله حطوهم عند اهاليكم او نوموهم او دورو لهم صرفه