متزوجات يطلعون اسرار المتعه للغير و تبون تعرفون ليش تعالوا

صباح الخير على اخواتي العزيزات في هالمنتدى
أخواتي موضوع اليوم مهم جدا , و ممكن كثير من عضوات المنتدى سمعت او شاهدت هالشيء
و من ضمن هالعضوات الاخت ( ميلك شيك ) .
بعض الحريم يكون عندها حب الظهور بمعنى تكون قاعده مع وحده من أخواتها أو صديقاتها و تدخل
في سوالف خاصه بأمور زوجها و ممكن أنها تقعد تمدح في زوجها و أنه يسوي فيني و يسوي و من
هالكلام , اتمنى من جميع اخواتي و أيضا اللي تقرأ هالموضوع اتمنى اي اخت انها تنقله لأي انسانه
تعز عليها سواء صديقه أو أخت بحيث يصير فيه صحوه من ناحية هالموضوع لان الموضوع حساس جدا
و بعض الاخوات متساهله في هالشيء و ما تدري أنه يفتح مجالات أخرى للغير ما فيه داعي أذكرها
و اللبيب بالإشارة يفهم , لما تكونين في زياره عائليه او زياره لصديقاتك لابد ان تكوني على وعي شامل
بما يدور حولك في مناسبة زياره أو مناسبة زواج أو غيره من المناسبات لأن هناك من الحريم تبي تعرف
شنو اللي يصير بينك و بين رجلك , و السؤال الصعب هو كيف أعرف هالنوعية من البنات او المتزوجات ؟
لابد يكون عندك معلومه نفسيه أن اي انسانه تدخل معاك في هالسوالف هذه انسانه فضوليه و
تحاول معرفة ما يدور بينك و بين زوجك و طبعا هالنوعية من الحريم ذكيه جدا تحاول الدخول في
هالمواضيع بطريقه عفوية و لكن في داخلها تكون متعمده ان تطرح مداخله بحيث تفتح هالمواضيع ,
هناك من المتزوجات من يكون لديها صفه خبيثه جدا و هي ( انظروا الى زوجي الوسيم ) أو
( أنظروا الى زوجي الفحل ) أو ( انظروا الى الوضع المادي لزوجي ) و هذه النوعيه من المتزوجات
سبب نقمه و دمار على بعض البيوت الزوجيه , هناك من المتزوجات من تقول ان زوجها يجامعها في
اليوم 10 مرات و منهن من تقول اكثر من ذلك و ذلك لإثارة الفضول لدى البعض , و طبعا هالمتزوجات
تقول هذه الاشياء و تشعر بلذه شاذه و تتلذذ ان يسمعوها باقي المتزوجات و أيضا لكي تظهر
زوجها أنه رجل و هو في الحقيقه و الواقع لا يجامعها الا مره واحده في السنه , و أيضا تعتبر ذلك
حب لظهور زوجها و على اساسه ظهور لحياتها الخاصه و من ذلك اذا سمعوها المتزوجات قالوا
( يا سلام شفتوا ام فلانه و انا اقول ليش مستانسه ! اثاري زوجها محسسها بالمتعه ) !! فهمتوا
المقصد و الفكره الخبيثه والا لا ؟ صدقوني يا خواتي اللي تستوعب هالكلام هاذي عقليتها كبيره جدا
وواعيه و داهيه , أيضا هناك بعض المتزوجات تريد أن تعرف ماهو الشيء اللي ناقصك ليش ؟
و أنتي على نياتك تتكلمين و لكن هي تحاول تسحب لسانك و تعرف شنو اللي ناقصك خصوصا مع
زوجك و حياتك العاطفيه و مثل هالشيء مثلا ( ان زوجك عصبي او جاف معاك ) هي الان عرفت
أن زوجك عصبي و جاف و عرفت شنو اللي ناقصك و بكذا ممكن مع الايام تحاول تدخلك بأسلوبها
الخبيث على مدخل عشان تحاول تسوي لك ارتواء و تخليك تشوفين الطيبه و الكلام الحلو بطريقتها ,
بعض المتزوجات تحاول تجيب موضوع عن رجل من الرجال على انه يبي يتزوج و فاتح بيت و جاهز
و لنفرض ان هالمتزوجه تعبانه نفسيا مع زوجها , صدقوني راح تجرها و راح تقنعها انه رجل يبي يتزوج
و كلامها فعلا صحيح انه يبي يتزوج , والله العظيم يا اخوات جاتني حاله شخصيا من انسانه اخوها
طلق حرمته لان حرمته طلبت الطلاق و السبب من مين ؟ من هالنوعيه من الحريم و فعلا تزوجت
هالحرمه من الرجل اللي عن طريقها !!! تخيلوا يا اخواتي وشلون خذت الحرمه من رجلها ؟ وشلون
أقنعتها ؟ وشلون قدرت تدخل عقلها و تقنعها بالفعل ؟ طبعا زوجها عرف الموضوع و كان يعرف من زمان
أن هالحرمه راعية فتنه رغم ان زوجها طيب ! و عرف عن الزوج و راح سوى معاها جريمه , قص لسانه
و قطع احد اصابعه . طبعا فيه معلومه ان هالرجال اللي تزوج هالحرمه يعرف ان الحرمه هاذي على ذمة رجال !!
يعني خطفها من زوجها بسبب هالحرمه الخبيثه
و اتضح ان هالرجال له علاقه سطحيه جدا بالحرمه اللي أغوتها و خربت بيتها .. و هالنوعيه من الحريم
اخطر نوع و موجودات بكثره .
فيه من المتزوجات و خصوصا اللي قريبات من بعض احتمال تكون هالزوجه
تعرف زوجك بحكم انكم من جماعه واحده و احتمال تكون معجبه فيه قبل كذا او سمعت عنه اشياء
خلتها تعجب حتى لو اتزوجت يكون في النفس الشيء البسيط من هالاعجاب و حتى لو أختك يمكن
يكون هالشيء في بالها و انتي ما تدرين و مستحيل البنت تقول انها معجبه او كانت معجبه خصوصا
بعد ما تزوج و تكون البنت في هالحاله ذكيه و يمكن اختك تحاول تعرف شنو اللي صار بينك و بين زوجك
و خصوصا كثير بنات يبون يعرفون شنو اللي صار اول ليلة !! و اللي تكون في هالموقف ترد و تقول
( الحمدلله صار كل خير ) و بس و هالجمله كافيه ووافيه و اذا انها تخاف على مصلحتك هي والا امك
تقولين هالجمله و بس , طبعا اللي تغار على زوجها و هذا الواجب تقول هالجمله و الغيره مطلوبه
و لا تجيني وحده تقولي هاذي اختي عادي اقولها كل شيء لا لا لازم تغارين على زوجك ولا تقولين
شيء بحيث انه يبعث على الاعجاب او يبعث على اي شيء ثاني , ما فيه احد يضمن شنو اللي في
نفس البشر الا الله سبحانه و تعالى ( يعلم خائنة الأعين و ما تخفي الصدور ) .
فيه بعض المتزوجات تحاول بسياسه خبيثه انه تعرف شنو اللي يملكه زوجك سواء في اسلوبه او
عيشته او اشياء ثانيه انتوا فاهميني فيها و تبي تسوي مقارنه ذاتيه مع ما تملكه من زوجها و هنا
تبدأ الحساسيات و الغيره و يمكن تبدأ مشاكل بين العلاقات ولا يعلم سبب هالمشاكل الا الله سبحانه
ثم الفطينه الذكيه , رساله الى كل متزوجه من هالنوعيه الخبيثه و راعية مزاج عالي في هالامور ( أحب
أقولك مستحيل توصلين اهدافك بإذن الله لان البنات تعلموا الكثير و اخواتي المتزوجات في كل مكان
تعلموا و العلم وصل كل بيت و الانترنت و الكمبيوتر او اي أداة من شأنها توصل المعلومه لكل شخص
في هالعالم نستطيع بإذن الله القضاء على المكر و الدهاء الخبيث الذي يحيط في بناتنا و شبابنا )
أيضا أحب اقول شغله للأخت ميلك شيك أن زوجات اخوانك متعمدات انهم يقولون هالاشياء قدامك
عشان يطلعون قدامك بصورة الزوجات المظلومات و أنتي تعلمين و أنا أعلم و اخواتي في هالمنتدى
أن الرجل يمثل العائله بأكملها و اذا حدث مشكله لا قدر الله سواء مشكله ماديه له أو مشكله عاطفيه
سوف تؤدي هذه المشكله الى رسم صورة للعائله اللتي ينتمي اليها هذا الزوج
و عاد يا اختي انتي لابد ان
تكوني فطينه جدا و ثقيله ولا تتعجلي و من الممكن أن احداهن اعطتك كلمه من تحت لتحت ان اخوك
لا يشبعها في الفراش و انا و انتي مثلا نعرف العكس و لكن تريد أن تقهرك و ترفع ضغطك و انا اتوقع
اذا وصلت هالامور بين زوجات الاخوان و اخوات الزوج الى مثل هذه المسأله فهذه مصيبه و نادره جدا
ان شاء الله هالاشياء . و اتمنى الاستفاده لجميع اخواتي , تقبلوا تحياتي