مات النخل يا كنكري

إلناس في أيا منا اشكثر
مختلفه ما دري اشلون
ماي المحبه ياللخو
ماكان مثل هاللون.
للسان يقطر بالعسل
والسن ضاحك دوم .
بس اللي في داخل الصدر،
أمس كان غير اليوم .
ياخوي ما تم لي حبليب
واسأل رفيجي ليش ؟
كل شي في اتا منا سهل
طاير كما النفيش
وين المعاني اللي قبل
والسيف واليا مال
وين الفريج اللي ضحك
في سكته الموال
حتى المنامه اتغيرت
واتبدلت أحوال
الله الين خذني الفكر
واتذكريت أول
صج كانت الدينا شقا
بس الوفا أول
الله على ذاك الفريج
وأيام ليت اتعود
الله على بيتنا اللي كان
فوق البحر موجود
أكاسي من صوبه الهوى
يسري بدون حدود
اليوم درايشه غمضت
وصارت عليه اتنود
واهنود صارت تسكنه
وفي كل مكان اهنود
والدنيا حوله اتغيرت
وشب الفريج طابوق
والناس عنه اتفرقت
ودش السكيك السوق
واحنا تغيرنا مثل
ماتغيرت الأحباب
والآدمي مثل التنك
يحلى ويصير سكراب
بيعوني في سوق الحراج
بارخيص ولو فلسين
بيعوني بس يبقى النخل
ويبقى البحر بحرين
اذكر على سيف البحر
كانت لنا سمرات
دوم كنا متجمعين
وكانت لنا اسو يلفات
والجن على سيف البحر
ويانا كان ايبات
كانت جو البيت اتعبر
واشوية اللنجات
واشقد على ذاك الرمل
تمينا متقابلين
لقلوب صافيه والقمر
يزبي مع الياسمين
اليوم تبدل كل شي
وانقلبت الأيام
كل البشر مستعيله
ماشفت وقوف اثنين
كل القلوب متملله ماشفت أبد قلبين
كل الويوه متبدله
حت كحيل العين
الله على عهد مضى
يوم ثوبى كان ذراع
الله اذا من بعيد
رفرف جناح اشراع.