مالي الا شهرين متزوجه اطلب الطلاق او شسوي

1. السلام عليكم بنات

السلام عليكم بنات

بصراحه ماكان عندي نيه اطرح مشكلتي لأني عارفه ان الشكوى لغير الله مذله بس ضاقت بي الدنيا ودي افضفض عن الي فيني انا متزوجه لي شهرين والحمدله حالتنا انا وزوجي حلوه لكن دائما في منغصات ماتكمل الحياه وانا مقهوره منها اذا رحنا لمطعم ينكد علي اذا وداني لأهلي ينكد علي اذا سافر فيني ينكد علي مليت طفشت تخيلو مره رايحين لمطعم وطلب وكان غالي شوي ولا يبغى يبين انه بخيل وطلب كثير تخيلو اش قالي يوم خلصنا قال انتي ماتعرفين الرومانسيه لأني ماشكرته وقال المفروض العشاء عليك سكت وانا منقهره من داخل والمره الثانيه يوم رحنا للمطعم واكلنا جلس هو اكل خفيف وطلع جواله ومادري وش يسوي ويضحك انقهرت ويوم رجعنا فتح جواله وقال اقري الرساله قريتها لقيتها عن المغازله يعني نصائح انقهرت وسكت قال اش فهمتي قلت مادري انت الي اش فهمت وتهاوشنا ورجعنا دايم ينكد علي ويقول انا اوديك واسافر فيك واذا رجعت من اهلي اعوذبالله اش قالوا يحرشونك اهلك علي قلت استغفر لا تظلم على طول والله اهلي كلما زرتهم يقولون احشمي زوجك ومن هالكلام عمرهم ماقالوا شي عنه مليت تصرفاته تقهر ويقول انتي طيبه لا تغيرين خليك كذا وفي رمضان قالي بسافرهو واصدقاءه تخيلوا لي شهرين متزوجين سكت على بالي يلعب ويطلع التأشيره برا وانا شهر العسل ما سافر فيني وانقهرت وسافر الحين هو مسافر ومنقهره منه مادري شسوي كيف اتعامل معه ماودي اخسره بنفس الوقت مقهوره اعوذبالله من اخذته اذا سافر فيني يتصلون عليه خواته يهاوشونه ليش ما أخذ امه معه ثم يتكدر خاطره ولايسولف ولا شي خواته اكبر منه هو الصغير وانا عاد سفراتي يوم يومين والله ماسافرت اكثر منها ودايم يواعدني بسافر فيك ومن هالكلام ولا شفت شي واذا قلت ابغى فلوس احتاج اغراض يقول وين المهر تخيلوا ويعصب تعبت نفسيتي ماادري شسوي اكيد مالي لا الصبر بس انا ماكتبت الاابغى حل هو طيب بس يحشرونه علي ماادري من يحشره مره اقول خواته ومره اقول خالاته لأن وحده من خالاته دايم تتصل عليه عليه وتقول تعال ودني تعال جبني وهو يروح لها تخيلو مالي الا شهرين بس تعبت نفسيتي مره تعبت مره كنت تعبانه قبل لا يسافر ورحت المستشفى وصار الضغط عندي مرتفع تخيلوا قعد يهاوش واسفهه واركب السياره وانا ساكته وينزلني بالشقه ويروح ويتصل يهاوش ساعدوني وخالتي عصبيه امه وهو يخاف منها تكفون شسوي اطلب الطلاق وارتاح نفسيا ولا شسوي