ماما نصحتني اسحره والسحر جاب نتيجة

1. مو تضلو متهاوشين انتي تتعبي وبالاخر يطالعك بنظره تخوفك

السلام عليكم
كيفكم يااحلى فراشات
انا ماصار لي كم يووم بالمنتدى بس شفت عدد كبير من المواضيع المفيده
انا وزوجي عايشيين مرتاحين وعلاقتنا الزوجية احلى من اللي كنت اتمنى
قولوا ماشاء الله تبارك الله
زوجي خليجي وانا مغربية عادتنا وتقاليدنا مختلفه
بس الحمد لله قدرنا نتجاوز كل شي
لدرجة ان اهله يقولو اني سحرته
وانا مع نفسي اقول ايه سحرته ومستانسه اني سحرته
حبيباتي هالنصائح هي نصائح ماما ربي يخليها لي
لما انخطبت قالت لي كلام للحين حافظاه وماشاء الله جاب نتيجه معي ومع اخواتي
النصائح:

• قالت لي احنا ماغصبناك على هالزواج وانتي اللي اخترتي بس انا بناتي مابي و لا وحده منهم ترجع (يعني تتطلق)

زوجك اصبري عليه ويصبر عليك

• كل ماجيتيني زياره ابيك تجي كاشخه ومبسوطه حتى لو تكوني فبيتك متقاتله مع زوجك

تقولي لانكم راه تتخاصمو وتتصالحو بس انا لما تشكي لي منو حتى لو مااتدخلت كل مااشوف زوجك راه اتذكر اللي سواه لك
انتي تنسي والاهل ماينسو

• في الزواج مافي شي اسمه كرامتي ماتسمح او شي

مثلا اذا صارخ عليك او هاوشك ماله داعي ترفعين صوتك اذا زعلك ماله داعي تطلعين من بيتك لانه الموضوع راح يكبر
ولا تخاصمينه او تنتظري انه يعتذر لانه ممكن يكون مو عارف انه زعلك خلي الحوار بينكم
يعني اذا متخاصمين ماراح تقومي بواجباتك الزوجيه؟؟ اكيد راح تطبخي وتغسلي...
على الاقل سوي هالاشياء وانتي مبسوطه واسمعي لك كلمه حلوه منه

مو تضلو متهاوشين انتي تتعبي وبالاخر يطالعك بنظره تخوفك

واذا بغيتي زوجك يتعلق بك كتيرا و يفتقد وجودك اذا غبتي و يحس انك مهمة فحياته او انك حياته..و يترسخ له في عقله الباطني ان وجودك..يعني الحنان و الحب و الاحتواء و السند و الفرح و القلب الطيب نعم ...ممكن توصلي لهذه المرتبة اذا اهتميتي باشياء بسيطه مثل هالاوقات الثلاتة و عرفتي كيف تصرفي فيها عند الإفطار اذا كنتي من النوع اللي تضل نايمه الصبح وزوجها يصحى قبلها ويفطر لحاله اقول لك ببساطه لقد ضيعتي وقت مهم من حياتكما واذا كنت تدرسي او تشتغلي اصحي بدري مو لاخره دقيقه وتجلسي تتسابقي مع الوقت اصحي قبله .. جهزي طاوله )متولة على قولة ماما يعني طاوله مو ناقصها شي وحلوه).. المهم حاولي انه الاكل حتى لو كان بسيط بس يكون مقدم بطريقه تخليه يشتهي يجلس يفطر ولو كان مستعجل
صحيه واجلسي تفطري معاه وانتي مبتسمه وممكن تتكلمو بموضوع بسيط لانه الصباح
وانسي المشاكل والمواضيع الدسمة و فالأخير...وصليه حتى الباب و خلي صوتك هو اخر حاجة سمع تخيلي كيف راح يمشي لشغله و القلب الحنون جلس معاه ها الجلسة الصباحية زوجي يقول جلستنا الصباحية ترجعه لايام الطفولة يوم تصحيه مامته وتجلس معاه يفطر يقولي احساس الكل لازم يحسه وقت الرجوع من العمل نعم اختي تذكري دائما أن 15 دقيقة الأولى من دخول زوجك...هي التي تتحكم في باقي اليوم إياك و حذاري..انه لما يدخل يلقاك حزينة أو معصبة أو تشتكي من شي 5دقيقة الاولى كوني فيها هادئة و من بعدها عبري عن حزنك ومشاكلك و تأكدي انه سيستمع اليك لأنه اخد شحنة ايجابية لما دخلو لقاك مبتسمة و هادئة قبل النوم هذا هو الوقت المناسب للإيحاءات الإيجابية لما يبي زوجك ينام..و فاللحظات الأخيرة..و بصوت هادئ قولي له قريب من اذنه
كل انواع الغزل و الكلام الحلو و بهذا راح تكون اخر حاجة سمعها هي كلامك اللي ريحه و أصلا أخر حاجة نمنا عليها هي اللي نصحى عليها
إذن صوتك و كلامك راح يترسخ فعقله الباطيني و تصبحي انتي رمز للسعادة و راحة البال بنات انا من اول يوم بزواجي وانا على هالطريقة للحين
مااتتصوري شلون هالكلمات البسيطه تقلب الموازين
الحين حتى لما يسافر زوجي او شي يضل يسمعتي بالجوال لين ينام
هالاشياء البسيطه خلت زوجي ماشاء الله والحمد لله يموت فيني لدرجة انه ترك بلده واهله واستقر فبلدي عشان راحتي
اذا عجبتكم نصائحي لي عوده مع باقي النصائح -