ماركة كارولاين بالتفصيل

1. حياكم


2. و عشان ماتضيعون معاي بالشرح قسمت لكم اغراضهم الي ::


3. ملاحظه مهمه جداً جداً جداً


4. 8) اشهر الانواع وكل البنات يستخدمونه اهو السوبر كلر :

نزلت موضوع عن أسعار ماركة كارولاين
http://alfrasha.maktoob.com/alfrasha9/thread1172774/
وبذا الموضوع جبت لكم منتجات ماركة كارولاين
موضوعي عن ماركه كريولاين بالتفصيل بالصور الحصريه من المحل نفسه خ كنت رايحه السينما ومريت المحل اطخ جم شغله وجكجكت لكم (( على طاري الفلم فاينل دستنيشن مايتطوف ))

حياكم

ماركه كريولاين المانيه المنشأ واهي متخصصه في الميك اب المسرحي والتلفزيوني عشان جذي نلاقي كل منتجاتهم قويه وتدوم فترات طويله واذكر دخلت محلهم الي بلندن ولقيت المحل مخصص بس للمكياج المسرحي يعني يفرق وايد عن الي موجود بالخليج
الحلو في هالماركه ان الوانهم واضحه وثابته مثل هالصوره
مستحيل ثم مستحيل تلاقين اي ماركه ثانيه تعطيج هلنتيجه من حيث قوه الشدو

و عشان ماتضيعون معاي بالشرح قسمت لكم اغراضهم الي ::

• البيس + الفاونديشن + الكونسيلر
• المثبتات والفراشي
• مكياج العيون وينقسم إلى :
• الشدوات ( المائيه + العاديه او المضغوطه + الساتن + الكريميه )
• الارواج والبلشرات

ملاحظه مهمه جداً جداً جداً

:: فاونديشنات كريولاين كلها تعطي تغطيه قويه يعني حتى التغطيه المتوسطه مالتهم تعتبر تغطيه قويه لمن نقارنها بماركات ثانيه وانا مانصح بكريولاين للاستعمال اليومي بس للسهرات ويالله يالله اتبلعها ليش انها قويه والفنشنج مالها كثر ماهو حلو الا ان عيبه ثقيل ومايعطيج ناشرال لوك نفس ماك وميك اب فور ايفر . والعيب الثاني ان درجات الفاونديشن قليله يعني من النوع الواحد 7 درجات بس مثلاً انا مستحييل الاقي نفس لوني يا امه الفاونديشن اغمج او افتح من لون بشرتي وعشان جذي افضل ماك ليش ان عندهم مليون درجه للفاونديشن ...
بسم الله بدينا
البيس + الفاونديشن + الكونسيلر
1) البيس
وفي الوان وكل بشره ولها لونها ( موضوع يطول شرحه في موضوع اخر انشالله ) واذا بشرتج ماتعاني من عيوب اخذي الي لونه بيج
2) مات بيرفكت :: واايد حلو يمنع تدهن الويه الي شرحته من قبل وايد حلو واهو مثل الجل اول ماتحطينه
وبعد ثواني ينشف ويترك الجلد مات وناعم وجاهز للفاونديشن
3) بيس مرطب
واهو يصلح 2 في واحد يعني يصير تستخدمينه بروحه للدوام مثلن لانه خفيف ويرطب البشره في نفس الوقت او تستخدمينه كبيس قبل الفاونديشن
4) اساس سائل :: تغطيته بسيطه - حتى ميديم
طبقه وحده يعطيج تغطيه خفيفه ،، طبقتين يعطيج تغطيه وسط
5) الاساس المشهور :: الكيك
يستخدم بالماي ويعطي تغطيه وسط واهو مات ونصيحه اذا بشرتج جافه ابتعدي عنه لاان بيبين الجفاف الي ببشرتج
وفي منهم كذا درجه بس اكثر الدرجات الي موجوده بالخليج اهمه درجات W
6) الاساس السائل شمرنغ
من اسمه يترك اثر مخملي على البشره وايج درجات في البرونز وفي درجات معاها لمعات وانا وايد امدحه للحفلات لاانه اكثر واحد من كل منتجات كريولاين يعطي تغطيه حلوه وبنفس الوقت طبيعي مو جنج لابسه قناع
7) الفاونديشن الكريمي
تغطيته وسط – فل كفرج جربته حلو بس لازم تحطون فوقه لوز باودر او كومباكت باودر ولا ويهج بتلاقينه يبرق ويلمع

8) اشهر الانواع وكل البنات يستخدمونه اهو السوبر كلر :

كريمي ويصير تحطينه بروحه او تحطينه فوقه لوز باودر اذا تبين اللوك مات وتغطيته وايد حلوه وانا اعتبر تغطيته ثقيله نوعا ما حلو ومناسب للحفلات والمناسبات والحلو ان له درجات وايد يعني مو مثل الكيك ايقيدج بس بسبع درجات