مادري وش نهاية هالشعر سآعدوني

طيب روحي لاخصائي جلدية يشوف اللي تقولين عليه هنا ما نقدر نفيدك طالما تقولي فيكي زي كدا وجربتي الزيوت كمان
روحي يا قلبي وربي يشفيك ويرجع شعرك احسن من قبل

روحت ياقلبي ومافادوني بالقشره العايديه سحبو فلوسي ع الفاضي وشعري زي ماهوا
فالي تعرف دكتور جلديه كويس بمكه وجاب معها نتيجه لاتبخل علي
ربي يسعدك آحلى من السكر

-
اؤكي اختي لي باك ادور بالنت
وراجعه وان شاء الله البنات مايقصرون !
http://www.6abib.com/a-763.htm
معلومآتَ بسيطةة ومهمةَ بنفس الوقتّ

اختي في اعتقادي ان هذي عين قوية
او ممكن سحر
لانج قلتي لما تحطين زيت مقري يتشربك وتسوء حالته
المفروض تراجعين هالشئ مع الشيخ وتخبرينه
ومنها بيعرف اعراض اللي جاك وبيعالجج اكيد
دامج من مكه تغسلي بماء زمزم مقري فيه
صبيه على جسمك كله من فوق راسك لين تحت
واقراء ايه الكرسي كل صباح ومساء
وكرري 3 مرات اعوذ بكلمات الله التامات من شر ما خلق
و3 مرات بسم الله الذي لا يضر مع اسمه شئ في الارض ولا في السماء وهو السميع العليم
الجأي لعلاج القرآن والشيوخ
لازم تتعالجين اول وتحصنين نفسج بعدين اهتمي ترجعين شعرج
لان بدون ماتعرفين وين المشكله وبدون ماتحلينها ماراح يفيدج شئ
وبيروح كل تعبج ومجهودج هدر
صاحبتي تقريبا صارت لها نفس سالفتج
طول عمرها ما شاء الله شعرها غليظ وطويل والله لين تحت المؤخرة
وناعم جدا وذلك لان امها هنديه
طول عمرها شعرها نفس ماهو محد اهتم ولا شئ
بس يوم انخطبت عمتها الله لا يسامحها انقهرت منها
ليش تنخطب قبل بنتها اللي اكبر عنها
وتعالي وسويلي لها ذاك العمل
والله مسكينه صلعت صدق
غير الحبوب اللي طلعت بجسمها وبالاماكن الحساسه خاصه
ملكتها تاجلت سنه كاملة لين تعالجت عن السحر اللي سووه لها
لذلك روحي للشيخ لان اعتقد اعتقاد قوي ان موضوعج زيها
يمكن اللي حسدج او سحرج ماهمهم شعرج لكن همهم انج بتتزوجين
مادري بس احساسي يقول جذي
جربي وخبرينا وانا شاء الله نساعدج بكل شئاختي
وربي يحفظج ويحميك من كل شر يارب

اختي جربي ماء زمزم
(ماء زمزم لما شرب له)
صدقني من تجربه بصدق النية راح تلاقي النتيجه

انا مع الاخت دبوبه

ساره: يسلمو ياقلبي جد معلومات جديده وانا ع بالي اذا قصصته بستفيد
دبوبه: صح آنا غافله عن موية زمزم آن شاءالله وبآذن الله بآرجعلها وممكن تكون عين
بس آبدا ماجاء ببالي سحر تصدقي وآنا اقرى كلامك مره خفت وماقدر اروح لشيخ باحصن نفسي بنفسي
ربي يسعدك ياقمر ان شاءالله بطبق الكلام الي قلتي عليه واخبركم وش بيصير الله يشفيني ويشفيك ويشفي جميع المسلمين
الشيخه دنا:ربي يوفقك يالغلا آن شاءالله بتكون دواي موية زمزم
توتو الشرقيه :يعطيكي العافيه يالغلا
ربي يوفقكم ويسعدكم ويحقق الي ببالكم جميعا