ماعندك خدامه تعالي نسولف عن شغل البيت

اول شي الف الف مبروك يا عروستنا الله يوفقك بحياتك الزوجية
اناما عندي خدامه لكن منظمه وقتي من ناحية التنظيف والطبخ والغسيل وتربية الاطفال والاهتمام بالزوج
سياستي بالحياة الزوجيه ما اخلي شغل البيت يتراكم علي اول باول اغسل اما الصحون او غسيل الملابس او التطبيق
برنامجي كالتالي :
اصحى الفجر اسوي فطور عيالي اثنين اجهزهم للمدارس : عيال زوجي انا عيالي لسه ما يروحو مدارس ارجع اصحي حبيبي الساعه 6 ونص نفطر سوا واستودعه الله ويروح لدوامه وقتها انا رجع انام جنب عيالي الصغار الساعه 11 الصبح اقوم اسوي فطور للاطفال واستنى بنتي تجي من المدرسة الساعه 12 ونفس الوقت ابدا بمسح الغبار وترتيب الغرف
ولو عندي غسيل احطه بالغسااله اتوماتيك وادا خلصت احطه بالنشافه
الساعه وحده ونص ابدا بالطبخ وعلى بال ما يستوي اروح ازاكر للعيال واجباتهم وتلاقيني انقز من المطبخ للغرفه لما اخلص اغديهم واروح ارتب نفسي اتروش واتشيك وابخر البيت واستنى ابو الشباب يدخل هو يجي الساعه 4 العصر اجهز السفرة واتغدى انا هو سوا والعيال بغرفتهم يلعبون بعد الغداء اما نتفرج او نجلس بغرفتنا نهرج ونسولف او ندخل النت سوا واد هو نعسان اقعد اهمزه لين ما ينام
بعد ما ينام زوجي اروح اغسل صحون الغداء واجهز كيك او معجنات او اي شي حسب الي عندي واسوي اما شاي او قهوة وبعدها اصحيه نجلس مع عيالنا في جو اسري واوقات ناخد اغراضنا ونطلع للحديقة ما تجي الساعه 9 واحنا في البيت اسوي سندوتشات خفيفه للعيال وبعده كل واحد فيهم يجهز سريره وينامو الساعه 10 وانا وابو الشباب نروحو غرفتنا وننام ههه اهم شي اني انام قبل الساعه 12
وبس وعلى هالحال طول الاسبوع غير ادا عندي عزومه ولا انا معزومه شوي يتلخبط برنامجي

انا اقوم الساعه 12 يروح زوجي لدوامه ولقعد ارتب البيت وامسح التحف تخيلو كل يوم >>وسوسه نظافه وكنس كل يوم وغسيل ملابس كل يوم مثلك ماحب الشغل يتراكموغير كذا لازم اكوي الملابس بنفس اليوم وغير كذا عندي بنتين بثرات الله يصلحهم وغديهم وسبحهم وماخلص الالساعه 4 العصر واروح اخذ شاور واتجهز واحتري ابو الشباب مايجي من الدوام الاالساعه 12بالليل قعد طول اليوم مع بناتي نلعب طبعا توهم صغار مايدرسون والصغيره تنام 1 والكبيره تنام 3 معنا ههه

الله يوفقك ياعروسه

يؤ من الشغل اللحين الحمد لله جبت وارتحت
بس اول ارتب يوميا اذا تراكم عليك راح يومك ماستفدتي لاانتي خلصتي شغل ولاانتي ارتحتي
واهم شي الصحون لو تخلين ملعقه وحده صارت عشر ملاعق وغسل الحمامات لكم الكرامه يوميا
موفقين خير

روح الأنوثة ... تبارك الرحمن الله يحفظك ويحميك من العين..
يومك حلو ومنظم.. الله يبارك في صحتك وبدنك..
امس خالتي أم زوجي كانت عندي قالت مايصير كذا نظمي الشغل يوم للغسيل ويوم للكنيس ومثل كذا
أحس مااقدر أطبق ذي الطريقه ...
لان بيتي شقه بس امشي وانظف ومابي الملابس تتراكم علي :/
هذا الهلاك بعينه خلي الغسيل يتجمع شوية عشان تقدري
تجمعي الأبيض مثلا سوا
والملون اللي ما تطلع الوانه في غسلة لوحده
والغامق وزي كده.. عشان ما تخسري ملابسك..
وتتبقع
وبالنسبة للكنيس هذا ولسه ما جوك عيال..
لما يجوك ما اظن المكنسة راح تهجد..
والحمد لله عندك وسع في الوقت بما انك عروس
لا تضيقي على عمرك وخليها سهالة..
خلي التفكير لما يجوك الكتاكيت..
بحول الله الله يجعلهم ذرية صالحة..
انا عني بيتي شقة كمان
اغسل مرتين في الشهر..
اخلي للغسيل يومين او ثلاثة.. ما احب اخلي يوم ل لأبيض ويوم ملون
كله ورا بعضه عشان ارتاح وحده مرة
والله يخلي لي حبيبتي النشافة..
وانصحك انك تجيبيها .. لانها توفر وقت وجهد..
في انواع من الاقمشة اذا خر جتيها
مباشرة ما يحتاج لها كوي
وعن تجربة..
والحمامات الله يكرمك يوم اي ويوم لأ
والكنيس كل كم ساعة
والمطبخ كل كم دقيقة ..
والمسح والغبار تقريبا كل يوم..والله يعين بس ما عندي جدول
ما احب الزم بشي معين حسب مزاجي..
بس اهم شي انه البيت يكون نظيف ومريح..
ومبروك عليك يا عروسة>>> بدري عليك

انا بالنسبة لي اغلب وقتي برا البيت لانه زوجي مسافر الله يرده سالم وما في غيري انا والولاد واغلب وقتنا او عند اهل زوجي او عند اهلي يعني بيتي ما يلحق يتوسخ
ايام الاسبوع من اول ما اصحى انظف عادي كنس وامسح غيرة واكنس وانظف ادوات المطبخ وامسح وافرك الحمامات والغسيل واضب كل شي بس ما احس بياخد وقت معي لاني معودة اولادي على النظام الي يمسك شي يرجعه مكانه ما في هم يخربوا وانا اضبضب وراهم وعندي يوم بالاسبوع هو تعزيل البيت كله ابدا من الصبح للعصر لاخلص وبيتي متل التلج يبقى نظيف

انا عن نفسي مستحيل ادخل شغاله بيتي لااني ماارتاح ابدا وانا نفسك مايخلص شغلي مع ان مافي البيت الا انا وزوجي صادقه والله تحسين الشغل كثير ترى عشان في بيت اهالينا مانحس بالشغل بس الحين كل الشغل عليك تصدقين لي فتره متزوجه وحايسه مثلك وفي الاخير حطيت جدول والصراحه مره يفيد ومره لا زوجي دوامه من المغرب ومايحب يصحى الا قبل الدوام بساعه اسوي له شي خفيف واذا طلع اشوف وش عندي وش ماعندي قبل كل شي انا مثلك مااحب اترك الملابس وبعدين اغسلها بس تبين الصراحه تعب اجمعها الا الضروريه طبعا واغسلها يوم واحد بالاسبوع مثلا انا اوفات زوجي مو خميس وجمعه تكون بوسط الاسبوع اغسلها اخر دوام له قبل الاوف والمواعين الله يعين عليها اغسلها طبعا يوميا تنظيف الغبار والتمسيح يوم او يومين بالاسبوع انتي على حسب جدولك اللي تحطينه الحمام وانتي بكرامه هو لازم تعقمينه يوميا شفتي تعقيد ههه
عشان كذا الجدول مافادني احب انظف كل شي اول باول ههه

استغفر الله العظيم

الله يعين على الكرف