مجموعة الصداقة جابت حكاوي ست الحبايب لكم

1. حكاوى ست الحباايب دخلوا استفيدو >> مع مجموعة الصداقة<<


2. للمتزوجات ..... ادخلي واقرئي وتعلمي بس لا تنسين أمي


3. (((( الصداقة رمز المحبة ))))


4. السالفة الاولى : بس ياليت تفهمون بعض اللفاظ


5. الصداقة مجمعنا ****


6. &&&& الصداقة قوتنا &&&&

حكاوى ست الحباايب دخلوا استفيدو >> مع مجموعة الصداقة<<

للمتزوجات ..... ادخلي واقرئي وتعلمي بس لا تنسين أمي

يا بنات اليوم رحت عند أمي وقالت انتم وش تقولون بالجهاز اللي معك هذا سمعت أنكم تسولفون فيه قلت يا أمي حنا نتكلم فيه عما يفيدنا سوى في الحياة الدينية والدنيوية قالت اهاه لاعاد القى لي مجال عندكم والا بس للبنات ؟؟؟!!! وطبعا فهمتها السالفة كلها من حيث لقئنا في الانتر نت وسوالف الفراشات الغاليات .. ثم قالت انا ابيك تقولين لهم سوالفنا أحنا الأولين قلت يا أمي وشلون ... لا ... أخاف البنات ماييبون .. قالت لا والله الا تقولين لهم وان السالفة من أمي مو مني فهمتي ولا لا قلت طيب ابشري يا لغالية وقلت لها راح تكون أول مشاركة لك المهم قلت هاتي ماعندك قالت افا تبيني اسولف لك وانا ماعندي قهوة قلت ابشري بقول للخادمة لا وهي تقاطعني وش تقولين ابي قهوة كيق تعدل المزاج من ايديك ........ "" عاد انا رافعه راسي من قدي "

(((( الصداقة رمز المحبة ))))

المهم قمت وسويت القهوة وجبتها بس من العجلة خفت ان القهوة ما ضبطت ههه المهم قدمتها مع التمر الجديد وصبيت لها الفنجال قالت بابنتي حنا من اول نحب الستر وكدادات ونتحمل الحموله وماحد يدري وش علية نلبس حتى اهلنا مو مثلكم اليوم الوحده لو ينقصها شي على طوال تهاوش مع زوجها وانه كان زمان

السالفة الاولى : بس ياليت تفهمون بعض اللفاظ

الصداقة مجمعنا ****

فية عائلة غنية واغلب نساء القرية يشتغان عند اهلها طبعا وش الشغل هذاهو ان النساء ياخذون " "المشذاب والشرشف " قصدها اللي نقص فية الزرع ، ويذهبت الى الخلا ء لجلب الحشيش والحطب ونحو ذلك ثم تعطى المراء مال او طعام او أي شيء مقابل هذا العمل وكان يخرجن من الصباح الباكر ويرجعن مع المغرب ) ونعود لتلك العائلة لهم بنت بلغت من الجمال مابلغت وكل اهل القرية يتكلمون عن جمالها وحيائها وهي مقبله على الزواج المهم هذه الفتاه وحيدتهم من بين سته أولاد فرأى ابوها ان يزوجها ، فكان هناك رجل مشهور امام الناس بارتداء احلى الملابس ويتطيب باجود العطورات ومحافظ على دينه فقال الوالد في نفسه ان هذا الرجل هو الذي يناسب عائلتنا وابنتي وطبعا اوالد حكم علية من مظهره الخارجي ولا يعلم عما في بيته فعرض ذلك الوالد ابنته على الرجل فالرجل اراد ان يوضح له حالته ولكن الوالد لم يعطية فرصة فقبل " من قده بنت عز وجمال واخلاق "

&&&& الصداقة قوتنا &&&&

انا يابنات انتظر النتيجة والوالدة تقطع السالفة تبي كاس شاى بس المرة من الشغالة ههه الظاهر القهوة ماضبطة ....
وبعدما تم مراسيم الزواج زفوا العروس الى بيت زوجها ففي الاسبوع الاول كان الوضع طبيعي وطبعا تعرفون عيشة اول خبز ولبن وتمر ورز وبين اسبوع واسبوعيت لحم ومرق .... فاتضح للبنت ان الرجل هذا يعاني من الفقر وانه مايجد في بيته شي ياكل منه !!!! سالت البنت الزوج وانت ليش كاشخ قدام الناس كانك ولد عز ومال قال لها من عزة نفسي مابي الناس تشعر بفقري الا الله عالم الغيوب ولا اريد من احد منه ولا عطى قالت يعني تخدع الناس بمظهرك
يابنات وش توقعون ردة فعل البنت بصراحة انا متحمسه اعرفها بس الوالدة قالت بقوم اصلي المغرب واجهز عشاء ابوك قلت يامي بس كملي وخلاص قالت لا ابي اصلي اول والعشاء قلت صلي وعشاء ابوي علي ههه .
طبعا صلينا المغرب ورحت للمطبخ بسرعة وسويت العشاء وخليته على النار يستوي
ورجعت للوالدة الله يطول عمرها وقلت كملي قالت وين وصلنا الحمد لله اني كنت اكتب والا تنعاد السالفة من اول
يابنات البنت فكرة وقررت بان يبقى زوجها على هيئتة وقالت انا افضح زوجي لا فقررت العمل الى ان يجد العمل هو فراحت البنت من الفجر مختفية طبعا ماكان فية نور ولا كهرباء مثل الان الى الخادمة اللي توزيع الشراشف على النساء واخذت دورها ثم عملت بنت العز في الخلاء والمزارع وتعرضت لمثل ماتعرض غيرها للعطش والجوع والتعب والارهاق ونحو ذلك .... المهم البنت لم تخبر والديها باي شى ولم تطلب منهم شي ابدا محافظة على اسرار زوجها وصيانه له ولا تريد ان يتكلم عنه احد ويبقى بنظر الناس عالي كما كان قبل زواجه فبقيت على الحال شهور دون ان تشعر زوجها بتعبها وان يشعر اهلها بذلك " سبحان الله تتعب وتتحمل من اجل كرامة زوجها "
ففي يوم من الايام حست الخادمة وهي تعطيها المال انها عمتها،التي تعمل عندها فاخبرت امها وقالت اني اشك بتلك المراءة انها بنتك ، فقالت لا مستحيل!!!! فقالت الخادمة بلا انها هي!؟ فاحتارت الام امعقوله انها هي ؟ انها متزوجه من رجل غني فقالت لنرى غدا ، اذا جاء غدا اخري عليها المال وامسكي بها وانا اكون موجوده ، وعندماء جاء اليوم التالي اذا بالخادمة تمسك بها فارادت الهروب ولكن الام تمسكها فقالت لماذا فعلتي مافعلتي ؟ انتي تعملين وانتي المدلله ؟ انتي تعملين عند واليك وتاخذين المال دون حاجة ؟ وغير ذلك من الاساله اللتي دارت بين الام وبنتها !!!!!!!!!! طبعا البنت في البداية لا تريد اخبار امها بشي ولكنه اخبرتها بالامر كله ، قالت الام واين نحن منك لماذا لاتخبرينا كان اعطيناك ....... ونحو ذلك من التانيب ،فعلاً ان لكل بداية نهاية ..........
الام يابنات مارضت تشوف بنتها بالحال. امسكت بها واخبرت اخوانها وابيها وطبعا غضبو اخوانها عليها وعلى زوجها وقالوا انه السبب في شقاء اختناء ونحو ذلك من المشجرات والخلافات ... زوجها لم يكن له وجه بعدما عرف انهم كشفوا السالفة .... فاراد ارجاعها لانه احبها بجنون ولكن لاينفع أي شي الان وهي طبعا تحبه فذهبت الى والدها وقالت اني راضيه بما اعمل ولم يرغمني على شي وانا اعمل عمل شريف ونحو ذلك .... فاقتنع الوالد لكن المشكله تكمن في تعصب اخوانها ورفضهم وطلبوان يطلقها ويجدون غيره يعز اختهم المهم الاب فكر يقنعهم ورفضوا فقام الاب واستدعى جميع ابنائه واستدعى زوجها ..........
ياامي انتظري بروح اشوف العشاء واو الله ستر والا انحرق وعاد تزعل الغالية ومافيه عشاء ....
وش توقعون حل الاب يابنات والله رائع
بعدما حضروا كلم الاخوان والزوج وكانو الاخوه غاضبين ومفكرين ان الوالد مجمعهم علشان الطلاق وانها كل شي بينهم وبين زوج الاخت المزيف " ياناس الظروف احيانا تقهر
المجلس ينتظر حكم الاب والزوج حائر جدا وخائف والبنت كذلك والموت عندها اهون من فراق زوجها الغالي .
دخل الاب على البنت وقال لها ارمي جميع ملابسك قالت لا ياابوي ماقدر اخوني قال الان ترمينها وتدخلين والافخافت وقالت ابشر ... فسمعت كلام ابوها ورمت ملابسها فكان للبنت جديله تهول " يعني شعر طويل فكتها ووضعتها على عورتها مستحية من اخوانها والا الزوج ماعليها منه وانتم ادرى بالمقصد وعلى مادخلت البنت المجلس راحت تلفت هنا وهناك والاخوه استغربوا من الموقف ورات زوجها على طول ارتمت بين احضانه اخذت تتستربه فقال الاب الحكم في هذه اللحظة واقتنع الاخوه براى الاب وان الزوج ستر لها وهي ستر له وهاكذا خلقنا لباساً لهم ولباساً لنا فاعطى الوالد النسيب من المال وفتح له محل وعمل ذلك الزوج وعاشت البنت في عز كما كانت ولكن المره بعمل زوجها وببيته ..... والوالده تقول كلنا لازم نكون ستر وغطى للزوج وان نتحمل ونصبر ونكدح ونساعد الزوج في كل شي ... وسلامتكم ياالفراشات
بس ترى الوالده شارطه علي ان اقولها ردودكم وتفاعلكم مع القصه وخاصة المتزوجات وانها راح تعطينا من قصصها المزيد اذا شافت ان قصتها اعجبتكم، وان تدعون لها بالشفاء العاجل ودوام الصحة ...
مجموعة الصداقة .......... في الصداقة التقينا وعلى الحب اتفقناء