ما كل من يضحك مع الناس مبسوط يا كثر من يضحك ونفسه حزينه روايه روعه

يسلمو حبيبتي واناا في انتظار الاجزاء القادمه........

البارت الثاني
كعادتها اليوميه صحت مع اول تكبيره من تكبيرات المؤذن المعلنه لدخول وقت صلاة الفجر التفت على يسارها وشافته كان ناايم بكل هدوء
ام نور وهي تهز بيدها كتف زوجها : ابو نور قم يارجال
ابو نور : ام
ام نور : عبد الله قم ياللا
ابو نور: شوي زين يامره
ام نور : تم قول شوي شوي الين ماتقيم عليك الصلاه
ابو نور من سمع فز على طول من سريره وهو يتعوذ من ابليس
وراح للحمام (وانتو بكرامه )
ام نور بعد ماصلت طلعت من حجرتها واتجهت على طول لغرفة حنان ومريم عشان تصحي مريم للصلاة لانها الوحيد الي ماسمعت صوتهاا على عكس صوت نور وليلى الي وصلها مع هدوء الليل وطبعا صوت حنان الي خرم طبلة اذنها من علوه
طقت ع الباب بس ماسمعت رد فكرت انها لسى نايمه فتحت الباب وبتسمت للمشهد الي شافته
كانت مريم جالسه للتشهد الاخير وكلها ثواني وسلمت ولفت وجهها وبابتسامتها المشرقه : هلاا يمه حيااك
ام نور : ماشاء الله اشوفك صاحيه .. لايكون كنتي سهرانه
مريم : لا وين اسهر يمه تعرفين مااقدر ع السهر بس حنان كانت صاحيه وصحتني للصلاه
ام نور : زين واهي الان وينها اشوف سريرها خالي
مريم : صلت ونزلت الصاله تقول بتقعد تناظر التلفزيون الين الفطور وعقب بتنام
ام نور : شتلفزونه بعد الان بدل ماتقعد تقرالها قران بتقعد ع التلفزيون
شتبي بهالخراب من صبح رب العباد استغفرالله ياارب ان تهدي هالبنيه
مريم : ان شاء الله
ام نور : وانتي يمه بتردين تنامين
مريم : ايه نعم يمه
ام نور: زين اخليك يابنتي وخفظي هالمكيف الغرفه ثلج
مريم : ان شاء الله
خرجت ام نور من غرفت بنتهاا ورجعت لغرفتها عشان تقرأ وردها اليومي من القرآن واثناء ماتقرأ دخل عليها زوجها
ابو نور : السلام عليكم
ام نور(وهي تقفل المصحف وتحطه ع الكومودينه ) : وعليكم السلام ورحة الله وبركاته
علاامك ابطيت يارجال ؟عسى ماشر
ابو نور: مافي شر ان شاء الله بس قابلت ابو احمد عقب الصلاة وخذتنا السوالف
ام نور : اهاا (وهي تبي تطلع من حجرتها )
ابو نرو : وين بتروحين
ام نور : علاامك بروح اجهز الفطور والقهوه
ابو نور : زين اجل انا بكمل كم شغله عندي بالمكتب ولاجهز الفطور علميني
ام نور : تامر امر
ابو نور : مايامر عليك ظالم
اتجه ام نور للدور السفلي عشان تجهز الفطور .رغم ان البيت فيه خدامتين وارفع بنات الا ان ام نور ماتحب احد يطبخ لعيالها وزوجها غيرهاا
ووسط انشغالها بتجهيز الفطور تدخل حنان ببتسحب وامها مو منتبهه لها ومعطيتها ظهرها وبصوت عالي : شصبحتي يمه ؟
ام نور مخترعه : بسم الله ..حنانوه
حنان : خ حلاتك وانتي متخرعه خ
ام نور : خس الله وجه العدو وتضحكين بعد (تمطها من اذنها ) تبين تجلطيني
حنان : بسم الله عليك يمه
ام نور : قسم بالله ان تعيدينها بتشوفين الي مايسرك
حنان المتورطه : على هالخشم ...وتاشر على خشمها
ام نور : بنشوف ياابنت بطني اعرفك بياعه كلام
حنان وعيونها شوي تطلع من محاجرها : انا بياعة كلام
ام نور : لا ياقلبي الي عدالك
حنان : حليلك يمه تنكتين
ام نور : انا كم مره اقول لاتقولين حليلك قل الله حليل العدو
حنان المتفشله : اوبس زلة لسان السموحه يمه
ام نور : سويلك فايده وخذي هالصحون للسفره
حنان : ان شاء الله
ام نور : وصحي خواتك الساعه 6.30
حنان : ان شاء الله
وطلعت من المطبخ
صحت من نومها وفيها نشاط على غير العاده تسبحت وغيرت هدومها
حطت على راسها مسفع يتماشى مع لون ملابسها الورديه
لها سنيين غطى الراس مرافقهاا مستحيل تتخلى عنه حتى بداخل حجرتها ماتخلعه
دايما لابسته وكأنه صار جزء لا يتجزأ من جسمها
بعد مالفت المسفع باحكام عن ينفتح عليها قررت تنزل للفطور الاجباري
وهي نازله ع الدرج شافت حنان وهي طالعه تركض
حنان : هلاا هلاا بالريم
مريم : اهلين صباح الورد
حنان : صباح العود والعنبر والبخور ...شلونك يااقمرهم
مريم : ههه قمرهم مره وحده الله يجبر بخاطرك ياحنو
حنان : ايه نعم قمرهم والي مو بعاجبه يطق راسه بالجدار
مريم : اعصابك ههه الا وين طايره
حنان : لابس هنا قريب بروح سنغافوره بجيب بخور وارجع
مريم : خ صدق وين رايحه
حنان : وين يعني كنت جايه اصحيكم ودامك صحيتي بروح اصحي مبروكه ومحظوظه
مريم : ياويلك ان سمعوك خ
حنان بثقه : ماعليك منهم مايقدرون يسون لي شي
الا انتي وين رايحه ؟
مريم : بشوف امي اذا تبي مساعده
حنان : استريحي امي خلصت الفطور
مريم : برضو بروح اشوفها
حنان : اوكي اشوفك ع الفطوور سي يو
مريم : سي يو
كملت حنان طريقها لغرفة خواتها اما مريم اتجهت للمطبخ
مريم قابلت امهاا ع باب المطبخ ابتسمت لها :قوة يمه
ام نور : يقويك يالغلا ها وشو الي جايبك المطبخ ؟
مريم : جيت اشوفك اذا تحتاجين مساعده يالغاليه
ام نور باتسامه عذبه : لا يابنتي مااحتاج شي والغالات موجودات ان احتجت
انت بس روحي نادي ابوك خليه يجي يفطر
مريم : ان شاء الله
مريم اطلعت من المطبخ الي مكتب ابوها مملكته الخاصة كان المكتب يغلب عليه الطابع الكلاسيكي ابتداء من الالوان وانتهاء بالاثاث
ابو نور يقضي بالمكتب اكثر من نص وقته اثناء تواجده بالبيت يشوف اوراقه ومعاملاته الي ناقصه او يوقع اوراق او يدرس مشاريع ...الخ
اثناء انشغاله بالملف الي قدامه سمع طق ع الباب
ابو نور بابتسامه : دخلي يامريومه
مريم وهي تدخل : اول شي صباح الخير وثاني شي شلون عرفت ان انا الي ادق الباب
ابو نور : ههه اول شي صباح الورد وثاني شي بسيطه لان محد يدق بابي بهالنعومه غيرك وثلاث مرات بس
مريم : اها .... انزين يبه الفطور جاهز
ابو نور: الحمد الله جهز خلااص انا شوي وبموت من الجوع
مريم بخوف : بسم الله عليك يبه جعل يومي قبل يوم
ابو نور وهو يضم اصغر بناته لصدره : يابنتي المووت حق علينا وقصر الزمن او طال مردنا شاربين الكاس
مريم : .........................
ابو نور: امشي يللا نروح نفطر عن تجي امك الحين وتهاوش
مريم : خ
حنان وصلت غرفت خواتهاا وطق الباب مره واثنين وعشر ولكن لاحياة لمن تنادي
طبعا الحبيبات مو بنايمات الا عقب الفجر فطبيعي مايردون عليها
فتحت الباب ولقتهم بسابع نومه
حنان وهي تقرب من نور : نور نواري ياللا قومي
نور :.........
حنان : النور يالله وبعدين
نور : ام
حنان تلف على ليلى : ليلى ....ليلوه ياللا انتي بعد قومي
ليلى : انزين بس شووي
حنان : اقول قومي بلا شوي لا نيله
ليلى : قلت لك طيب اوف
حنان خلاص فولت وبصوت عالي : وهي تسحب اللحافات : اقول بالطيب قو مو
نور بانزعاج : حنانوه وصمخ انقلعي بره وقفلي البااب
حنان : مو بطالعه ..امي قالت اصحيكم وياحلوين الساعه الان قريب ال7 يعني الفطور العسكري حان موعده
ليلى : حنان قفلي فمك وانقلعي بره احسن لك ورجعت سحبت لحافها وتغطت
حنان : اقول قومو بالطيب عن تجي امي تغسل شراعكم
ليلى : .....................................
نور : ........................
حنان : انتو الي حديتوني على هالشي وتقوم تخرج من غير ماتسكر الباب
ليلى : اوف واخيرا ذلفت
نور : مالت كان قفلتي البااب يالتيسه
ورجعو البنات يكملو النوم
وبعد شووي ترجع حنان لغرفة خواتها وهي تتسحب شوي شوي وبيدينها كاستين مويه باارده وتكب على كل وحده من خواتها كاسه
ليلى ونور : اه
حنان الي وصلت عند الباب : تستاهلون
ليلى : بلى في شكلك شالحركات
نور : تبين الي يكسر لك عظامك مويه وبارده الله اكبر عليك
حنان : قلنا قومو ما قمتوو تستاهلون
ليلى : ان مارديتها لك
حنان : خ عشم ابليس بالجنه ..لاتكثرون كلاام بدلو هدومكم ونزلو للفطور سامعيين
ليلى ترميها بالمخده : انقلعي
حنان الي ماجات فيها المخده : الحمد الله اختي حوله
ونزلت جري عن يجيها شي اكبر من المخده وخلت خواتها يتوعدون لها
وصلت لحجرة الطعام دخلت وسلمت على ابوهاا واخذت مكانها ع الطاوله (بجانب ابوها )
ام نور : ها صحيتي اخواتك ياحنان
حنان : ايه نعم يمه
ابو نور : وانتي من متى هالنشاط اشوفك قايمة بدري من غير منازع
حنان الي توقهت بالسؤال تعرف لو درى ابوها انها مو نايمة لحد الان رح يهاوشها : ها
ابو نور : وش ها سمعتي سؤالي شمقومك بدري ؟
نور وهي تدخل عليهم : وهي اصلاا نامت
ابو نور : وليه مانمتي ان شاء الله
حنان المتورطه : يااخي انت تدري اجازه ابي استانس وبعدين هالمساطيل (تاشر على ليلى ونور )ترى مانامو الا عقب الفجر يعني زي زيهم
ابو نور : يااخي ها اصغر عيالك انا
حنان : سوري يبه مو القصد
ابو نور : حنان السهر الزياده بطليه سامعه وارحمي عيونك من السنتره قدام التلفزيون وهالافلام لا اخر شي بشيل الفيشه ودوريلك تلفزيون
حنان مرخيه راسها : حاظر يبه
ام نور : وانتن يالشيخات ليه ماتسلمون على طول جلستن
نور وليلى الي توه منتبهات انهم ماسلمو على ابوهم ولاامهم (طبعا مستانسات على حنان الي يهاوشونها ياحرام )
حنان استغلت الفرصه : ماتعرفن السنع
ابو نورعطاها نظره يعني انكتمي احسلك
نور قامت وتحب راس ابوها : مسامحه يباا
ليلى من وراها وخري زيين خلينا نسلم على شيخ الشبااب ومسكهم وعودهم
ابو نوره وهو يضحك : شيخه الشبااب مره وحده اكيد هالشبااب عجزاان دامني شيخهم ههه
حنان : الا شيخهم من اصغرهم لاكبرهم وحلاهم بعد انت حتى مغطي على توم كروز
(ليلى ونور كانو راحو حبو راس امهم ) نور : يهبى يجي هالكروز عند فر من اظفار ابوي
ليلى : كل مزايين الكون بكفه وانت بكفه يااكايدهم
ام نور بانفعال شوي : خصلتو غزل
مريم : خ امي تغار
ام نور بنص عين : انتي الان من اول ساكته ويوم مانطقتي قلتي اغار
(حليلها مريم انكسحت ) ولو بغار مارح اغار من بناتي يالدعله
حنان وهي تغمز بعينها لامهاا : علينا يام نور
ليلى : عادي يمه قولي تغارين ترى مافيها شي ومارح نلومك الوالد يستاهل
ام نور طفرت من بناتها : قلت مااغار قفلو الموضوع
ابو نور استغل الموقف وحب يحرج حرمته وبزعل مفتعل : اجل ماتحبيني يامره
ام نور : استح يارجال بناتك قاعدات
ابو نور مكمل خطته بس بنبره ناعمه : وش علي منهن قولي تحبيني
ام نور الي اصطبغ وجهها بالاحمر : وبعدين
البنات فطسو ضحك على امهم وحنن طبعا لازم تعلق
حنان تصفر وتصفق : اموت علي يستحون
ابو نور وهو يقرص خدهاا : انا كم مره اقول بطلي هالحركات
حنان متوجعه ياحرام : اي ان شاء الله ان شاء الله
نور : دوم ان شاء الله ومانشوف شي
ام نور تغير الموضوع : الا ليلى متى الاختبار يابنتي ؟
ليلى : بعد اسبوع يمه ان شاء الله والنتايج عقب الامتحان بيومين
ابو نور : وان شاء الله تذاكرين زيين
حنان برزة وجهها المعتاده : بنتك داافوره تاكل الكتب اكل
ليلى : هي انتي اذكري ربك
حنان : لا اله الا الله تطمني ان انحسدتي انا معك بالبيت تعالي وخذي من وضوئي
مريم : اختي بترفع راسنا ان شاء الله
حنان : اختك مو بصااحيه
ليلى : وليه عمتي حنان
ليلى : اجل وحده صاحيه تضيع من عمرها 7 سنيين دراسه
نور : وانتي اشلك عمرها ولا عمرك هي الي بتدرس او انتي
ليلى : والله حاله تراها 7 مو 70
ابو نور : الايام بسرعه تجري وكلها مده بسيطه وبتتخرج وتتوظف وناس بعدهم حتى ماتخرجو
حنان فهمت النغزه : ان شاء الله رح اتخرج
ابو نوره : والله مو باين اذا بعد سنتين بادارة الاعمال قلبتتي قانون بعد سنتين بتقلبين علوم
حنان : بسم الله علي علوم وع واصلاا خلااص مااقدر اغير نظام الجامعه يمنع
ابو نور: ولو كان يسنح كان غيرتي ؟
حنان : لا بس اقولك يعني وبعدين انا عاجبني مره القانون كشيخ وجديد القسم وانا رح اكون ان شاء لله من اول دفعه يخرجونها
ابو نور : اهم شي تتخرجين ولا تحولين ولاتفحطين
حنان : حط ببطنك بطيخه صيفي
ابو نور : بنشووف
ام نور : يابو نور دام ان البنات قدامهم اسبوعين على ماتخلص ليلى امتحاناها واوراقها شرايك تاخذ اجازه ونطلع الديره او الرياض
البنات بصوت واحد : لا ا

اسألوا دمي .. وسعادتي وهمي
اسألوا التوفيق ..
والكدر والضيق
اسألوا الطيب في صفاتي ..
والدعاء اللي في صلاتي
واسألوا شهودي ..
الدموع اللي في سجودي
اسألوهم .. واسألوا دمي ..
عن غلا أمي..
ام نور : علامكن تقول لاقعكن عقرب
البنات حليلهن استحن
ابو نور : وحضراتكن ليه ماتبون الديره ولاا الرياض
ليلى : يبه الله يطول لنا بعمرك الديره مافيها احد نعرفه
واهلنا كلهم بالرياض وشحقه نطق مشوار لهاا
حنان : والله انك صادقه
ابو نور الديره الي مو بعاجبتك تراها ارض ابوك وجدك (يوجه الكلام لليلى )
ليلى : والنعم فيها يبه ماقلنا شي بس يبه جدتي وعمي بالرياض
و البيت وحالته حاله انا اشك انه مسكون
مريم : انا اقول نقعد بجده اصرف لنا
حنان : صح يبه ماله داعي السفر ترى حتى الرياض والله مو حلوه
ابو نور: ها نوروانتي بعد ماتبين تقولين رايك بالسفر شرات خواتك
نو ر: يبه انا مالي راي الراي اولا واخيرا لك ولامي من عقبك وين ماتبي بنروح وخواتي ماعليك منهن
ام نور : والله انك صادقه
ابو نور : اثرني اهتميت اسمعوني ان شاء الله عقب نتيجة ليلى بنروح الرياض
ياللا انا بروح الشركه توصوني على شي
الكل : سلامتك
طلع ابو نور متجه لعمله اما البنات وامهم اخذوا قهوتهم والى الصاله
ليلى وهي ترمي نفسها ع الكنبه (القنفه ): اوف بنروح الرياض
مريم : الله يستر من الي بيصير
ام نور : اسمعن يابناتي انا ماتكلمت قدام ابوكن عشان لا يعصب ولا يهاوشكن والان بصراحه ليه ماتبون الرياض (ام نوره عارفه السبب الحقيقي لرفض بناتهاا لكنها تبغى تتاكد خايفه يكون السبب الي في بالها من نسج خيالها )
مريم : يعني يمه انتي ماتعرفين السبب؟!
ام نور : لو اعرف كان سالت يعني
حنان بتضجر: بالعربي اللفصيح عشان لانشوف جدتنا المصون
ام نرو بعصبيه : حنانوه يوم ماتبين تتكلمين عن جدتك تكلمي بادب سامعه
حنان : يمه انا مو قصدي اقلل من احترامهاا بس عاد انتي ابخص بجدتي
ام نور الي مو عاجبها الكلام وظنها طلع بمحله : حتى ولو هاذي جدتك عجبتك ولا ماعجبتك هاذي جدتك واحترامها واجب
مريم : يمه تكفين اقنعي ابوي اننا مانسافر
ام نور : انتن صاحيات ؟! شتبوني اقوله ؟!
والله بناتك مايبون يروحون الرياض عشان امك ؟
ليلى : ايه نعم قوليله
ام نور وبلهجه حاازمه : اسمعوني زين انتو الان ترضون احد يقول عني كلمه مو بزينه ؟ ترضون ان أي احد يقلل من احترامي ؟ ترضون احد يحرمكم مني ؟ طبعا بتقولون لا
اجل شلون تبوني بكل بساطه اقول لابوكن والله بناتك الي ربيتهن وكبرتهن وعلمتهن بناتك الي هم حفيداتها مايبن يرحن ولا ايحبن المره الي تعبت عليك وربتك وكبرتك الين ماصار اسمك ينذكر بمجلس الكل يقول سلمت البطن الي جابته ؟! شلون يابنات بطني ؟!
مريم : يمه احنا مانكرها لكن تصرفاتها
ام نور : هي مره كبيره ومهما كان لازم تحشمونهاا
حنان : بس يمه ..... وتقطع امهاا كلامها قبل لاتكمله
ام نور : حنان لا تكثرين الهرج ...ترى موقفكن هذا مو عاجبني ابداا
واسمعي زين ياجنان اياني واياك تحطين راسك براسهاا يابنت اعقلي مهما كان هاذي مره كبيره واحترامها امر واجب انا تحملتهاا يوم كنت بعز شباابي وكانت هي بعدها بصحتها الين اليوم لا شاب راسي وهي اهتد حيلهاا مااتحملهاا ؟!
يابناتي لخاطر ابوكن لا تعملن مشاكل معاها
وحاولو تحسسونها انكن تحبونهاا
حنان وهي تبوس راس امها : ولا يكون خاطرك طيب يمه
وشوي الا ليلى توقف : عن اذنكم ياجماعه انا بروح اذاكر
ام نور : يابنتي خفي شوي من هالمذاكره واهتمي بنفسك زين شوفي شلون صايره عصلاا (نحيفه وايد )
ليلى تضحك : هذي رشاقه يمه
ام نور : جلد على عظم وتقولين رشاقه امحق رشااقه
البنات خ
مريم : وانا بعد استاذن بروح انام شوي
حنان : انتي ماتكلين من النوم علىطول نايمه
مريم : مو بكيفي حاسه بتعب وكسل
ام نور بخوف : اجل لبسي عباتك بوديك المستشفى (وتلتفت لحنان ) حنان دقي ع السايق خليه يجهز السياره
مريم بابتسامه : يمه ماله داعي هو بس تعب خفيف وان شاء الله بعد مااصحى من النوم رح يكون رااح مو محوجه المستشفى
حنان رازه وجهها : يمه شوفيها ماشاء الله مافيها الا العافيه
ام نور : اللحين التعب فمين فيك ولا فيهاا عن اللقافه ... مريم يابنتي اسمعي كلاامي وخلينا نروح المستشفى
مريم بعصبيه : وايل يعافيك يمه مابي مستشفيات قلت لك بنام وبكون بخير لاصحيت وطلعت على غرفتها
ام نور : لاحول ولاقوة الا بالله
حنان : عن اذنكم بروح انام خلاص مافيني حيل افتح عيوني
ام نور : روحي نامي وان اذن الظهر وماقمتي للصلاه تراني بسبحك بسطل مويه ساامعه
حنان : ان شاء الله
وطلعو البنات غرفهم مابقي الا ام نور ونور الي كانت جالسه طول الوقت ولاهي حاسه بالي يدور حولها جسدها بالمكان ولكن تفكيرها كله متركز علي جالسه تشوفه
ولد صغير وبنت اصغر منه كان شعرها كستنائي قصير وكيرلي عيونها العسليه وبشرتها الي بياض اللبن الصافي يلعبون وسط حديقه كبيره وتحيط فيهم الازهار وضحكاتهم تملى المكان
الولد : ثعالي هناا (ريم ريم تعالي هنا )
البنت : ماابعى (ماابغى )
الولد : اوف يالبي ادول ثعالي (اوف ياربي اقول تعالي )
البنت : اوف ماابعى
الولد يسحب شعرهاا ويجري والبنت قامت تبكي
شاف الولد دموعهاا وسمع صياحهاا رجع لهاا
الولد : حلاس لاتبكي (خلاص لاتبكي )
البنت : ليه تدلوبني اندلع هناك ما احبك ( ليه تضربني انقلع انا مااحبك )
الولد : انا اثف لاتذعلي انا احبث وايد (انا اسف لاتزعلي انا احبك وايد )
نور ابتسمت للي تشوفه
ام نور : نور .......نور
نور : ................................
ام نور : نور ........ نور وصمخ
فجأه اختفى كل شي من قدام عينها وانتبهت لامها الي تناديهاا
نور : سمي يمه بغيتي شي
ام نور : علامك يابنيت ساعه اناديك خواتك راحن غرفهن وانتي ولا انيت هنا
نور مفتشله : السموحه يمه بس سرحت شوي
ام نور : وش الجديد
نور :........................
ام نور : الين متى بتقعدين على هالحال
نور : يمى ارجوك
ام نور : ام مطلق اتصلت امس تقول
نور : اعرف اشقالت كلاام كل مره قوليلهاا لا لا
ام نور : يابنتي فكري زين
نور : لا رح افكر ولايحزنون ...يمه انتي تدرين رأي زين بالموضوع
ام نور : يابنتي فكري مارح يضرك التفكير ترى قعدت البنت مو زينه
نور بعصبيه : وهرج الناس كثير بس يمه والله خلاص ماابي
واذا تبين تخلصين مني انا حاضره قولي لهم موافقه وماابي لاعرس ولاطقطقه ولو بيجي اليوم يملك علي وياخذني اناا جااهزه ارتحتي
ام نور الي عصبت من صوت بنتها العالي : نور لايكون نسيتي اني امك اشوف حسك قام يعلى علي تراني امك اذا نسيتي
نور ودموعها على خدها : يمه افهميني انا خلااص تعبت كل فتره ونحن نعيد هالكلاام وام مطلق خل تزوج بناتها وتحل عني انا عرسان ماابغى
ليه يمه تحنين على هالموضوع ليه محسستني اني حمل ثقيل وتبونه ينزاح عنكم او زي الي مسويه بلوه وتبون تسترون عليهاا
ام نور الي تقطع قلبها وهي تشوف دموع بنتها : خلااص انسي الموضوع هذا وانا مارح اكلمك فيه مره ثانيه ...بس يابنتي اعرفي انك مو رخيصه ولاانتي حمل زي ماتقولين انا ابغى اطمن عليك قبل لاتغيب عيني
نور : عسى عمرك طويل يمه لاتقولين هالكلام
ام نور : خلاص يابنتي قفلي الموضوع لاتوجعين قلبي ولااوجعك انا بروح اصلي الضحى وبنام ساعه
................... في غرفة حنان ومريم ...................
حنان داخله الغرفه وهي متنرفزه وكانت مريم توها بتتمدد ع السرير عشان تنام
مريم : هي انتي شجاك كذا داخله ماتعرفين تطقين الباب
حنان وهي تتنفخ : واعتقد ان هاذي حجرتي ومو محتاجه اطق بابها لابغيت ادخلهاا
مريم عرفت ان اختها مضايقه وفي كلاام تبغى اتقوله وهالشي مبين من انفعالها الزايد وعبثهاا بالاشياء الي محطوطه ع مطتبها بطريقه عصبيه واايد
مريم : حنان اخلصي قولي الي بخاطرك مافي داعي لهالحركات
حنان وماصدقت تقول اختها هالكلامات حتى انفجرت
حنان : انزين اسمعي ماتبين تروحين المستشفى بالطقاق الي يطقك لكن ترفعين صوتك بوجه امي وتعطينها مقفاك قبل لاتكمل كلامها هذا الشي ابد مو مقبول وان عدتيها بتشوفين الي مايسرك
انا لو ادري انها مارح تزعل كان رويتك شغلك قدامها لكن اعرفها رح تضاايق فقلت اسكتي يابنت لاتزعلين امك ولاتحرجين اختك
مريم بابتسامة سخريه :مو غريب ان انتي الي تقول هالكلام
حنان : شتقصدين
مريم : يعني بدل ماتوزعين نصايح على خلق الله انصحي نفسك بالاول
حنان : انا عمري ماغلطت على ابوي ولاا امي
مريم : وجدتي ؟
حنان : جدتك هاذي حاله خاصه
مريم : لا والله
حنان : شوفي مرايم انا اكثر وحده فيكم متعلقه بابوي وامي واحبهم بشكل جنوني
مريم : يعني احنا نكرهم
حنان : لاتقاطعين سمعي كلا مي للنهاية
مريم : انزين
حنان : وبعدين المهم اسمعي جدتي عمرها ماحبت امي ولاا حتى خالتي
مريم : اجل شلون خذوهن ابوي وعمي
حنان : لانها رغبت جدي وجدتك ماتقدر تعصي شوره
جدنا ابو ابونا الله يغفرله وجدنا ابو امنا كانو اصحاب وايد ومايفترقون
ولما كبر عمي وابوي واشتد عودهم قرريزوجهم من بناته جدتك ماكانت راضيه وتعللت انهم من فخذ وهم من فخذ ثاني وجدي قالها اننا مادام قبيلتنا وحده مايهم الموضوع طبعا السبب الرئيسي والي ماقدرت تقوله جدتك لجدي انها كانت تبغى عيالها ياخذون بنات اختها
مريم : اها فهمت لكن اهي الان تعامل خالتي وايد زين
حنان بضيق : لانها ام الاولاد ...جدتي كرهت امي بزياده يوم انها جلست 5سنين ماحملت وابوي رفض ياخذ وحده عليها او حتى يطلقها وبوم احملت امي وصارت خلفتها كلها بنات وماجابت الولد الي يشيل اسم ابوي .
صدقيني يامريم انا ماارد بس عشان ابين كم اني قويه ومااخاف من احد
صدقيني انا مو عاجبني هالشي واكثر من مره احاول امسك اعصابي بس والله مااقدر ...كل كلمه جدتي تقولها كل نغزه لامي تذبحين احسااسي ان اامي جالسه تتعذب النظره المكسوره بعينهاا مااقدر اتحملها امي ماترد عليها لانها مره كبيره وبحسبت امها بس انا مااقدر ماقدر
تنهدت حنان بالم وتبعتها تنهيده تحمل الم اكبر من مريم
مريم : انا كنت دايم احسدك ع الجرأه الي فيك على قوتك على ردك عليهاا صح اسلوبك باايخ وتصرفك خطأ لكن مع كل هذا اتمنى اكون مكانك
حنان بزهو : انا حاله خاصه ياماما ...بس مهما كان تصرفك الي اليوم مع امي لاتعيدينه هالمره بعديها لك بمزاجي
مريم : حلوه بمزاجي ههه
انقلب ملامح مريم لجديه وقالت لحنان .......
مع خالص ودي

اواه يا طول عمري لا حسبت الهموم
يا كني اكبر من الدنيا ولا قد شكيت
++++طلال الرشيد ++++
انقلبت ملامح مريم لجديه وقالت لحنان :
حنان انتي اكثر وحده مفروض تكون فاهمتني
اكثر وحده عارفه اسباب انفعلاتي تصرفاتي من غير مااشرح لها
انا خلاص ياحنان تعب وربي تعبت مو قادره اتحمل اكثر صددقيني
احيان اتمنى من كل قلبي اموت وتخلصون مني واخلص اناا
حنان معصبه : شهالكلاام ايش نخلص منك احنا اشتكينالك
مريم والله حرام عليك انيت تعرفين ان الواحد حرام يدعي على
نفسه بالموت
مريم : ادري بس قدرتي ع التحمل وصلت حدهاا
حنان : كلمة منك تنهي هالوضع كله
مريم : كلمة ممكن تدمر حياة غيري
حنان : بس غيرك رااضي ومستعد يدفع عمره عشانك
مريم : عسى عمره طويل ان شاء الله
حنان : اسوء شيء اننا مانقدر نساعد الي نحبهم
مريم : واحسن شي نحترم رغبات من نحبهم
حنان : وان كانت رغباتهم خطأ ان كانت رغباتهم سبب عذابهم
مريم : لازم نحترم قراراتهم
حنان : الكلام معك ضاايع
مريم : ههه
حنان : اضحكي اضحكي انا انحرق عشانك وانتي تضحيك
مريم تحضم حنان لصدرهاا : الله يسعدك صدق انك حنان اسم
على مسمى
حنان : قصي على عقلي قصي
مريم : مالت عليك تشكين في مشاعري
حنان : ايه نعم لو صدق تحبيني طيعيني
مريم : اوف انتي مو حنان انتي حنانه
حنان : مسرع ماغيرتي رايك
مريم : من حنتك
حنان : هذا لمصلحتك
مريم وه يتمتد ع السرير وترفع اللحاف تغطي نفسها : اقول
حنان انا ابي انا لو سمحتي اطفي النور ونامي واذا مابتنامين عطيني مقفاك
حنان : طيب يالجبانه نامي وانا بعد بنام
*****في غرفة ليلى *****
Ch3+O2>>>CO2+H2O+E
الميثان +الاكسجين يعطينا ثاني اكسيد الكربون وطاقه
صح حليتهاا ياسلام عليك يالولو يااشطوره
(الاماكن كلها مشتاقه لك ...العيون الي انرسم فيها خيالك
والحنين الي انرسم بقلبي وجالك ماهو انا بس الاماكن كلها
مشتاقه لك )
<<نغمة جوال ليلى
ليلى : يوه وين هذا الجوال الحين وتدور ع المكتب لين مالقيته
تحت الانقاض ( الكتب )
( ضرتي يتصل بك )
ليلى : هلا
احلام : اس اس اسلامو عليكو طب اس اس السلامو عليكو
ليلى : بعد السلام
احلاام : اه يحلى الكلام
ليلى : ماتنعطين وجه تراك
احلاام : مالت عليك هذا وانا معبرتك ومتصله مو زيك
ليلى : لا والله مدري مين الي اتصل عليهاا وما ترد حتى اهلها
خفت يقولون يابنت تراك لزقه لاتتصلين
احلام : خ تطمني مارح يقولون
ليلى : ليه مادقيتي امس انتظرت انتصالك وحضرتك ماعبرتيني
احلاام : متى دقيتي؟
ليلى : دقيت بعد العشاء وردت علي هذيك المحقق كونان
احلام : خ حلوه تصدقين ولاقالت لي
ليلى : هذا وهي فتحت لي تحقيق ياابنت خذيها نصيحه مني
بنتكم هذي لاترد ع التلفون وربي تقرف الي ماينقرف
احلاام : ماعليك منها ارويهاا هذا وانا قايله لهاا لادقت ليلى لا
تطولينها وهي قصيره لكن لاحياة لمن تنادي
ليلى : مو مشكله حصل خير
احلاام : ليه دقيتي امس ؟
ليلى : كنت ابغى اقولك تعالي عندي تعشي ونسهر
سوى على فلم هندي جديد
احلام : لا والله تبغين دحمي يقصب رقبتي
ليلى : ومن دحمي هذا
احلاام : خ عبد الرحمن اخوي من غيره بعد
ليلى : ههه يالظالمه من عبد الرحمن لدحمي
وبعدين حظرته ليه مايرضى ؟
اخوان شبااب وماعندي وابوي كبر ابوك الله يرحمه وما يسهر بعد
العشا على طول نايم والبيت جنب البيت
احلام : ماعنده سالفه يقول عيب ذاك اليوم مارضي يخليني اروح
عند دارين وانتي شفتي بيتها كيف قريب
وهي داقه ع العصر مو زيك العشا
ليلى : معقد
احلام : لاعاد كله ولا دحمي ماارضى عليه
انا اسبه بكيفي غير نو اخوي حبيبي
ليلى : ماعليناا انتي الان شعندك داقه
احلام : امحق اسلوب
ليلى : خلينا الاسلوب لك يام الاسلوب
احلام : ههه ...اسمعي باركيلي
ليلى : على ايش ...لايكون
احلاام : ايه ايه
ليلى بفرح : الف الف مبروك والله لو اعرف ازغرد
كان زغردت لك
احلاام : شكر اا شكراا
ليلى : ومتى هالكلام يالخاينه
احلاام : امس بالليل
ليلى : وليه ماقلتي من قبل هاا ؟ وكيف شكله حلوو
احلاام : شوي شوي امس دحمي اشتراه لي وانتي تعرفينه
نفس جوالك بس اللون غير
ليلى : جوال
احلام : صمخ ان شاء الله فقعتي طبلت اذني
ليلى : الحين انتي عامله الهيصه والزنبليطه هذي كلها عشان جوال
احلاام : ايه نعم ليش انتي شتفكرين فيه
ليلى : مالت عليك على بالي جالك عريس
احلام : خ أي عريس انتي وجهك تو الناس ياهو
وبعدين يالذكيه انا لو بعرس مارح اتنازل
ان يكون عرسي وعرسك بنفس اليوم
ليلى : ولازم بعد يكون نفس الزوج المصون
ولا شلون بنكون ضراير
احلاام : عز الله امه داعيه عليه دامه بياخذك
ليلى : لا والله اصلاا يحمد ربه ان ليلى بنت عبد الله
تنازلت واخذته
احلاام : اخس يالغرور
ليلى : نو ياقلبي هذي ثقه
احلاام : لايكثر بس ...ايوا اسمعي تذكرت الان انتي دفعتي
الرسوم حق الاختبار
ليلى : أي اختبار
احلاام : اختبار القبول يعني اختبار ايه انتي وجهك
ليلى : ايوه وصح لا مادفعت واصلاا مين قال ان فيه رسووم ؟
احلام : امس دارين دقت علي وقالت لي ان في رسوم واذا
مادفعتيها ماتدخلين الاختبار
ليلى : طيب ووين ندفعهاا
احلام : ببنك الراجحي وترى لازم تجيبين سند استلاام وتودينه معاك يوم الاختبار
ليلى : اوف شغله وانا الي اقول بكره احول بالكردت كارد
احلام : لا يااقلبوو مايصير وترى اخر موعد للدفع اهو اليوم بنهاية الدوام البنكي
ليلى : لا وليش دوبك مفتكره تقولين لي
احلام : قلت لك مادريت الا امس بالليل واليوم دحمي وهو رايح
الدوام مر البنك ودفعهاا
ليلى : وانا ايش اسوي الان الساعه 10 وابوي مو راجع
الا ع الغذا ايش اسوي
احلام : روحي ادفعيها انتي روحي الفرع القريب من البيت قسم
السيدات وخلصيي نفسك
ليلى : فكره طيب كم الرسوم
احلام : الرسوم 50 ريال بس
ليلى : مالت وهاللفه الطويله العريضه عشان خمسين ريال
احلام : شفتي كيف
ليلى : اوكي انا بروح الان الحق ع البنك تامرين على شي
احلام: سلامتك
ليلى : الله يسلمك يالله ضفي وجهك بايو
احلام : بايو
ليلى اول ماخلصت المكالمه طيرات ع الصاله عشان كلم امهاا
لكن مالقيتها ولا قلتها بالمطبخ فتوقعت انها بغرفتهاا راحت
وطقت البااب
ام نور : ادخل
ليلى : قوه يمه عسى ماشر
ام نور : هلاا ليلى ماشر بغيتي شي
ليلى : ايه نعم ابي فلوس
ام نور : مسرع خلص مصروفك
ليلى : لا يمه ماخلص بس انا ابغى ادفع رسوم لاختبار القبول
ام نور : وليه ماخذتي من ابوك الصبح؟
ليلى : انا مادريت بسالفه الرسوم الا من شوي دقت احلام
وقالت لي
ام نور : انزين كم تبين
ليلى : خمسين ريال
ام نور : انزين هاتي المحفظه من الدولاب
ليلى : ان شاء الله
ام نور : من بيروح معاك الجامعه
ليلى : انا مو رايحه الجامعه
ام نور : اجل وين بتدفعين الفلوس
ليلى : بدفعها بالبنك عشان السند
ام نور : زين
ليلى : اقول يمه ابغى امر السوق دام اني خارجه والحين صبح
مافي لا زحمه ولا معاكسات
ام نور : وشتبين من السوق
ليلى : ابغى اخذ بدله حلوه اكشخ فيها يوم الامتحان
ام نور : اذا بتروحين السوق خذي نور معاك
ليلى : طبعا باخذها طيب ايديك ياجميل
ام نور : شفيهاا
ليلى : خ اقصد عطيني فلوس
ام نور : ههه هااك هذي 2000 تكفي
ليلى : تكفي وتزيد بعد يسلمو يا احلى ام بالدنيا كلهاا
ام نور : لاتكثرين حكي وياللا الحقي ع البنك والسوق وخذي
هالفلوس بعد لنور
ليلى : ان شاء الله بروح اول انادي نور
كانت جالسه بالحديقه تطالع الفراغ الي قدامهاا معاه دفتر
خواطرها وقلمها دائما اذا حست نفسها متضايقه تلجأ للكتابه
تفرغ فيها كل مايجول بفكرها
كتبت ....
خيانة صوت
لطالما كان رفيقا لي
في صحوي في منامي
رفيقا لضحكاتي وانيسا لدمعاتي
لما حينما احتجته هجرني
لما تركني اغرق
اصارع الاعصار وحدي
لما ياصوتي خنتي
قفلت الدفتر ورفعت بصرهاا شافتهاا وهي تبكي نفس البنت
بعيونها العسليه وشعرهاا الكستنائي البنت كانت بزاويه
وجالسه لحالهاا قرب منها ولد اكبر منهاابسنين : انتي ليه تبكين
رفعت بصرهاا وتكلمت بصوتها الصغيرون المرتجف : د د لبني
بندل دلبني (ضربني بندر ضربني )
الولد : هين انا اراويك فيه لاتبكين
نور الطفله : بتدلبوو ياتلكي (بتضربه ياتركي )
تركي : ايو رح اضربه بس انتي اسكتي
نور وهي تمسح دموعهاا بيدينها : احسن يستااهل سووف
خلااص انا ماابكي
وجاء الصوت الي قطع عليهاا حلم يقضتهاا
ليلى : نواري
نور : هلا
ليلى : واخيراا اقول تروحين معاي السوق والبنك
نور : وليه بتروحين هالحزه
ليلى : بروح عشان ادفع الرسوم حقت الامتحان
وبشتري لي لبس
نور : اوكي طيب قلتي لامي
ليلى : ايه نعم قلت لهاا وقالت اخذك معااي
واعطتني لك فلووس
نور : انزين يللا بروح ابدل
ليلى : اووكي
في غرفة ابو نرو وام نور بعد صلاة العشا
دخلت ام نور الغرفه شافت زوجها وهو يقرأ القران ماحبت تقطع
عليه قرأته جلست ع الكنبه وفكرها مو معاهاا
ابو نور : علامها ام البنات مهمومه
ام نور : نور ياابو نور
ابو نور : خير شفيها
ام نور : يعني عاجبك جلستها بهالطريقه لازوج ولا بيت ولا اولاد
(وتبكي )نفسي اطمن عليهاا اليوم دقت ام مطلق الخطابه
جايبه عريس
لهاا وبنتك حتى ماكلفت خاطرها تعرف عن العريس شي على
طول رفضت تكفى كلمها يابو نور
ابو نور : شقولها لو كان الكلام بيفيد كان الكلام فاد من زمان
تحسبين اني مرتاح وهي كذا جالسه انا زيي زيك اتمنى يجي
اليوم الي اشوفها فيه عرووس اليوم الي يجي عيالهاا يتنططون
حولي وهذا يشد الثوب وهذا يجر الشماغ
ام نور : حسبي الله على الي كان السبب
ابو نور : لاتفتحين الموضوع معااهاا يظهر ان ربي مو كاتب لناا
يكون لنا احفاد منهاا
ام نور : الي تشوفه بخليك تنام تصبح ع خير
ابو نور : وانتي من اهله وانتظرو البارت الجاي

اذا مو عاجبتكم الروايه قولولي علشان ما اكملها

لالالالالالالالالالا
ياليت تكملينها ننتظرج
اوكي

القصه حلوه مره ..........................
كمليها ننتظرك .......................
ودمتي ................

يسلم وا على البارت وآآآآآآآآآآآآآيد روعه,,
نتظرك يالغلا,,
بليز لاطولين؟؟

بعد مرور اسبوع (يوم اختبار القبول )
الصبح ع الفطور العائلة باكملها مجتمعه للفطور ماعدا ليلى
ابو نور : وين ليلى يانور
نور : ليلى يبه جالسة تتجهز للجامعه
ابو نور : الله يوفقها ان شاء الله ها حنان بتروحين معاها الجامعه
حنان : تبيهم يطردوني
ام نور : ليش ؟
حنان : يمه الله يسلمك الحين ليلى بتروح تختبر بقسم الكليات الصحيه وهم
اقسامهم منفصله بمبانيها عن اقسام بقية الكليات وبطاقه الدخول حقتي مكتبوب
عليه ان تخصصي قانون السكيورتي مارح تخليني اشبر شبر بتقول انتي شجايبك
مكان مو مكانك احتفظ بكرامتي احسن عن يطردوني
ام نور : ياقلبي على بنيتي اخاف تضيع
ابور نور : الله يهداك شتضيع بعد بزر هي ماشاء الله عليها
البنات: خ
ام نور : برضو يارجال بتكون بمكان جديد عليها
مريم : ترى يمه يحطون لهم ارشادات وناس تدلهم ع الطريق تطمني وترى
مابتكون لحالها احلاام معاها
وشوي ويشوفون ليلى نازله ع الدرج ولابسه العبايه وماسكه كتاب بيدها وتذاكر
حتى ماكلفت خاطرها تناظر الطريق
حنان : اقول يالمجتهده شوي شوي على عمرك لاتتعنقلين
ليلى مسكينه واصله حدها من التوتر : حنانوه ترى مو ناقصتك واصله حدي
حنان : والله مايسوى عليك هالامتحان
ليلى : احتفظي برايك لنفسك مو انتي الي رح تختبر ولا انتي الي حلمها رح يكون
على كف عفريت
حنان بمغايضه : قصدك غبائك المستدق
ابو نور مو عاجبه اسلوب حنان : حنان بس
ولتفت الى ليلى : ها بنتي ان شاء الله مذاكره زيين ومعنوياتك عااليه
حنان رزت وجهاا : ابشرك ماكله الكتب اكل
ابونور : وبعدين معاك يعني ليه ماتنكتمين لما اسألك جاوبي بطلي اسلوب الرزه
حنان انحرجت وايد وبان هالشي عليهااوكان ودها تترك السفره وتقوم لكن طبعا
عزت نفسها ماسمحتلها تسوي هالشي وجلست براس مرفوع ع السفره ولاكأن
صار شي
مريم : تستاهلين جبتي لنفسك الكلام
حنان :.......................
ليلى ولاكأن شي صار : الحمد الله يبه ذاكرت زين انتو ادعولي الله يوفقني
ام نور : ان شاء الله يابنتي ربي يكون معااك وتتوفقين واشوفك دكتوره ياليلى
ابو نور : ابغى ارفع راسي فيك ياليلى واقول عندي بنت دكتوره (وهو يوقف بيطلع)
مريم :يعني الحين مافي غير ليلى ترفع راسك واحنا وين رحناا
ابو نور : اشوفك انعديتي من طولة لسان ناس
حنان (شرقت بالعصير عرفت انها المقصوده ) : كح كح
ام نور : بسم الله اشربي شوي شوي لاتصيرين مفجوعه
حنان : ان شا ءالله
مريم : يبه المثل يقول من عاشر قوم اربعين يوما صار منهم وانا ماعشرتهم
سنيين شلون مارح اصير زيهم
ابو نور : خ يالله في امان الله
ليلى جالسه ع السفره وحاطه الكتاب جنبها وطبقها مالمسته لان نظرها وانتباهها
كله ع الكتاب
ام نور : ليلى قفلي هالكتاب واكلي فطورك
ليلى : هااه ما ابي يمه شبعت خلااص
ام نور : المسي الاكل اول وبعدين اشبعي
ليلى : لاخلاص بطلع الحين الجامعه
ام نور : تو الناس ترى ماشبرتي شبر برا البااب اذ ا ماكلتي
ليلى اظطرت تقعد عصب عنها عشان تفطر اكلت بسرعه
حنان : عن اذنكم
ام نور: وين ياحنان
حنان : بطلع انام يمه
ام نور : زيين
وطلعت حنان غرفتهاا
ليلى : يللا ياجماعه انا بروح الحين ادعولي
الكل : موفقه ان اشاء الله
طلعت ليلى الى الشارع وشافت السياره موقفه لكن السواق مو موجود
ليلى : اوف هذا وين راح
ليلى دقت على جوال السواق: اكبر وينك فيه
اكبر : سوي سلام اول ليلى
ليلى : الله ماطولك ياروح سلام عليكم اكبر شلونك شخبارك (بصوت عالي ) انت
وينك فيه
اكبر : وألكيم السلام حال انا تماام انت كيف حالك انا اند طوني سواق بابا رااشد
(واحد ساكن بالحي بس بيته شوي بعيد عن بنت ابو نور )
ليلى : وانا شكو فيه ياللا تعال الان بسرعه
اكبر : ان شاء الله
مرت خمس دقايق على ليلى وهي ملطوعه ياحرام في الشارع وشوي الا تشوف
اكبر جاي وهو يمشي على اقل من مهله
ليلى بخاطرها (ويتمخطر بمشيته بعد ) : اكبر يسرعه يللا شغل السياره
اكبر وهو يفتح باب السياره : شوي شوي سرعه من شيطان
ليلى : ياارب صبر من صبر ايوب
وطلعوا السياره حاول اكبر يشغل السياره لكن معصي
دور المفتاح مره مرتيين السيااره تحن ومو راضيه تشتغل ابدا
ليلى : شفيه اكبر
اكبر : هذا سياره مو راضي يشتغل
ليلى : وشو
اكبر : ماادري مكينه مو راضي يشتغل
ليلى : طيب انزل شوف ايش فيهاا
هز اكبر راسه يمين وشمال ونزل فتح كبوت السياره واول ماانفتح الغطا السياره
دخنت
اكبر : ليلى انا مايعرف ايس في هذا سياره لازم يروح ورشه
ليلى : اكملت الان انا كيف بروح
وتنزل ليلى من السياره وتدخل الى البيت وتشوف نور جالسه في الصاله وحدها
نور : بسم الله علامك رجعتي
ليلى : السياره خربانه وابوي ورااح الحين شلون بروح الاختبار
نور : طيب اتصلي بابوي يجي ياخذك
ليلى : ويين يجي الين مايوصل البيت بيروح علي الموعد
نور : طيب شوفي امي لو ترضى بوديك بالتاكسي
ليلى تطالعها بنص عيين : عشان تقصب رقبتي
نور: اجل اقعدي وحطي يدك على خدك
ليلى وهي تنقز : احلام
نور : شفيها ؟
ليلى : اكيد ماراحت بدق عليها تمرني
نور : زين اجل دقيلها
ليلى والسماعه باذنها : ترن ترن
واول ماسمعت ان السماعه انرفعت ومن غير ماتعطي مجال للي راد عليهاا يفتح
فمه بكلمه قالت وبسرعه : الو كونان بسرعه عطيني اختك
ولاتكثرين اسئله قوليلها ليلى تبيها ضروري
صووت رجالي ومبين عليه انه كاتم الضحكه : لحظه اختي بعطيها خبر
ليلى بخاطرها "مالت على ذا الوجه الحين ماعندهم احد يرد الا اخوها شبيقول علي
هاليوم نحس من بدايته ..استغفر الله العظيم "
احلام : الو شتبين داقه بهالوقت
ليلى : مالت على ذا الاسلوب سلمي بالاول
احلام : مافي سلام مقومتني من ع الفطوور
ليلى : عشان تنحفين
احلام : ومن قال ابي انحف تكفين ليلوه قول شتبين قبل مايمسح رياانوه الاطبااق
ليلى : ههه اجل بمط المكاامله خليه يااكل براحته
احلام : وقسم بالله ان ماقلتي شعندك لااقفل السماعه
ليلى : طيب خلاص اسمعي يعني اذا ماعليك امر ممكن تمريني اروح معاك
الجامعه لان السياره عطلانه والوالد راح الدوام
احلام : افكر
ليلى : اقول بتمرين ورجلك فوق رقبتك بعد
احلام: لا والله من يقوول
ليلى : العيش والملح الي بينا يقوول
احلام : اخ مسكتيني من ايدي الي توجعني خلاص بمرك
ليلى : اوكي انا انتظرك
احلام : ترى كلها 10 دقايق وانا عندك خليك جنب البااب بدق لك بوري
ليلى : حاظر عمتي
احلام : يللا ضفي وجهك
بعد ماقفت ليلى من السماعه
نور : بيمرونك ؟
ليلى : ايه
نور : اجل بطلع اقول لاومي
ليلى : مشكوره وفرتي علي المشواار
وطلعت ليلى للحوش تنتظر احلام
+ + + + في بيت احلام + + + +
احلام : اقول دحمي ترى بنمر بيت صحبتي بناخذها معانا
عبد الرحمن : انا كم مره اقول بطلي دحمي هذا ياشيخه استحي رجال طول بعرض
وتناديني دحمي دحمي
احلام : جزاتي اني ادلعك
عبد الرحمن : دلعك ومستغنيين عنه وبعدين من قال اني بمر بيت صحبتك المخفه
سواقك عندك انتي وجهك
احلام : لا كله ولا لولوو ماارضى عليهاا هااذي ست العاقلين
عبد الرحمن : دامها صحبتك الموضوع مشكوك فيه بصرااحه
رياان : خ حلوه
احلام : انت انكتم (لريان )
ريان : يعني عشان ماقدرتي عليه تجين علي انا الغلبان
احلام : ريانوو
ام عبد الرحمن : بس عاد احشموني
احلام : محشومه يمه
عبد الرحمن : بس خلااص يللا انا بالسياره وانتي بسرعه اطلعي البسي عباتك
وانت امشي قداامي (لريان ) تامرين على شي يم
ام عبد الرحمن : سلامتك ياوليدي لا تسرع
عبد الرحمن: من عيوني
خلونا نعطيكم معلومات عن عائلة احلام <<صح النوم
احلام : 18 سنه حبوبه وفرفووشه صديقة ليلى من ايام المتوسطه
ومقدمه معاها بامتحان القبول للطب
عبد الرحمن : 26 سنه من مات ابوه قبل 6 سنيين وهو صاير رجال البيت وهم
الشغل والشركه كله فووق رااسه كشكل مملوح وماعليه كلام والكل يشيد
باخلااقه العاليه
روان : 10 سنيين البنت هذي ملقووفه لقافه مو طبيعيه ومسميتها ليلى المحقق
كونان
ريان : 8 سنيين اخر العنقود مات ابوه وعمره سنتين متعلق بعبد الرحمن وايد لانه
الي مربيه رياان يعز الاكل مره وتختوخ شووي ولسانه يبيله قص شووي
ام عبد الرحمن : مره طيبه وحنونه
نرجع للاحداث
++++ في السيارة ++++
عبد الرحمن : احلام وين بيت صحبتك
احلام : هذا البيت البني والبيج الي جنب المسجد
عبد الرحمن : اهاا عرفته
وصلوو البيت ودق بوري وطلعت ليلى
ليلى اول مادخلت سلمت بصووت وااطي يادوب ينسمع
ريان : الناس تدخل تسلم
ليلى انحرجت من رياان
احلام : ريان البنيه سلمت
ريان : وانا ماسمعتهاا
احلام : يااخي مو ضروري
ريان يتكلم لكن لمح نظره من عين عبد الرحمن كفيله بانها تسكته
عشرين سنه قدام
وساد الصمت بينهم رفع عينه لاول مره يناظر المرايا وشاف عيونها
التقت النظرات لمده ماتتجاوز بضع لحظات الا انها كانت كفيله تذووب عبد الرحمن
وتغرق ليلى
عبد الرحمن في خاطره
الله اكبر كيف يجرحن العيون
كيف مايبرى صويب العين ابد
احسب ان الرمش لاسلهم حنون
اثر رمش العين ما ياوي لاحد
يوم روح لي نظر عينه بهون
فزّ له قلبي وصفقّ وارتعد
لفّني مثل السحايب والمزون
في عيوني برق وبقلبي رعد
نقّض جروحي وجدد بي طعون
قلت : يكفي قالت عيونه بعد
وانعطف هاك الشّعر فوق المتون
وانثنى عودة وقفى وابتعد
اشغلتني نظرة العين الفتون
حيّرتني بالتوعد والوعد
هي تمون العين والاّ ما تمون
لي خذت قلبي وقفتّ ياسعد
وصلو الجامعه كل وحده راحت باتجاه قاعتهاا ع الساعه 12 خلصو البنات
ليلى : السلام عليكم
احلام هلاا وعليكم السلام ها بشري
ليلى : مالت عليهم جايبين اسئله من برى المناهج مره صعبه
احلام : والله الي من جوى والي من برى كلها صعبه الله يستر ونعديهاا
ليلى : احلام ترى انا بروح مع السوااق
احلام : ليه
ليلى : ايش ليه السياره صلحهاا والحين جاي ........وبعدين والله فشله من اخوك
شيقول علي
احلام: مارح يقول شي والله ونااسه معاك
ليلى : تسلمين والله ماتقصرون يللا هذا السواق يدق في امان الله
احلام : مع السلامه
بعد يومين كانت ليلى في غرفتها ونور ناايمه وفجأه ليلى تصرخ
ليلى : لا