مثبتات المكياج بالصور راائع لايفوتكم

1. SKIN BASE & PRIMER


2. MAC SKIN BASE


3. وثاني شغله من ماك الآين فيلر


4. نقره على هذا الشريط لعرض الصورة بالمقاس الحقيقي


5. سماش بوكس الكل يمدحه بس ماجربته


6. وبعد في ناس تمدح وايد بيس اربن ديكاي بس ماجربته للامانه


7. وبيس العين من سيفوار


8. MAC Pain pot


9. Kryolan fix spary


10. وبعد عندكم نوع ميك اب فور ايفر ماقط جربته ويمدحونه باليوتيوب


11. استخداماته::


12. نقره على هذا الشريط لعرض الصورة بالمقاس الحقيقي


13. وحتى اللشدو الساتن الي من ميك اب فور ايفر

اول شغله ابي اتكلم عنها اهو البيس او الاساس والبرايمر الي ينحط قبل الميك اب
شنو اهو البيس والبرايمر :: اهو عباره عن كريم وساعات ايج كريم مكس مع فاونديشن وفي بعض الاحيان اي على شكل جل يتوزع على كامل البشره ويتركها مستعده لوضع الميك اب عليها لاان يترك البشره نضيفه وخاليه من الدهون ومسفلته والحلو انها بنفس الوقت ترطب البشره وتصصح العيوب مثل البشره المحفره او المسام المفتوحه تغطيها كلها والاحلى انها تثبت الاساس والميك اب لفتره اطول وطبعا في انواع وايد وبكل ماركه بس انا يبت لكم اكثر الانواع المنشره والي سعرها مناسب واستخدامها عملي ومو صعب

SKIN BASE & PRIMER

MAC SKIN BASE

Skin base واهو حاله حال اي كريم بيس ينحط قبل الميك اب اول شي لاانه بيقلل من الافرازات الدهنيه وبترك البشره رطبه وبنفس الوقت ينشف يعني ماله اثر دهني وهاي صورته وتوزعينه على البشره كاي كريم ويفضل يفضل بتجاه شعره ويهج
واذا تبين ميك ابج يكون تمام وثابت لا تستغنين عن الكريم المرطب والبيس واهو جدا مهم في ثبات الفاونديشن والميك اب ككل

وثاني شغله من ماك الآين فيلر

نقره على هذا الشريط لعرض الصورة بالمقاس الحقيقي

Line filler واهو يستخدم لاخفاء الخطوط التعبيريه والتجاعيد الي بمنقطه الشفايف او العين ومن اسمه اهو يعبي هالخطوط ويخفيها قدر الامكان ومو شرط ماك في ماركات ثانيه ويمدحون وايد جفنشي والي تعاني من التجاعيد او الخطوط التعبيريه انصحها تستخدمه بس حطي في بالج انه بيقلل من شكلها بس مابيمسحها خير شر يعني خلكم واقعين مو مسحه نبي تحطينه الا بشرتج صافيه
ونفس الشغله تلاقونها بلسكن بيس تبع ميك اب فور ايفر

سماش بوكس الكل يمدحه بس ماجربته

كريولاين الترا بيس فاونديشن يصلح للحفلات ويساعد انه يعطيج بشره متجانسه وفل كفر مضبوط
من بنفت "" اسمه ذات جال "" ميزته يسفلت الويه وبالذات للي مسام بشرتهم مفتوحه وباينه اهو يعبيها لاان فيها نسبه من الشمع الي تسد هالفراغات وتخلي البشره مسفلته وحلوه ،، جربته وهو حلو للاستعمال اليومي بس للحفلات اكيد يا كريولاين او ماك
بعد بيس سيفورا حلو ويرطب البشره بنفس الوقت
::
::
Eye Base and Primer
والحين دور بيس وبرايمر العين
واهو ينحط قبل الشدو والهدف منه يثبت الشدو ويطلع لونه اكثر واكثر
مثل
Eye Base MAC
نقره على هذا الشريط لعرض الصورة بالمقاس الحقيقي

وبعد في ناس تمدح وايد بيس اربن ديكاي بس ماجربته للامانه

وبيس العين من سيفوار

والطريقه :: انج توزعينه على كامل جفن العين الين الحاجب وتركيه ثواني الين يجف شوي وحاولي تسكرين عينج عشان يجف ومايخطط معاج وبعدها يصير تبتدين بتوزيع الشدو بس انا افضل تغطينه باللوز باودر قبل لا توزعين الشدو احب هالطريقه لانها تثبت الشدو اكثر واكثر
والحين دور خلطات ترانيم السريه
شلون تسوين برايمر وبيس العين الخاص فيج
كل الي بتحتاجينه شغلتين
اي كريم مرطب للعين او للبشره ( موسترايزر ) + اي كونسيلر عندج او فيج تستغنين عن الكونسيلر وتستخدمين ديرماكول بعد حلو
الكريم المرطب
+
الديرماكول
وحطو بكميه متساويه وخلطو عدل مدل الين تحسين خلاص انخلطو من قلب وبعدها وزعوه على الجفن كامل وتركيه شوي وبينشف
وبتقولون لي ليش استخدمتي الكريم المرطب وليش ديرماكول؟؟
اول شغله :: الكريم المرطب والكونسيلر يعبترون من اهم مكونات بيس العين يدخلون في صنع بيس العين بنسبه كبيره
استخدمت المرطب :: عشان اهو يرطب ويطلع اللون اكثر لان لو تجربون بتخلطون اي لون شدو باي كريم او فازلين تلاقين اللون يصقع وصاريبان اكثر فعشان جذي يستخدم المرطب في صناعته ليش انه يقوي اللون اكثر
واستخدمت الكونسيلر او الديرماكول :: لاانه يغطي العيوب وبالذات الديرماكول وبنفس الوقت بيثب لج الشدو
جوفوا بالصوره ترى انا حواجبي صايره عفيسه ومخليه الشعر يطلع للعيد بس حطيت البيس وشلون البيس من غير ماحط الشدو حدد ورسم حاجبي وخفى الشعر الزايد وسفلت منظر العين اكثر
للي يسالون عن الشغلات الي تثبت البيغمنتس او اي نوع شدو بودره عندج
استخدمي

MAC Pain pot

واهو عباره عن شدو كريمي خفيف مجرد ماتوزعينه على جفنج يصير مات وينحط قبل البغمنتس عشان يثبت ويبرز لونه اكثر
والبينت بوت يجيج بالوان وايد وله نوعين نوع الي بالعلب المدوره ونوع كانه تيوب ومعصاره صغيره وانا بصراحه ماجوف في فرق امبينهم اللهم المدور النسخه القديمه والمعصاره النسخه الديده بس ماك يبون يقصون علينا ساعات عبالهم هبل
نقره على هذا الشريط لعرض الصورة بالمقاس الحقيقي
وهاي النوع الثاني
نقره على هذا الشريط لعرض الصورة بالمقاس الحقيقي
المهم نرجع لموضوعنا
بتلاقون منهم الوان تقريبا 6 الوان فيج تختارين الون الي تبين بس انصحج تختارين درجات الوردي واللؤلؤي و البيج لانها مابتقيدج باي لون بيغمنت تحطينه فوقه يعني اصرف لج بدال ما تشترين كذا لون
وهاي شكله بعد ماتوزعينه على الجفن كامل
نقره على هذا الشريط لعرض الصورة بالمقاس الحقيقي
وبعدين حطي الشدو الي تبين فوقه بيطلع فولا
واذا كنتي من النوع الي مالج في هالعباله كلها مافي اثبت من الالوان المائيه بالذات كريولاين وبناي
::
::
Make up fix spray
والحين دور السبراي المثبت للميك اب
بتكلم عن ثلاثه انواع بس ومثل ماقول كل ماركه عندهم من هالمثبتات وانتي والي ترتاحين عليه

Kryolan fix spary

واهو يعتبر من اقوى الانواع وكل الماكيرات يستخدمونه والسبب في كون ماركه كريولاين ماركه قويه وشغلاتها ثابته في ان كونها اصلن هي ماركه للمكياج المسرحي باوروبا والدول الغربيه ويتم صنعها بالمانيه حالها حال بناي متخصصين بميك اب التلفزيون والمسارح واهو يحتاج لشغلات تدوم ساعات وتثبت اكثر وقت عشان جذي تلاقون كل برودكتاتهم قويه وثابته وتدوم لساعات طويله

وبعد عندكم نوع ميك اب فور ايفر ماقط جربته ويمدحونه باليوتيوب

والطريقه :: السبراي المثبت سوا الي من كريولاين او الي من ميك اب فور ايفر نستخدمه بعد الميك اب وكخطوه اخيره تبعدين يدج شوه عن ويهج وترشين مابين 3-4 رشات من الفكس سبراي على كامل ويهج بحيث تحسين مثل رذاذ الماي الخفيف تلامس ويهج و خلج مغمضه مده ثواني الين ينشف وبس
اما النوع الثالث
ماك فكس بلس سبراي ( ماك فكس بلس )
وهالسبراي مختلف شويه لاانه له استخدامات اكثر شويه من السبراي العادي الي ذكرته توني لاانه اكثر مرن وفي نسبه اكثر من الماي فنقدر نخلط وبندع فيه اشيا وايد ::

استخداماته::

• فنشنغ سبراي حاله حال كريولاين وميك اب فور ايفر نفس الطريقه الي ذكرتها لمن نخلص الميك اب كاخر خطوه نرشه عشان يثبت لنا الميك اب
• ريفرشنغ سبراي :: ايام الحر والسفر والرطوبه العاليه ترشين منه تحسينه منعش ويترك البشره رطبه وفيها ماي بالذات للي يعانون من البشره الجافه
• مثبت للحواجب :: نفس ماشرحت هذيج المره رشو الفكس سبراي على فرشاه الحاجب مالتكم

وبعدين نسقوا الحاجب بيعطي سواد حلو لحواجبج وبيكون شكلهم مرتب وطبيعي

• ميكسينغ ميديم ( مثل محلول نستخدمه للخلط) خلكم معاي جوفو شنو استخدامته::

1) الالوان الشدو البيغمنتس من اي ماركه سوا MAC- NYX-

نقره على هذا الشريط لعرض الصورة بالمقاس الحقيقي

وحتى اللشدو الساتن الي من ميك اب فور ايفر

لانه بيثبت اللاوان اكثر على جفنج ونصيحه يفضل تستخدمون الشدوShimmer ومخملي مو المات لان المات في غالب الاحيان مايساعد للخلط اما الاوان المخمليه تطلع حلاتها مع اي محلول زيتي او كريمي او مائي انشالله فهمتوا علي فهالنقطه
2) ماك فكس سبراي يحولج اي لون شدو الي ايلاينر خفيف
3) ماك فكس سبراي يحولج اي بلشر ويفضل اللمخملي والشمري مو المات الي لون شدو قوي ومركز
4) ماك فكس سبراي يحولج اي لون شدو عادي او بلشر الى اضاءه للوجه كامله ويعطيج نفس نتيجة هالمنتج من بنفت اسمه هاي بيم
واهو يعطي اضاءه حلوه للويه وبنفس الوقت طبيعي
بنفس الطريقه الي شرحتها في موضوعي ( تبين تحطين ميك اب لزوجج بس جنج مو حاطه ))