متعقده زيي من المناشف فكره لمناشف التمسيح وتعليقها بالصور

السلام عليكم اخواتي
اول مره اشارك هنا اتمنى اكون خفيفه عليكم
اليوم جبت لكم فكره لمناشف التمسيح سواء للمطبخ او الاسطح او المفارش من كتر ماني متعقده منها ان شاء الله تعجبكم
قررت اني اخلي كل شي له منشفه لون متلا البوتجاز منشفه حمراء والتلاجه منشفه خضراء والرخام اللي فوق الدولاب منشفه صفراء وللدولاب بني متلا يعني او الوان زي كده
حسب اللي متوفر عندك بس اهم شي منشفه مخصصه لكل شي وطبعا لما انتهي من التمسيح اشطفها بالعملاق الاخضر
واحط منشفه خاصه ازا اتكب شي فالسيراميك عصير اوشاي ولها لون خاص طبعا وتكون كبيره شوي
وللمفارش منشفه بيضاء وخشنه شوي عشان لما امسح وارجع اغسلها وامسح تاني يبان فنفس المنشفه نظف المكان ولا لا
وللاسطح كالمكتبه او التلفزيون اوالطاولات وطاولات الاستقبال مخصصه الفنايل الداخليه الرجاليه القديمه اقصها مربعات يسير شكلها مرتب ونا اخترتها لانها احسها تلمع مضبوط مع البخاخ طبعا
وقررت احط فبخاخ التمسيح
شوي عملاق وكمفورت قليل واعبيه مويه وامسح فيه
واخلي بخاخ خاص للمطبخ وتاني خاص للاسطح والاشياء اللي تنكب عالسيراميك بدل ماتجيبي اسفنجه ومدري ايش وحووسه
وما اخفي عليكم كمان متعقده لما خلاص اشطفها فين اعلقها يصير منظر المطبخ بايخ لما اعلقها فوق غطاء البوتجاز اوفوق الدولاب فانا تحت التنفيذ ابسوي زي شي كده
ولسه بفكر فتعليقه للمناشف اللي عندها افكار تتحفنا فيها
واللي تستفيد من الموضوع تدعيلي ان الله يحفظلي زوجي واطفالي واهلي من كل شر
وتسلمو......