مايحتاجه منزلك من تنظيم وتجديد وتنسيق وأفكار إلخ نضعه هناونجتهدونتعاون فيه

بارك الله فيك أختي الغالية صدى كعادتكرائعة بأختيار مواضيعك موضوع قيم وانا سأكون معك وسنساعد الكثيرمن الفراشات بعد اذنك طبعا ^_^
بأي شئ يحتاجونة
واتمنى ان يكون مرجع لهم ويجدون كل مايرضيهم
تحياتي لك

بارك الله فيكِ أختي الغاليه نساء صغيرات ولتواجدك معنا
ولا نجاح للموضوع دون حضور خبيرات مثلكِ وحضوروتعاون كل ذويقات وخبيرات قسم الديكور بطرح الحلول المفيده للجميع ....
تحياتي لكِ....
ونحن في إنتظار المداخلات مما يشغلكن في بيوتكن

]
يسعد ايامكم .......
طبعا الفكرة رائعة جدا. غاليتي صدى السعودية (وانا احتاجكم كثير بارك الله فيكم)..
وانا الان عندي مشكلة بصبغ غرفتي واحترت (في كل مرة يحطون لي لون ومايعجبني ومو الي في بالي)
المهم...اخترت الغرفة لون عنابي كلها مع المداخل وغرفة ملابس لكن خلف السرير حجر معتق ومرتب بشكل قطري لون كموني وحوافه عنابي والجدارالي قدام السرير يختلف عن البقية بشيء..وهو اني طلبت بروز ورود متفاوتة ومحددة حولها وبالوسط ذهبي ...قولولي رايكم لان سي السيد عصب ...وعلى فكرة نسيت اقولكم ان الغرفة كلها سويت لها اطار بالجبس بسيط وطلبت لونه كموني مثل لون الجحر خلفية السرير.........تكفون الالوان حلوة او اغير ..؟
والله محتارة..
ثانيا: غرفة بناتي لونين اللون السفلي رماني والي فوقه اخف درجات الوردي مقسمه بإطار وردي معتق ومحتارة بالون السرير والدولاب ..افيدوني لان بنتي اقترحت لون وردي وانا رفضت لان كلها نفس الالوان علما ان لون السيراميك صخري ..قولولي ايش اختار لها (بنتي عمرها 7سنوات والثانيةوسنوات)
ثالثا:االوان الصالة الرئيسية اللون السفلي عسلي (يعني برقالي داكن) وفوقه مشمشي معتق بخطوط طوليه وعرضية ومقسومة باطار خشبي بني طبيعي وش رايكم يكون لون الاثاث والستاير...ادري غلبتكم بس تحملوني لاني انا زهقت وانا مابعد سكنته..
وياليت يكون بالصور تقدرون او دلوني اماكن بالخبر او الدمام للاثاث وغرف النوم الجودة واشكالها حلوة وجديدة...وعقبالكم حبايبي..........دمتم

جنون الوله .
أختي بالنسبه لسؤالك الاول الألوان اللى ذكرتيها حلوه لكن ماقلتي لنا هل تم تأثيثها لأن الاثاث هونص المهمه
بالنسبه لغرفةبناتك فلامانع عزيزتي من اختياراللون الوردي المقارب لها فسأضع لك هذي الصوره وتري أن مايقوم عليه تناسق اللون هو من التأثيث والأكسسوارات
فشاهدي معي مثلا هذي الصورتين الاولى شوفي اللون الاخضرطاغي عليها
والصوره الثانيه ايضاً
إذن لامانع عزيزتي من اختيار السرير والدولاب بلون ماقرب لإحدى لونين الغرفه وعلى ماأظنه اللون الوردي افضل والتفنن بألون زاهيه للأثاث والإكسسوارات لما سيعطي الغرفه شكل زاهي ومتناسق وطفولي في نفس الوقت
وبالنسبه لصالتك فمن الوصف عزيزتي أنها تحتاج للأثاث البيج بدراجاته أوالبني وإن أستعطتي وضع لون ماقارب للصبغ ضعيها للإفاده بشكل أفضل .......
هذا رأئي وإنتظررائيك ومناقشة البقيه من وجهات نظر في سؤالك وطرح مايرغبون......
تحياتي لكِ.......

...فكرتك حلوة ماشاءالله تبارك الرحمن...
بارك الله بك

اختي صدى السعوديه الله يسعدك
انا مشكلتي بالمدخل انا بشقه ايجار وباب المدخل الرأيسي بالصاله مباشره يعني اي صوت يسمعونه الجيران!!!!!!
وماني عارفه استغلها حاليا حاطه فيها الكمبيوتر وبارتشن على الباب ومساحة الصاله 4\4
اتمنى المساعدة

حبيبتي صدى السعودية مشكورة على الذوق وبصراحة يروق لي رغم انهم يقولون ذوقك صعب ويحير!!!
عيوني طيب اذا الون العنابي والكموني عجبوك احط لون السرسير بني غامق او الوان فاتحة مثل الزيتي المعتق او البيج الغامق ..يهمني رايك عيوني وبالنسة للاثاث لسا مااثثت ...البيت جديد ومجرد دخولنا نسكنه نبدا ناثث..
وبالنسبة لغرفةبناتي ..امس نزلت واشتريت لغرفتهم ثريات باحلى مافي المحل وطولهت تقريبا متر لونهم غريب برتقالي مثلج ومعلقة بحبال حلوة اتحكم بطولها تقريبا متر..ولما ولعتها اعطت الوان فضيعة ومن رايك اوحت لي الصور اني راح ادخل الاصفر مع الفوشي مع العنابي والوردي الغامق والاخضر العشبي بتطلع خيال وش رايك مانستغني ياقمر..
والصالة الوانك حلوة وبلاقيها بس ودي اغير ..مثلا وش رايك بالزيتي المحروق مع اسسورات زيتي فاتح وبرتقالي غامق ..مع العلم انا شاريه تحف مغربية بالكهرمان البرتقالي مع ذهبي مطفي وشاريه طاولات باكستانية بني محروق وكذلك شال عسلي مع اخضر وذهبي ..ينفع اولا ..اسفه تعبتك بس (ماندم من استشار)
دمتي غاليتي ..

هوى ابها
هلا بأختي هوى أبها من وصفك للمدخل إنه مايوجدممر من باب المدخل طيب ليش ماتأثثينها بكنب مثلا لشخصين وإن مافيه مكان للكمبيوتر فلا مشكله من بقاءه وتضعين في وحده من الزوايا طاوله شكلها حلولوضع بعض التحف عليها وإذا كانت شقتك رخام تضعين في الوسط سجاد مناسب ولا تكثري الاثاث فيها لكن وجوده
مهم ليساعد من حجب صدى الصوت فهمتيني غاليتي ......
ننتظر باقي الفراشات للمداخله .....