مجنون سارة

وبعد هاليوم اتصلت ريم من الصبح حق ساره وساره في سابع نومه
ريم تتصل فيها
ريم : الو سارونه سارونه
ساره وهي معصبه لان مخربين نومها وبتعب تقول : الو منو ؟
ريم : منو يعني انا ريمان
ساره : الله يهديج يا ريم تتصلين صباح الله خير في هالوقت
ريم : أي صباح الله خير الحين الساعه 11 قومي بسج رقاد
ساره : شو تبين خلصيني والله فيه نوم
ريم :ساروه اليوم نحن معزومين على بيت قوم لطوف ربيعتنا وكل بنات للمدرسه بيروحون هناك يعني وناسه .
ساره وفجأه نشت من المخده : والله صدق روعه يعني بنات المدرسه بيجتمعون صدق وناسه بنتذكر ايام المدرسه .ريم : هي والساعه 8 نكون هناك وانا ابي اروح عشان اشتري بدله حلوه لهالمناسبه لان الكل بيكون موجود ابي اتكشخ .
ساره : ليش يا حلوه ما عندج بدله يعني
ريم : لا عندي طبعا بس ابي اشترلي بدله يديده .شو بتين وياي ولا ؟
ساره : اكيد بيي ومره وحده اشترلي بعد
ريم : خلاص عيل تعالي بسرعه لا تنسين
ساره : لا حبيبتي البارحه ما تغدين ويا امايه حرام ما تهون علي بيي العصر وبنتشرى اوكي .
ريم: خلاص حبيبتي اشوفج على خير بس تعالي بسرعه عشان نلحق اوكي باي
وسقرت ساره من ريم وراحت عند امها تستشريها وطبعا الام وافقت .
(بيت فاطه خالة ساره )
نوره : والله احس من زمان وما شفت بنت خالتي الغاليه ساره .
هند وباستهزاء : يعني شو من زمان من اسبوع كانت هني .
نوره : تعرفيني متعوده عليها ولازم اشوفها
بروح اتصل فيها .
هند .: روحي روحي وانا بروح اتصل في منى
نوره : انا منى الصرراحه ما عرف ليش ما ارتاح لها احسها حركات وشايفه عمرها .
هند وهي معصبه : والله حبيبتي من لازم ترتاحيلها اهم شي انا ارتاحلها انزين .
نوره : انزين انزين عفان الله بلاج شبيتي علينا تقولين انتي الاكبر مب كاني اكبر منج
هند وتأشر على صبعها : بسنه وحده اكبريعني ما شي فرق وايد
نوره : بسنه بشهر باسبوع المهم اكبر منج .خلا اروح اكلم ساره احسن من مجابله ويهج .
هند وهي منقهره : روحي روحي وانا خلا اكلم منى احسن .
واتصلت هند في صديقتها منى . وصح كلام نوره لان منى من النوع المتكبر وايد وعليها سوالف وحركات .
هند : الو مرحبا
منى : مراحب يا هلا بهنود
هند : هلا فيج .شو وينج
منى : ويني بعد في البيت قاعده عالمسنجر
هند : انتي ما تملين من المسنجر
منى : لا والله وناسه بس انت يلو تجربين بتعرفين كيف .
هند : وين اجرب ما عندي مسنجر واصلا ما احب الكمبيوتر.
هند : لانج ما تعرفين شو داخل الانترنيت حبيبتي اذا تبين تحبين وتعيشين بالغرام يلسي عالانترنيت والمسنجر .
هند وعلامه تعجب في ويها : والله كيف
منى : انتي تعالي بيتنا وبعلمج كل شي .
هند : والله زين خلاص الحين بقول حق امايه وبيي بيتكم اوكي
منى : اوكي يالله اترياج
وطبعا هند للاسف كانت ساذجه وما تعرف صديقتها منى شو تقصد بهالكلام .
اما ريم وساره راحو يتشرون عشان عزيمه اليوم . وهم يتشرون فجأه شافت ولد خالتها خالد ومعاه صديقه محمد .
خالد وهو مستغرب ومبطل عيونه : محمد محمد مب هاي ساره .
محمد : أي ساره .؟
خالد : حبيبة القلب روحي وعمري قوم قوم خلا نروح هناك
محمد : الله يعينا على الفلم الهندي
وراح خالد ويا ربيعه محمد وخالد عيونه على ساره :
خالد بصوت ونبرات كلها حب : انا احلم ولا اتخيل ساره موجوده ؟
ساره وهي منحرجه : هلا يا خالد شفت عاد الصدفه شو اخبارك يا ولد خالتي .
خالد وفي خاطره ( لا تقولين ولد خالتي قولي خطيبي او حبيبي: تمام يسرج الحال يا بنت خالتي) :ها شو تسوون هني
ريم ,وهي تشوفه بدلع وتقول: زين قلت شو تسوون زين جمعت قلت يمكن ما شفت غير ساره .
وهني ساره ضحكت برقه : وخالد استحى وقال : لا افا عليج يا ريم كيف انسى ريم صديقه ساره المفضله
اما محمد فماكان يتكلم ولا كلمه لانه عيونه على عيون ريم ومتخبل عليها وساكت .ريم حست بنظرات محمد واستحت وايد اول مره احد يشوفها بهالنظرات .
ساره : شو اخبارك محمد ؟
محمد في عالم ثاني عالم ريم .
خالد : محمد محمد وين وصلت
محمد : ها شو شو شو شو السالفه ؟
خالد : نحن اللي نسالك شو السالفه وين وصل تفكيرك
محمد يرمس شوي شوي ويقول لخالد : معاها معاها ما تشوف كيف حلوه ورقيقه
خالد : منو
محمد : منو بعد صديقه حبيبة القلب
خالد : ريم
محمد : الله حتى اسمها حلو ريم شيخه الحريم
خالد وهو يقرص محمد : بسك فضحتنا فضحتنا .
ساره وهي مستغربه : بلاكم عن شو تتكلمون
خالد : هاا لا لا ما شي ما شي محمد يقول انه يوعان بيروح ياكله شي.
ساره :ها خلاص عيل نحن نترخص عشان ما نتاخر اوكي يا ولد خالتي مع السلامه .
خالد : مع السلامه يا ساره واشوفج على خير
محمد وعيونه على ريم : مع السلامه ساره و وو مع السلامه يا يا ريم .
ريم وهي منحرجه ومنزله راسها وبصوت رقيق : مع السلامه يا محمد .
وراح محمد وخالد . وفرحت خالد غير لان شاف حبيبته واما محمد فكان سرحان في ريم
ساره وهي ميته من الضحك
ريم وهي مستغربه على ساره : شو فيج ليش تضحكين ؟
ساره وهي مبتسمه : لا حبيبتي سلامتج بس تذكرت نظرات الولهان على بعض الناس .
وهني ريم فهمت شو تقصد وابتسمت : تصدقين سارونه . ما عرفت ان خالد عنده صديق بهالحلاه والجمال .
ساره : طبعا لان خالد ما يمشي الا مع الحلوين مثله
ريم : خلي عنج هالرمسه وقومي نتشرى يالله
في بيت منى صديقه هند:
منى : زين والله ييتي تعالي قعدي عندي براويج اشياء تخبل.
هند : والله شو هيه؟
منى : شوفي انا اكلم واحد عالمسنجر بس شو يموت فيه اتصدقين يحبني واي شي ابي ينفذلي.
هند : وانتي تصدقين انه يحبج حبيبتي هذا اكيد يقص عليج
منى : أي يقص علي اقولج يموت فيه بس انا مب بس اكلمه بالمسنجر اكلمه بعد بالتلفون .
هند وهي مستغربه وتشوف منى بتعجب : بالتلفون ؟ منى كيف ترضين على عمرج تغازلين .يمكن يقص عليج .
منى : والله انج فاضيه شو يقص علي اقولج يحبني وينفذلي كل شي وما انام الا بكلماته الحلوه والله حياتي صارت روعه وياه ..اه كيف احبه
هند وهي بعدها مستغربه : يعني صدق تحبينه يعني ما يقص عليج .
منى : اقولج احبه وبعد بيتزوجني تخيلي تاخذين واحد عن قصه حب والله روعه بس انتي لو تجربين هالشي بتشوفين
هند : لا لا لا حبيبتي خليني بعيده عن هالسالفه شو تبين خالد اخوي يذبحني .
منى : وهو اصلا شو عرفه .ما بيعرف عن شي انتي بس طيعيني وكلمي واحد وبتشوفين كيف حياتج بتتغير؟
هند: كيف ارمس واحد لا لا لا ما يستوي
منى : يالغبيه هاي بس فتره خطوبه بعدين هو بيتزوج صدقيني .
هند : ها م يتزوجني م ماعرف خليني افكر
منى : فكري يا عمري وانا بعطيج رقم صديق اللي اكلمه الحين وبتشوفين كيف حياتج بتتغيرللاحلى .
هند وهي تفكر بالسالفه : ماعرف بس بفكر .
ومنى فرحت لانها قدرت تتجذب على هند اللي بسهوله قصت عليها .
وبعد ما ردت ساره وريم من السوق كانت الساعه تقريبا 6 مساء يعني ما تأخرو وايد وكان عندهم وقت عشان يتلبسون ويتمكيجون . وساره قررت انها تتلبس في بيت ريم عشان مره وحده يروحون ويا بعض لان كل اغراضها كانت وياها وراحت ساره والتلبست وكان لبسها اللون الاحمرا%
E1لي ياي على شكل فستان بسيط ومكياجها بسيط وحلو وفتحت شعرها العسلي وكانت صدق كانها الورده بجمالها .
أما فهد اخو ريم اللي ياي من السفر كان يبي يسوي مفاجأه لاخته ريم بقدمومه وكان يدور عليها وما لقاها وقال اكيد هي بغرفتها وهو ما يعرف ان ساره اللي بالغرفه وفجأه يوم دخل كانت ساره صاده لصوب المنظره يوم فهد دخل
فهد تم يصارخ من الفرخه وقال : ريمان مفاجأه
وصدت ساره وشافت رجل غريب ما تعرفه وهي مستحيه ما تعرف شو تسوي لانها ما كانت متغطيه لا بالشيله ولا العبايه وفجأه سكتت ونزلت راسها وما تعرف شو تقول .
اما فهد فكانت بيده هديه ومن المفاجاه او من جمال ساره الهديه طاحت من ايده تلقائيا من دون قصد وتم ساكت وهو يطالعها ويقول في خاطره ( انا أحلم ولا شو السالفه؟ من هذي هاي اكيد حووريه لا أي حوريه اكيد ملاك ما شفت احد بجمالها وهو يطالعها وساكت وهي منزله راسها .
فهد بعد ما حفظ شكلها : اي م اسمحيلي كنت ابي ابي ابي اختي ريم بس ما عرفت انج موجوده ؟
ساره على طول خذت الشيله وتغطت وهي مستحيه وويها صدق محمر وترد برقه : لا عادي انا الغلطانه لاني ما بندت الباب . ونزلت راسها
فهد : اسمحيلي اختي
وطلع من الغرفه وهو حاط راسه على غرفه اخته ويقول : واو شو هالجمال في حياتي ما شفت في جمالها .
وبعدين يت اخته ريم اللي ما كانت تعرف ان اخوها فهد موجود وهي يوم شافته
ريم فتحت عيونها وتمت تشوفه وتصارخ : فهههاد وتميت تصيح ويت وحضنت اخوها
ريم وهي حاضنه اخوها بالحيل وتصيح وتقول : فهد وينك فهد ليش خليتني من 4 سنين بروحي تخليت عني يا اخوي .وتمت تصيح
وطلعت ساره من الغرفه تشوف شو سالفه هالصراخ.
فهد وهو يكلم اخته ويمسح دموعها : حبيبتي يا ريم تعرفين اني رحت اكمل دراستي .
ريم وهي تشوف اخوها بنظره حب وشوق : للدراسه ولا تشرد عشان ما تحس بمعاناة خلاص يا فهد انسى امي وابوي راحو من كم سنه لين الحين محتاجنها
فهد ترك يد اخته وقال وهو حزين : اه يا ريم محد بيحس بشوقي لامي ريم امي راحت عني وانا عمري 10 سنين وكانت بالنسبالي كل شي ما اقدر ما اقدر بدونها اتخيلها بكل زاويه في البيت محتاج لحنانها يار يم . ودمعت عيون فهد .
اما ساره فما قدرت تتحمل على طول دمعه نزلت بعيونها .
فهد حب يتغير السالفه : المهم ريماني انتي شو اخبارج .؟
ريم : والله اني شوي بخير بس الحين اكيد بخير بوجودك اخوي .
ريم وهي تشوف ساره وتبتسم
وتقولها : ساره تعالي اعرفج على اخوي .
ساره منزله راسها ويت عند ريم وفي خاطرها تقول ( هو شافني وخلص ) .
ريم: فهد اعرفك على صديقه عمري واختي ساره .
فهد وهو يشوف ساره بنظرات : هلا والله بساره تشرفت بمعرفة وحده حلوه مثلج .
ساره استحت وما قالت شي غير : تسلم عيونك الاحلى .
ساره استغربت من جرأته .
المهم بعد ما استأذنت ريم من اخوها انها بتروح للحفله مع ساره .
اخوها فهد راح عند أصدقائه اللي من مده ما شافهم .
بس بخياله بس رسمه ساره اللي صدق كان متخبل عليها وقال: قلت هي قمر قلت لا القمر ماخذ من حلاها .كيف أوصفها وهي ما تنوصف من جمالها .رسمه عيونها اللي تعذب المخاليق ولا ملامحها اللي فيها براءه الاطفال ولا خدودها اللي كانها ورود ورديه كيف اوصفج يا ساره كيف ؟
وفهد هو اصلا يموت على الشعرفكانت اول قصيده يكتبها لبنت .
وربعه سمعو الخاطره وقاله صديقه مروان : الله عليك يا فهد شو هالكلام العذب شو اليوم ياي وتقولنا خواطر اخاف بس الاخ متعذب.
وضحك فهد وقاله : لا بس حبيت اقول خاطره لان هالخاطره مميزه عندي .
_ الجزء الرابع _
وراحت ساره مع ريم الحفله وهناك شافو رباعتهم بايام المدرسه ولطيفه طبعا صاحبه العزيمه كانت باستقبالهم
وراحت حضنت ساره وريم
لطيفه : يا هلا ومليون مرحبا بحبايبي
ساره : هلا فيج يالغاليه
لطيفه : شو هالحلاه كله يا ساره ماشاء الله عليج عيني عليج بارده .
ريم وهي تمزح ويا ربيعتها : ليش عينج عليها بارده شو حاطه عيونج بالثلاجه .
لطيفه وهي تقرص ريم : بسج لا اتمين تحطين عليه الناس يسلمون .
ريم وهي تضحك على لطيفه : : اوه نسيت اشحالج لطوف
لطيفه : ايه لو سمحتي اسمي لطيفه مب لطوف
ريم وهي تضحك : لا تذكرت يوم الفراشه تقولج لطوف لطوف وين ودي بروش انا ابي نظف الصف
وتمت لطيفه ميته من الضحك وهي تقول: هي صدقج والله لعوزت الفراشه كنت دوم اخذ بروش التنظيف .
وتمت ساره ولطيفه وريم يضحكون على سوالف المدرسه .
ساره وهي مندمجه بالسوالف : ولا تذكرين لطيفه يوم ريم ما عرفت تحل اسئله الامتحان شو كتبت .
ريم وهي تضحك بس استري علينا فضحتينا .
لطيفه وهي تشوف ريم بنظره لؤم : لا لا يا ساره قولي بس عيل ريم اتم تفضحنا قولي قولي
ساره وهي مبتسمه : يوم ريم ما تعرف تحل تكتب في الامتحان كتبت.. والله انا اعرف الجواب بس ما بحل عشان ما تحسدوني .
وتمو كلهم يضحون .
ريم وهي تمسح دموعها من الضحك : هي والله ذكرتيني ولا الابله شيخه يايه عندي ومعصبه على ردي في الامتحان ويوم عاقبتني نسختني الايه 100 مره وانا ما قصرت خليت خدامتنا تكتب .
لطيفه : حسبي الله على ابليسج معلمه خدامتكم بعد الكتابه
ريم : انا اصلا يايبتنا خصوصيا حق النسخ .
وطبعا الحفله كانت مره روعه كلها سوالف المدرسه.
وردو كلهم البيت .
وساره على طول راحت تنام لانها صدق تعبانه وحتى ريم
اما فهد فر د متأخر لانه كان ويا ربعه ويوم رد البيت كانت الساعه 3 وكان يبى يشوف اخته ريم بس شافها نايمه
فهد مساند على السريروهو سرحان ويقول في خاطره ( شو فيني اليوم أول مره اشوف بنت ؟ شفت في لندن بنات شكثر بس ما أثرو فيه . شو فيها ساره غير عنهم ماعرف فيها جاذبيه غير غير. نظره عيونها سحرتني معقوله يا فهد معقوله تكون حبيتنها لا لا لا مستحيل كيف كيف هذا اكيد اعجاب بس ليش ما راحت عن بالي ولا دقيقه ليش اوه خلا اروح انام ابركلي .
وبيت قوم خالد طبعا خالد ما قدر ينام البارحه من كثر ما يفكر في ساره ومن الصبح راح عند امه ودق عليها الباب :
خالد وهو يدق الباب : امايه امايه يمكن أدخل
ام خالد : دش يا ولدي تفضل
خالد وهي زعلان ومتضايق
ام خالد تشوف خالد بنظره تعجب : شو فيك يا وليدي شو في خاطرك .
خالد وهي متضايق : اميه تعرفين شو اللي في خاطري اباج اليوم تخطبين لي ساره ابيها يا امايه ابيها
ام خالد : البنت ما بطير يا خالد شو فيك ؟
خالد : بطير ولا ما بطير ابيج تكلمين امها اليوم واليوم سمعتي اليوم بالذات ابيج تخطبينها لي الله يخليج امي
وراح باس راس امه
ام خالد : خلاص يا وليدي يوم بيرد ابوك من الشغل راح اقوله ولا تهتم خلاص .
وخالد فاتح عيونه وفرحان : امايه صدق صدق اليوم بتخطبينها لي اليوم
ام خالد : هي يا امي اليوم شو فيك شوي بطير اثقل يا خالد فضحتنا .
خالد وهي شوي بيطير : امي انا لو عندي جناح جان من زمان شفتيني في السماء في سماء ساره ساره يا امي
ام خالد وهي تشوف خالد بنظره تعجب : لا بلاه ولدي استخف هذا خطوبه وانت استخفيت لو زواج عيل شو بتسوي .
خالد : ما ادري يمكن اين بستوي مينون مينون .
ام خالد : ليش انت مقصر انت ألحين واستويت مينون .وتمت تضحك على خالد وحركاته .
ام خالد : بس نحن بنسوي مفاجأه حق ساره لان اصلا الام تعرف وهي وافقت من زمان اليوم بنسوي حفله بسيطه عشان مناسبه خطوبتك منها .
خالد : الله يخليج لي يا امي الغاليه صدق احلى مفاجأه.
وراحت ام خالد تتصل في ام ساره عشان تقولها انهم اليوم بيون عندهم على العشاء .

ام ساره وهي رايحه ادور ساره : سارونه يمه ساره حبيبتي .
ساره وهي تكلم رباعتها عالمسنجر : هلا يمه تعالي انا بغرفتي .
ام ساروه : سارونه اليوم بنات خالتج كلهم بيون وحتى خالتج .
ساره وهي مستغربه : غريبه ليش انتي عازمتنهم .
ام ساره : لا بس هم اعتقد يايين عشان سالفتج حبيبتي .
ساره استحت وعرفت امها شو قصدت .
وبعد دقايق وصل لها مسج ويوم فتحت المسج شافت المسج : ساره يا عمري حبيت اقولج ان اهلي يايين عشان يسوون حفله صغيره بمناسبه خطوبتنا رسمي واخيرا يا ساره بتتحقق احلامنا.
المرسل : خالد
دق قلب ساره بسرعه وما عرفت شو تسوي هي بعد كان حلمها تكون ويا خالد وما عرفت شو تسوي غير حضنت الموبايل وابتسمت .
(في بيت ريم ..)
راحت ريم غرفه اخوها فهد لان البارحه ما يلست وياه ودخلت عليه وشافته يطلع ملابسه من شنطته .
ريم وهي يايه تحضن اخوها : صباح الخير لاحلى فهد .
فهد وهي مبتسم :صباح النور لاحلى ريمان.
ريم وهي تلعب بشعر اخوها : تصدق اخوي اشتقتلك وايد والله حسيت اني بموت بغيبابك .
فهد وهو معصب: باسم الله عيلج يا ريمان شو تقولين لا تطرين الموت سمعتي .
ريم وهي تتدلع : يالله ليش تحبني .
فهد وهو يمسك يد اخته : كيف ما احبج يا ريم وانتي الوحيده اللي بقيتيلي من وفاتهم .
ريم والدمعه بعيونها : الله يخليك لا تذكرني .
فهد يغير السالفه يوم شاف اخته تدمع : ولا تعالي شو اخبار ربيعتج ساره .
ريم وهي قاعده على كرسي فهد : ماشاء الله الاخ حافظ اسمها .
فهد وهو يبتسم : ليش في احد يشوف جمال ربيعتج وما يحفظ شكلها واسمها .
ريم وهي مستغربه : والله يا اخوي صرت رومانسي بس لا تفكر فيها هي محجوزه .
فهد وهو مستغرب: محجوزه ليش سياره .
ريم : والله يا فهد بعد تعرف تنكت لا صدق ولد خالتها يباها بس بعده ما صارت خطوبه رسميه .
وفجاه رن موبايل ريم وكانت طبعا ساره المتصله .
ساره : الو ريماني
ريم وهي مبطله عيونها وتقول في خاطرها بلاها استخفت ساره : ايه ايه شو فيج انا اسمعج لا تصارخين .
ساره وهي ميته من الوناسه : ريماني واخيرا حلمي راح يتحقق.
ريم: شو لا تقولين قصدج خالد بيي .
ويوم فهد سمع اسم خالد صد صوب اخته ويشوفها بعصبيه .
ساره : هي هي اليوم بيون يخطبوني ريمان الله يخليج تعالي اليوم بيتنا انا محتاجتلج تعالي اوكي
ريم : افا عليج يالغاليه هذا مب بس احلى يوم عندج والله ان بعد احلى يوم عندي لان سعادتج من سعادتي
ساره وعيونها تدمع على كلام اعز انسانه : فديتج يا ريم الله لا يحرمني منج .
ريم ولا منج حبيبتي يالله انا الحين يا بيي بيتكم .
ساره : اترياج في امان الله .
وصكت ريم عن ساره وهي فرحانه وايد واستغرب طبعا اخوها عن فرحها المفاجئ.
فهد باستعجاب : ريم شو فيج ليش فرحانه هالكثر كانج حصلتي جائزه نوبل .
ريم وهي تضحك : اه يا اخوي اليوم يوم مميز عندي لان الغاليه ساره واخيرا بتاخذ اللي حلمت فيه ساره يا اخوي بتنخطب من ولد خالتها .
فهد يوم عرف ان ساره بتنخطب تغيرت ملامحه واتضايق وطلع على طول .
ريم : فهد فهد وين بتروح ؟
فهد وهو معصب : تذكرت شغله ضروريه
ريم استغربت من اخوها بس ما كان همها الا سعاده ساره.
وطبعا ساره فرحتها كانت غير راح لبست وكل شي لان اليوم يوم خطوبتنها من خالد .
وفجاه دخلت ريم وصارخت : ساروه حبيبتي مبروك مبروك الف مبروك
ساره وهي تحضن ربيعتها : الله يبارك فيج يا ريمان وعقبالج .
ريم وهي تسمح دموعها : تستاهلين
ساره : ليش هالدموع يا ريم ليش
ريم : دموع الفرحه يا الغاليه
ساره وهي تحضن ربيعتها : فديتج والله يا ريم عمري ما راح احصل مثلج.
--------------------------------------------------------------------------------
اما فهد وهو راكب السياره كان منقهر وايد بخطوبه ساره وهو مستغرب ليش هالاهتمام كله ويقول في خاطره : معقوله احبها معقوله بس كيف احبها وما شفتها غير مره . وكان يضرب يده في السكان ويقول ليش يا ساره انا مهتم فيج ليش؟؟؟؟
اما ساره فاتلبست احلى ما عندها ويابت الكوافيره وكانت مثل القمر صدق حلوه لبسها وشعرها ومكياجها كل شي.
واستوت حفله صغيره بمناسبه خطوبه ساره لخالد .
والكل كان مستانس وراح شغلو اغنيه وتمو البنات يرقصن والحريم يصفقون ويوم نزلت ساره الكل سكت وانبهر بجمال ساره والكل تم يطالعها .
ام ساره : ماشاء الله عليج يا بنتي الله يخلي شبابج .
ام خالد : والله ولدي اختار ملكه جمال .
وهند تشوفها باحتقار وميته من الغيره : أي جمال كله مكياج.
نوره : لا حبيبتي لا مكياج ولا شي اصلا ساره جمال رباني حبيبتي ماشاء الله عليها والغبي اللي يقول انها مب حلوه.
وتمت تشوف اختها هند من فوق لتحت يعني الكلام كانت قاصدتنها لهند.
وبعد ما خلصت الحفله والمعازيم راحو
خالد وهو يتصل على نوره اخته ويترجاها عشان يبى يدخل ويشوف ساره .
نوره بعد ما صكرت التلفون من عند اخوها : ساره ترى اخوي ذبحنا يبى يشوفج يمكن .
ابو خالد : كيف يشوفها شو ما يصير هذا مب محرمها بعده بس خطوبه بينهم .
ام خالد : معلي يا بوخالد خلا ايي يشوف خطيبته بس نحن بنكون وياهم بس دقايق يعني ...ثانيا اكيد ساره بتتغطا بشيلتها وعباتها وما اطلع الا ويها
نوره وهي ماسكه التلفون : يعني اتصل فيه واقوله ايي.
ام ساره : هي يا بنتي عاد ترى خالد مب غريب تراه ولد اختي يعني من الاهل
واتصلت نوره في خالد اللي شوي بيتخبل من الوناسه لان بيشوف ساره .
واول ما دخل سلم على خالته وامه وكان يدور على ساره .
ضحكت ام ساره : شو فيك يا خالد اقعد ساره الحين بتي .
ساره دخلت وهي طبعا متغطيه بس ويها ظاهر وهي مستحيه وماسكه ريم من الزياغ والخوف والتوتر .
.خالد يوم شاف ساره شوي صدق بيتينن من جمالها وهو كان قاعد بس يوم شافها وقف ومبطل عيونه .
وماعرف كيف يتكلم وهوقاعد يشوف عيون ساره : ساره اشحالج ؟
ساره مستحيه : هلا خالد بخير الله يعافيك وانت شو اخبارك ؟
خالد :يسرج الحال يا يا يا ساره .
والكل رجع بيته
وخالد كان طاير من الفرح علشان خطوبته من حبيبة العمر .وحتى ساره كانت فرحانه .
وبعد اسبوعين من خطوبتهم كانت السنه اليديده يعني الدواما ت بدت وقررت ساره انها تترك الجامعه لانها كانت بالسنه الاولى لانها بتزوج يعني صعب عليها تكمل 3 سنين وقررت انها تشتغل مع نوره في البنك واما هند فكانت في اخر سنه يعني الثانويه العامه وطبعا صديقتها منى كانت وياها .
بدت المدرسه وسلمت هند على البنات وراحت عند منى
هند : اه تصدقين الاجازه بسرعه خلصت .
منى وهي زعلانه : صدقج والله ما تهنينا بالاجازه ولا تعالي شو اخبار خطيبه اخوج .
هند وهي ماسكه شنطتها : لا تذكريني فيها روحي ما احبها
منى : ليش هي طيبه ما سوت شي ولا قولي تغارين
هند فرت الشنطه على كرسيها : حبيبتي ليش اغار انا واثقه في جمالي.
منى تريد تبدأ خطتها : انزين مب حرام هالجمال كله ومحد يشوفه يعني ما تتهنين .
هند تشوف منى بتعجب: شو قصدج ؟ ما فهمت ؟
منى وهي راحت عند هند وتمت تشوفها : حبيبتي أعتقد نسيتي السالفه اللي قلت لج من مده ؟
هند وهي تشوف ربيعتها بتعجب: أي سالفه ؟
منى : يوم قلت لج اني بعرفج على اخو ربيعي وحياتج بتكون غير صدقيني يا هند حياتج بتكون للاحلى راح تزووجين عن قصه حب وتتهنين بجمالج .
هند وهي متوتره : هها م ماعرف خايفه يا منى خايفه .
ويت منى ومسكت يد هند وبنظره خبث: لا تخافين انتي كلميه يوم واحد وبتشوفين .شو موافقه ؟
هند ساكته وتمت تفكر :_________
منى : ها شو قلتي موافقه .طيعيني يا هند .
هند بعد ما فكرت قالت : هي موافقه بس اذا ما عيبتني السالفه ما بكلمه
منى وبضحكه خبث وبؤم : لا حبيبتي ماراح تندمين خلاص راح اعطيج رقم الولهان اليوم .
هند وهي خايفه : خلاص خلاص اليوم اليوم بس يالله قومي نروح بنتأخر عن الصف من اول يوم.
وطبعا قدرت منى تقص وتتجذب على صديقتها الساذجه هند.
شو تتوقعون راح يصير بين ساره وخالد ؟
وهل فهد صدق يحب ساره ؟ وشو بيصير له ؟
وشو بيصير بين هند والشاب اللي بتكلمه ؟ وهل بتكون بينهم علاقه ؟

_ الجزء الخامس _
وكان اول يوم لشغل نوره وبنت خالتها ساره في البنك البريطاني وتوظفو لانهم عندهم مؤهلات كثيره والاكثر انهم ينطقون اللغه الانجليزيه .
ساره : اتصدقين ان اليوم اول يوم وصدق احس برهبه وخوف اول مره اتوظف.
نوره وهي ماسكه ملف بايدها : انا الصراحه ما حس بشي بالعكس فرحانه وايد .
نوره وهي تشوف ساره : بس مب حرام عليج كنتي في السنه الاولى بالجامعه وطلعتي ؟
ساره : لا حبيبتي ما اقدر ببقالي 3 سنوات وانا وخطيبي خالد بتفقين انا نتزوج بعد سنه تقريبا .
نوره باستهزاء وتعليق على كلام ساره : يالله خطيبي خالد .مب كأنه اخوي
ابتسمت ساره على كلامها .
اما هند بعد ماردت من المدرسه
هند : امايه امايه
ام خالد : نعم امي خير.
هند : يالله انا ميته من يوع وين الغده .
الام : صبري غناتي على اختج بعدها ما يت من الشغل
هند وبعصبيه : اف اف اف يعني لازم اتريه الانسه نوره لين تشرف .
الام : هي لازم تراها اختج وحتى خالد ما ياه .
هند : شوفي اذا ما يو اكثر عن عشر دقايق بروح اكل بروحي .
الام : على هواج وكيفج.
ساره ومعها نوره في السياره رادين بيوتهم من الشغل .
ساره وهي تسوق : شو رايج نوره نروح اليوم مع ريم نتشرى وبعدين نتعشى في ماكدونالدز.
هند : فكره حلوه بس بستأذن من امي واخوي اوكي.
ساره بدلع : اخوج ما بيقول شي اذا عرف انج ويايه حبيبتي .
هند : طبعا ست الحسن والجمال .
وبعد ما هند اتغدت اتصلت ربيعتها منى .
هند توها تبى ترقد ورن تلفونها .
هند ومنقهره منو يتصل بهالوقت : الو
منى : هلا والله شو هنود رقدتي .
هند : ليش تخلين حد يرقد . منى ابي ارقد اختصري
منى : انزين انزين كلتيني. اقول ما تبين رقم الحبيب ولا نسيتي .
هند وهي بتوتر وتصد تشوف الباب خايفه احد يسمع : عاد الله يهديج هذا وقته .
منى : ومتى عيل يالله انا بعطيج الرقم .
هند : شو تبيني انا تصل .
منى : لا يالغبيه بس خذي الرقم عشان يوم يتصل تعرفين ان هو شو في بخليه يتصل الساعه 6 اوكي
هند : لا ل اشوفي خلا يتصل الساعه 7 لان هالوقت نوره بتطلع ويا ساره
منى : اوكي خلاص يالله خذي الرقم *******
-----------------------------------------------------------------------------------
..وفي المساء ظهرت ساره ويا نوره وريم بمركز البستان عشان يتشرون ويروحون يتعشون .
نوره وهي تمر بين المحلات : الله يهديج يا ساره ما لقيتي الا البستان نتشرى من كثر المحلات .
ريم : هي صدقج نوره ما شي وايد محلات يا ساره .
ساره : ليش حبيبتي عندهم والله محلات حلوه صح ما عندهم وايد محلات بس عندهم بدل حلوه وبعد لان البستان مب زحمه مثل باقي المراكز .
نوره : مب زحمه لان اليوم السبت تعالي ايام الويك اند وشوفي الزحمه وبالذات الخميس.
وراحو طبعا يتشرون وبعد ما خلصو راحو تعشون في المركز نفسه .
ومحمد ربيع خالد كانوا في السياره .
خالد وهو يسوق: يا اخي ماعرف اليوم وين نطلع .
محمد : هي صدق ملل .
محمد وهو يشوف خالد : ولا تعال شو اخبار الحلوه ريم
خالد وبنظره يشوف محمد : وشو اللي ذكرك فيها الحين .
محمد اونه مستحي : لا بس الصراحه من زمان ما شفتها ولا اقول من شفتها ذيج المره وانا كله افكر فيها .
خالد : يعني الحب من اول نظره يالاخ .
محمد : هي صدقت .بس ماشاء الله عليها تدخل الخاطر وحلوه بعد .اتصدق خاطري اشوفها .
خالد فكر بفكره وشاف محمد بخبث وابتسامه عريضه : تعرف شو بحقق حلمك .
محمد وهي مستغرب: شو قصدك؟ شو بتسوي ?
خالد وهو واثق من عمره : اقولك خلا المهمه لي واصبر .
وفجأه خذ الموبايل واتصل في اخته نوره :
خالد : الوو نوروه
نوره وهي تبتسم وتغمز ساره :هلا بالخطيب الغالي .
ساره وهي تقرص نوره وتقولها بصوت واطي : بس فضحتينا .
خالد : نوروه وينكم ؟
نوره : نحن في مركز البستان قاعدين نبى نطلب عشاء.
خالد : وين بالضبط حددي.
وقالتله نوره الموقع بالضبط .
نوره : ليش يا اخوي شو بتخاوينا .
خالد وهو مستانس : هي اذا ما عندج مانع .
نوره : لا طبعا يا اخوي ما عندي مانع اكيد .
خالد : اصلا لو عندج مانع بعد بيي.
ضحكت نوره .
نوره وهي تبتسم : اوكي اخوي يالله نترياك.
ساره : شو تتريين منو ؟
نوره وهي تبتسم : حبيبتي الخطيب يبى يتعشى ويانا .
ريم وهي فاتحه عيونها : ها ا .. شو . شو يتعشى أي انا من الاهل . استحي .
نوره : سكتي سكتي شو تستحين عشره عمر ويا بعض .
ساره وهي مساكه ايد ريم :حبيبتي انتي من الاهل لا تنسين اني اعتبرج اختي .
ريم : بعد عمري والله يا ساره . بس ؟
نوره : لا بس ولا شي يالله خلا نطلب لنا .
خالد وهي مبتسم وفرحان وايد ويشوف محمد : ها يالغالي شوف حققت حلمك .
محمد وبنظره تعجب : شو السالفه أي حلم .
خالد : يالاهبل ما قلت انك تبى تشوف ريم خلاص بوديك عندها ونتعشى ويا بعض.
محمد وهو متوتر: ها شو انا ايه على كيفك . شو اتعشى وياهم ما تعرف اني استحي .
خالد يضرب على كتف محمد : ايه شو تستحي انت حرمه .
محمد : حرمه في ويهك .ولا قول انت اصلا الربحان في هالسالفه ضربت عصفورين بحجر .
خالد وهو يستعبط : ها ليش شو سويت انا .
محمد : اونك تبى تحقق حلمي عشان اشوف الريم وانت اصلا بعد تبى تشووف خطيبتك ساره .
خالد وهي مبتسم : ياا خي مثل ما قلت عصفورين بحجر.
وبعد ما وصل عند قوم ساره وريم ونوره .
خالد ويا محمد يايين صوبهم .
الريم كانت تشرب عصير ويوم شافت محمد غصت .
ساره تضرب على ظهرها : ايه شو فيج اول مره تشربين عصير فضحتينا .
ريم وهي تشوف محمد ومعصبه : ساره الله لا يبارك فيج انتي ما قلتي ان محمد ربيع خالد بيي.
ساره فجأه شافت محمد ويا خالد : وي وي خالد ياه.
ريم وتضرب عل ايد ساره : ساره ويعه . انا بحاله وانتي بحاله ثانيه اقولج محمد شو يايبنه انا خالد ويالله يالله وايي محمد .
نوره وهي مستغربه وتشوف الريم : وانتي شو عرفج في محمد يالريم.
ساره وهي تبتسم وتستهزئ: لازم تحفظ اسمه وشكله من هذاك اليوم نحن في المركز وهي كله تمدح فيه .
ريم : بس سكتي فضحتينا هم يايين صوبنا .
خالد وعيونه على ساره : السلام عليكم .
ساره منزله راسها ومستحيه : وعليكم السلام .
محمد وهو متوتر وخايف وعيونه على ريم : الس الس السلام عليكم .اشحالكم بنات
ساره وريم ونوره وعليكم السلام يا هلا .
نوره : تفضلو ليش واقفين؟
خالد وهو قعد علىالكرسي : دام فضلج يا اختي .
خالد وهو يمسك من دشداشه محمد : محمد بلاك واقف تعال ايلس .
محمد وتوه يبى ييلس: ها ان شاء الله .
وطبعا طول القعده محمد عيونه علىالريم وخالد اكيد عيونه ما فارقت ساره .
خالد وهو يكلم ساره : ها ساره شو اخبار الدوام ؟
ساره وبصوت رقيق: تمام الله يعافيك وناسه .
خالد :وناسه من اول يوم بس بعدين كله شغل على راسكم .
خالد وهو يكلم الريم : ها ريم وانتي شو التقنيه وياج .
الريم وهي مستحيه : تمام الحمد لله .
نوره وهي ترمس الريم في اذنها : بلاه العاشق محمد عيونه عليج .
الريم : سكتي سكتي مالج خص.
ساره : بلاكم عن شو تتكلمون .
خالد : اكيد يحشون فينا .
خالد وهو يشوف محمد : ولا انت شو رايك .
محمد : ها ا .. عن شو ؟
ساره تضحك : محمد مب داري عن دنيانا .
محمد يبتسم ويشوف الريم .
وهم قاعدين يتكلمون ويسولفون
ولا فجأه??
تتوقعون منو اللي دخل عليهم ؟؟؟؟
وهذا الجزء السادس لمجنون سارره والسابع
دخل فهد ويا ربيعه مروان وطبعا صدفه .
فهد : يالله يا مروان تعال نقعد تراني يوعان والله .
محمد : انزين ذبحتنا يوعان يوعان كأنا مب متعشي من سنه .
فهد وهو يدور على كرسي فاضي قعد ويا ربيعه محمد .
فهد وفجاه شاف ساره وتم يطالعها : ساره ساره هني .
مروان يدور : أي ساره شو السالفه .
فهد : ساره اللي جدامنا اللي لابسه ام شيله فيها فصوص ورديه .الاحلى وحده بينهم .
مروان وهو يدور على ساره : هي هاي اللي في وسط بنتين صح .
فهد : هي هي .
مروان وهي صد يشوف فهد : بس انت شو عرفك فيها ما دريت انك تكلم وتغازل .
فهد وهو يتنهد : اه يا مغازله زهاي يا محمد سحرتني وقسم بالله سحرتني خلتني لااعرف الليل من نهاره .
مروان وهو مستغرب: من وين تعرفها .
فهد : هي ربيعة اختي .
مروان : مدامك تحبها ليش ما تخطبها .
فهد وهو منقهر : لانها مخطوبه مخطوبه من ولد خالتها .
مروان : ها يعني راحت عليك يالحبيب.
فهد وبعصبيه : لا لا لا مستحيل تروح مني انا يا مروان اذا بغيبت شي احصل عليه سمعت ساره ما بتكون الا لي وبتشوف .
مروان خاف من عصبيه وكلام فهد : انزين انزين هدي شوي .
مروان وهو خايف على فهد من توتره : اقول فهود ليش ما نروح مكان ثاني نتعشى .
فهد :لا مابروح مكان ثاني انا ما صدقت شفتها عشان اتامل فيها ولا تعرف قوم قوم .
مروان وهي مستغرب ويشوف فهد : وين اقوم وين بنروح :
فهد يأشر على طاولتهم : بروح اسلم عليها .
مروان : انت ينيت ولا شو .
فهد : عادي اختي وياهم اوني بكلم اختي ومره وحده بسلم عليها اذا ما بتي انا بروحي بروح .
مروان : روح روح بروحك ما يخصني اخاف تسوي فلم هندي وظرابه .
فهد روح عند طاولتهم وقف وشاف بس ساره وشوي بياكلها بنظراته : السلام عليكم.
الريم وهي صدق فاتحه عيونها وفمها بعد : فهد شو يايبنك .
فهد بابتسمامه : ليش حرام اسلم يعني .
الريم : لا يا اخوي تفضل حياك .
ساره وهي تمت تشوف فهد وتشوف ان عيونه عليها شافته ونزلت راسها وخافت من ان خالد يلاحظ .
خالد : هلا فيك اخوي فهد تفضل.
فهد مستغرب منو هذيله : فهد تسلم اخوي دام فضلك .بس ما عرفنا من الاخ
الريم وهي مبتسمه : هذا الله يسلمك اخوي ولد خالة ساره وخطيبها بنفس الوقت .
من سمع فهد ان هذا خطيبها وشوي يبى يذبحه ولا النار بقلبه ما قدر يستحمل .
فهد وهو منقهر : يالله من رخصتكم .
الريم استغربت من ملامح اخوها : بحفظ الله ياخوي .
نوره وهي تكلم الريم بصوت واطي : الريم هذا اخوج .
الريم : هي ليش يشبهني .
نوره : أي يشبهج والله احلى منج .ماشاء الله عليه صدق وسيم اسمراني وعليه طول ولا عيونه كم تسوى .
الريم : لا بعد بس ناقص تكتبين له بيت شعر .
نوره : والله لو اعرف اكتب جان كتبت .
خالد : انتو أيه شو تتكلمون حشى احشمونا نحن قاعدين وياكم .
نوره بتوتر: ها ماشي بس قلت ان اخوها ما.. ما.. ما يشبها.
وخالد لاحظ نظرات فهد وانقهر وايد بس سكت .
-------------------------------------------------------------------------------------------------------
اما هند فكانت بروحها وتتريه مكالمه اخو ربيع منى بس صارت الساعه 9وما اتصل .
وفجأه رن موبايلها وشافت الرقم ولا هو رقمه .
هند بخوف كبير: الو
سالم اخو ربيع منى : الو مرحبا بناعم الصوت .
هند بتوتر وبرقه : م مم م م مراحب
سالم : هلا وغلا بهند شو اخبارج يالغاليه .
هند : تمام الله يعافيك
وتمت ساكته .
سالم : شو فيج ساكته .جنه هاي اول مره اتكلمين واحد صح .
هند : هي هي طبعا .
سالم وفي خاطره يقول (كل البنات يقولون نفس الكلام ) : اتصدقين انا بعد اول مره اكلم وحده
وطبعا جذب لان ما خلا وحده ما كلمها .
هند بخجل : صدق انا اول وحده
وسالم بمكر : طبعا انايوم قالتلي منى عنج وعن اخلاقج قلت خلاص هالبنت اللي اباها .
هند مستانسه حيل وسكتت .
سالم : الصراحه يا هند انا حبيتج .
هند وهي مستغربه : كيف حبيتني وانت ما شفتني ولا صارت دقايق الا مكلمين بعض.
سالم وبخبث: حبيبتي القلب اول ما سمع صوتج اختارج انتي وحبج .
هند :....................... .
سالم : وانا راح اعيشج بعز ودلال وراح تكون علاقتنا اجمل علاقه .
هند وهي مستانسه ومصدقه : صدق
يسالم : طبعا يا حبيبتي .
هند :حبيبتك .
سالم : هي الواحد يوم يحب الوحده باخلاص يسميها حبيبه وانتي اخذتي هاللقب .
هند مستانسه ومصدقه عمرها .
ولا فجاه نوره اختها يت وفتحت الباب .
هند من شافت اختها توترت وصقت التلفون في ويه سالم .
نوره واقفه عند الباب واستغربت حركه هند .
نوره وتشوف موبايل اختها .
نوره : هند شو فيج ليش اتوترتي يوم شفتيني .
هند بتوتر شديد وهي تلعب بيدها : ها ..ما شي . بس ربيعتي منى اتصلت وفجاه قطع الخط .. ا ا أ أ أ اكيد ما شي بطاريه في موبايلها . انزين نوره من رخصتج بروح عند امايه .
وطلعت هند وهي متوتره بس نوره لاحظت توترها واستغربت من الحركه .
الريم بعد ما وصلت البيت اخوها فهد كان يترياها .
الريم : السلام عليك اخوي .
فهد وهو معصب : وعليكم السلام هلا بالاخت شرفتي .
الريم مستغربه من عصبيه اخوها اول مره تشوفه بهالطريقه ...
الريم : هلا اخوي فهد خير ليش معصب؟
فهد وهو نازل من السلم : لا ليش اعصب وانتي طالعه ويا شباب ما اعرفهم .
الريم راحت عند اخوها : اخوي صدقني انا اصلا كنت رايحه ويا رباعتي بس فجأه خطيب ساره ياي وسلم علينا وقعدو ولا تنسى ان ربيع خالد يعتبرونه اخوهم لانه متربي وياهم .
فهد عصب يوم سمع خطيب ساره وبصريخ قال : لا تقولين خطيب ساره سمعتي لا تقولين.
الريم وهي مستغربه ورافعه حواجبها من التعجب: فهد شو فيك فهد انت مب طبيعي من كم يوم .
فهد وهو يرد على وراه : ليش مب طبيعي قولي مره وحده مينون.
الريم وهي تهدي اخوها : لا يا اخوي انا مب قصدي بس شو سالفتك ويا ساره .
والريم تمت تفكر وبصمت .
وفجاه الريم شافت اخوها وبتردد: لا ..لا يكون يا فهد تح ... تحب ساره ؟
فهد وهو ماسك يده وبنبره حزن : هيه هيه يا اختي احبها لا ما احبها اموت فيها انا مجنونها سمعتي وساره اوعدج انها ماراح تكون الا لي سمعتي لي .
الريم وقفت ولا قدرت تنطق بكلمه .
معقوله اخوها اللي عمره ما فكر بالحب والحين يوم حب يحب منو يحب ساره ساره المخطوبه .
وفهد راح على طول غرفته .
وفي اليوم الثاني راحو ساره ونوره الشغل كالعاده وهم قاعدين يردون على المكالمات ويرتبون الملفات فجأه دخل عليهم ريال واسمه : عبد الله .
نوره وهي مندمجه بشغلها .
عبد الله ياي صوبها : السلام عليكم اختي .
نوره رفعت راسها عشان تشوف منو اللي يكلمها : وعليكم السلام نعم اخوي خير.
عبد الله اندهش من ملامح نوره ورقتها وتم ساكت .
نوره استغربت من سكوته : نعم اخوي بغيت شي.
عبد الله وهو يشوف نوره : ها ..لا اختي.. قصدي هيه بغيت اقول اني بغيت مبلغ معين بس ماعرف ما طلعلي شي .
نوره : م اوكي يمكن تعطينا بطاقتك لو سمحت .
عبد الله : اكيد اختي افا عليج .تفضلي
نوره وهي ماسكه ورقه عبد الله : شوف اخوي الصراحه اعتقد في لخبطه في شي بس هذا مب تخصصي انا تقدر تروح على يمينك واسال الاخ جاسم هو يقدر يساعدك .
عبد الله بابتسامه ورقه : تسلمين اختي ما قصرتي .
نوره : الله يسلمك اخوي .
عبد الله راح بس في باله هالبنت صدق حلوه ورقيقه ماشاء الله عليها ومحترمه بعد .

هند في المدرسه وفي البريك أي الفسحه راحت ويا ربيعتها منى وهم قاعدين بالكافتيريا قاعدين ياكلون وقعدو على الكرسي .
منى وهي تشوف هند وتضحك :ها هند شو اخبار الحبيب العاشق .
هند خايفه : سكتي سكتي لا حد يسمعنا وتفضحينا .
منى : الله يخليج أي فضيحه المهم شو اخباره ان شاء الله فرحانه .
هند خلت الساندويش واندمجت في الرمسه وبرقه : تصدقين نحن علاقتنا من اسبوع بس احسه من سنه ما عرف تعلقت فيه وايد ويمكن اقولج اني ما اقدر يمر يوم عندي وما اسمع صوته( وبتنهد) ولا كلامه اه يا منى كلامه يسحر .
منى وهي تبتسم: ههه
ما قلت لج ما قلت لج طيعيني وما بتخسرين حبيبتي هذا يسمونه الحب الحب الحب.
هند وهي مستغربه : الحب معقوله حبيته باسبوع
منى : حبيبتي الحب ماله يوم ولا وقت .
هند وحاطه يدها على خدها : ايه يمكن الحب .
وطلعت هند صدق تحبه ولا تموت فيه اما طبعا حبيبها سالم ولا عمره حب احد هو اصلا هوايته يلعب على البنات ويقص عليهم .
اما فهد فهو صدق متعذب ويحب ساره اكثر من حياته ويقدر يضحي بعمره عشانها قاعد يفكر كيف يعترف لساره بحبه له كيف كيف وفجاه يتله فكره حلوه وهي انه يسجل صوته بخاطره من كلامه ويعبر عن حبه لساره ويعطيها الشريط وهي تسمعه وتعرف كل مشاعره
ونقز فهد من هالسرير وهو مستانس وايد من هالفكره اللي طرت على باله
اما نوره وساره وهم رادين البيت ولا فجأه السياره وقفت ويا الفضيحه .
ساره وهي منقهره : شو هذا شو هالفضيحه في وسط الشارع السياره تخترب علينا .
نوره هي تحاول تعرف شو سالفه السياره : تصدقين ماعرف شو سالفتها .
ساره : قلت لج بروح بسيارتي بس انتي عاندتي .
نوره : الحين اللي صار صار خلاص . ثانيا نحن تونا طالعين من الشغل يعني نقدر نرد عادي .
وتمت ساره تتحرطم اما نوره طلعت عشان تشوف سالفة السياره .
وفي الطريج طبعا طلع عبد الله من البنك وخلص اوراقه وهو يبى يروح فجاه شاف سياره واقفه وشاف بنت ويوم حدد النظر ولا يقول : هالبنت انا اعرفها شفتها توني
ووقف سيارته عند سيارتهم ونزل وراح عند نوره .
عبد الله وهو يكلم نوره : خير اختي شو صار ؟
نوره وهي منحرجه : والله ماعرف شو سالفه هالسياره .
عبد الله رفع كم يده وقال : يمكن اساعدكم اختي
نوره منزله راسها: اذا تقدر اخوي .
عبد الله مستانس ان يت هالفرصه : افا عليج اختي .
وراح يشوف السياره شو فيها . اما ساره قاعده في السياره وتتحرطم .ونوره واقفه عند عبد الله بس شوي بعيده عنه .
نوره : ها اخوي عرفت شو سالفة السياره.
عبد الله وهو يبتسم : هي اختي السالفه وما فيها ان السياره ما فيها ماي ولا يمهج انتي ادخلي داخل السياره وانا راح اييب الماي لان شيشة البترول جريبه من هني .
نوره : والله كلفنا عليك وايد اخوي .
عبد الله بحنيه : لا افا عليج اختي .
وبعد ما عبد الله ياب الماي وكل شي راح عند نوره
عبد الله : خلاص الحين تقدرين تتحركين اختي
نوره منزله راسها وتلعب باصابعها : تسلم اخوي ما قصرت واسمحلنا تعبناك ويانا.
عبد الله وهو يعدل غترته : افا عليج اختي ما سويت شي يالله روحي بحفظ الله .
نوره وهي راكبه السياره : بحفظ الرحمن ومع السلامه.
عبد الله : مع السلامه.
وبعد ما تحركت السياره وراحو ساره وهي تشوف نوره وتشوفها من طرف عينها .
ساره وهي تقلد رمسه وصوت نوره : تسلم اخوي ما قصرت .
نوره وهي مبتسمه ومستحيه : بسج عاد يا ساره من متى وانتي تعلقين شو فيج يعني حرام اشكر الريال .
ساره : لا ما اعلق بس اقول شو في ويهج محمر وانتي تكلمينه ولا اخاف الريال عايبنج.
ساره صدت صور ساره : ساروه يوزي عن هالرمسه لا تسويلنا مسلسل مكسيكي .
ساره : ههه احلى مسلسل مكيسكي
نوره : ههه حسبي الله على ابليسج.
هند بعد ماردت من المدرسه راحت وشافت موبايلها وفتحت موبايلها لانه كان مغلق وبعدين رن موبايلها واكيد المتصل سالم.رفعت هند الموبايل .
هند برقه : الو
سالم :يا هلا والله باللي اشتقت لها موت .
هند وهي تلعب على شعرها : هلا فيك .
سالم : ليش كله غالقه موبايلج.
هند : لاني كنت في المدرسه واول ما فتحته على طول اتصلت انت .
سالم بضحكه خبث: هههاي طبعا احساسي .
ودخلت نوره على غرفه هند وشافت هند وهي تتكلم تلفون .
نوره وهي تشوف اختها : السلام عليكم
هند توترت كالعاده : أي أي أي ... وعليكم السلام هلا نوره .
شافت نوره توتر اختها للمره الثانيه واستغربت من هالشي.
هند بتوتر ورعب : اقول منى منى راح اخليج الحين اوكي يالله باي .
نوره قعدت على الكرسي: توج يايه من المدرسه وكل الوقت تكونين ويا منى وبعد تكلمين منى الحين.
هند بتوتر : انزين شو فيها تراها ربيعتي واعز رباعتي بعد.
نوره : والله انا هالبنت ماعرف ليش ما ارتحالها .
هند : لا والله ليش شفتي عليها شي.
نوره وباسلوب جاد: لازم اتريه اشوف عليها شي بعديت اتكلم يعني .بس انا مب مرتاحتلها عندي احساس انها بنت حركات .
هند بعصبيه : والله انا ما يهمني ارتحتي لها ولا لا ء المهم مرتاحه لها وانتي اصلا من متى تهتمين فيه كل وقتج ويا الحبيبه ساره .
نوره : اولا ساره خطيبه اخوي وبنت خالتي ثانيا ساره احسن من هالي تكلمينها .
هند بصراخ : ايه ايه ما اسمح لج تتكلمين عن منى .
نوره وقفت وراحت وقبل ما تصك الباب
نوره : كلامي وياج ضايع اصلا .
هند انقهرت من كلام اختها ولين الحين تشوف منى انها ملاك مع ان منى اصلا عدوتها لان الربيعه اللي تنصح ربيعتها على الخراب والمعصيه تكون عدوه مب صديقه .
عبد الله كل تفكيره ويا نوره اللي لين الحين ما يعرف حتى اسمها دخلت خاطره من اول نظره وبعدين طلع ويا ربعه الستي سنتر .
وخالد طلع ويا هند ونوره سيتي سنتر عشان يتشرون .
وهناك شاف عبد الله خالد وراح يناديه :
عبد الله وهو ورى خالد: خالد خالد .
صد خالد وشاف عبد الله : هلا والله بعبد الله وينك يا ريال ما تنشاف .
واما هند ونوره راحو مكان ثاني عشان خالد يكلم ربيعه .
عبد الله : انت اللي وينك حشى من ايام الثانويه وانت ما تنشاف .
خالد : والله تعرف يا عبد الله مشاغل الدنيا
عبد الله : هي صدقت ولا انت شو اخبارك ها لا يكون تزوجت .
خالد وهي يبتسم : لا والله بعدني بس انا خاطب
عبد الله ماسك يدخالد : الف مبروك والله تستاهل بس عاد اعزمنا على عرسك خلنا نفرحلك .
خالد : افا عليك يا عبد الله فالك طيب.
عبد الله : يالله يا خالد نشوفك على خير .
خالد : ان شاء الله يالله مع السلامه .
راح خالد عند خواته وطبعا عبد الله وهو يشوف ربيعه فجأه شاف نوره .
عبد الله فاتح عيونه : هالبنت هالبنت هني بعد .اه يا الدنيا شو سالفتي كله اشوفها .
نوره ما انتبهت ان خالد يكلم عبد الله .
وساره وهي بحديقه الريم كانو قاعدين يسولفون ويضحون ودخل عليهم فهد وهو مار عندهم .
فهد وهو يشوف ساره : السلام عليكم
ساره والريم : وعليكم السلام
فهد : اشحالج يا ساره .
ساره : بخير الله يعافيك .
راح فهد شاف هالوقت احسن فرصه عشان يعطي ساره الشريط اللي معبر فيه عن حبه .
فهد وهو يايب الشريط: ساره يمكن تسمعين هالشريط .
ساره استغربت ومدت ايدها عشان تاخذ الشريط وشافت الشريط ماعليه اسم : شو هالشريط يا فهد .
فهد وهو يبتسم : هالشريط اهم شي بحياتي انتي اسمعي الشريط وبتعرفين .
ساره وهي مستغربه : خلا ص اوكي
ودخلت الشريط بشنطتها .اما ريم وهي تشوف اخوها وقلبها يدق وخايفه من اللي بيصير .
وبعد ماساره روحت راحت ريم بسرعه ادور على اخوها .
الريم : فهد فهاد وينك .
فهد : هني انا في الصاله .
الريم قعدت عند فهد : فهد شو هالشريط اللي عطيت حق ساره .
فهد صد صوب اخته : هالشريط يا الريم بيفهم ساره عن حبي لها واني اموت فيها واني ابيها تكون لي .
الريم قامت من مكانها شو فهد فهد انته شو سويت اه يا خوفي اخسر ساره .
فهد راح يهدي اخته : شو بلاج يا الريم انا بس بعترف لها اني احبها .
الريم : وهي طبعا مستحيل ترضى بهالشي لانها مخطوبه مخطوبه يا فهد وتحب ولد خالتها خالد من زمان .
فهد صد عن اخته وبعصبيه : قلت لج انا ما يخصني بهالكلام قلت لج واعيد لج ساره ما بتكون الا لي سمعتي .
وفهد راح ورفع راس اخته لانها كانت منزله راسها : الريم الريم انا موت في ساره والله احبها انتي لازم توقفين وياي يالريم .
الريم رفعت راسها وتمت تشوف فهد : ....بس....بس
فهد : لا بس ولا شي خلاص انتهت السالفه .وساره راح تكون لي باي طريقه .
اما ساره وهي راده البيت راحت وبدلت وكانت تقرى كتاب ولا فجأه تذكرت الشريط وراحت وطلعت الشريط من شنطتها وشغلته .ولا الشريط بصوت فهد.
في الشريط كان فهد يعبر عن حبه وهو يقول :
..خذيت القلب من دون استئذان ..
وخليتني هايم بحبك يا نبض قلبي
من أول نظره وانتي في بالي .
وما قدرت افكر الا فيج
الحين كيف اقدر اعيش من دونج
بعد ما خذتي قلبي
كيف اعيش من دونج
وانتي الروح اللي فيه..
حبيبتي لا تخليني
بعدك يعذبني ويزيد جروحي ..
محتاجلك يا نظر عيني
مقدر على بعدك يا عمري
تعال ريح قليبي
انا مجنونك مجنونك
وصرت الحين مجنون ساره
وساره بعد ما سمعت هالشريط ما قدرت تستوعب شي وقفت ووهي الف سؤال وسؤال في بالها وبعدين رن موبايلها وكان المتصل ..فهد.
ساره بتوتر : الو
ففهد : مساء الحب اللي ما اقدر اوصفه .
ساره بعصبيه : انت منو
فهد : هدي هدي انا فهد فهد يا ساره
ساره وهي ساكته .
فهد : سمعتي الشريط صح.
ساره بقهر : فهد من وين يبت رقمي .
فهد : الحين هاي من سالفتنا شو سمعتي الشريط
ساره : هي سمعته يمكن تفسر كلامك
فهد بحنيه : افا عليج ما طلبتي شي
انا باختصار يا ساره احبج واموت فيج والله ياساره انج سحرتيني ما اقدر اعيش من دونج ساره انا احتاجلج احتاجلج يا ساره....و ...
ساره تقطع كلامه : اذا نسيت يا فهد ولا ماتعرف اني مخطوبه يعني هالكلام ما ينفع .
فهد بعصبيه شديده : انا ما يهمني اللي يهمني بس انج تكونين لي .
ساره بصراخ : انت شو ما تفهم اقولك مخطوبه وانا مب لك اوكي انا لانسان غيرك وقلبي لخالد وبس . ويالله باي .
وصكرت الخط .
وفهد وهو معصب ومنقهر من كلام ساره وراح اتصل في ساره مره ثانيه .
ساره بعصبيه : فهد لا تتصل مره ثانيه بليز خلني .
فهد والدمعه بعيونه وبعصبيه : ساره بقولج شي انتي راح تكونون لي سمعتي ولا والله العظيم انج راح تندمين وانا اقدر على كل شي
ساره : يعني شو تهدد تقدر على شو .؟؟
فهد : اقدر اقدر يا ساره عشانج اقتل اعز ناسج
ساره سكتت وانصدمت يوم سمعت هالكلام .
فهد : ليش سكتي هي انا اقدر وبتشوفين .وباجر ببين لج هالكلام ما بخليج لين ما توافقين على زواجنا .
ساره : تحلم انا ما بكون لك .
وصكرت مره ثانيه الخط وتمت ساره تصيح وخايفه من اللي بيصير لها .
فهد كان جاد بكلامه لان عشان ساره عادي يسوي أي شي
وراحت ساره ومسكت التلفون واتصلت في ريم :
الريم : الو
ساره وهي تصيح :انتي ليش عطيتيه رقمي .
الريم بتعجب: عطيت منو ؟ والشو السالفه.
ساره : اخوج اتصل فيه وقعد يهدنني ويقولي انه يحبني
الريم مستغربه: اخوي اتصل .بس يا ساره لا تصيحين اخوي فهد ما قصد يجرحج بس هو يحبج .
ساره وهي تمسح دموعها : أي حب اللي بيخليه يقتل اعز ناسي هذا حب .
الريم استغربت من كلام فهد معقوله اخوها يذبح وتذكرت ان من بعد وفا امها فهد صار له مرض نفسي ويقدر يسو أي شي.
الريم : ساره طيعي اخوي لاني اخاف اخاف .......(بتردد)....... ينفذ تهديداته .
ساره بخوف : شو شو تقولين انتي
الريم : شوفي يا ساره اخوي انسان عادي مب مينون ولا شي بس هو يوم فقد امي صار له مرض نفسي لانه كان متعلق فيها وتعرفين المريض النفسي ما يحس فاللي يقوله احيانا ولا اللي يسويه.
ساره : يعني يعني معقوله ينفذ لا لا لا مستحيل مستحيل
تمت ساره تصيح وخايفه .
الريم : بس يا ساره بس .
ساره : الريم انا الحين بخليج يالله باي
وتمت ساره محتاره باللي يصير لها
فهد يهددها هل يا ترى بينفذ تهديداته.

_ الجزء الثامن _
بعد ما غلقت ساره التلفون من فهد كانت صج خايفه وايد من كلام فهد .وفي اليوم الثاني كان يوم الخميس يعني اجازه وكانت هند ويا نوره وامهم يالسيين يفطرون .
هند وهي تشرب العصير: واخيرا ياي يوم الخميس صج والله نوره حظج خلصتي من المدرسه والارف.
نوره : هي خلصت بس لا تنسين اني اداوم يعني بعد تعب وشي نشه الصبح .
هند : هي صح بس بعد مب مثل المدرسه مذاكره وامتحانات.
الام : الحين اللي تقولين انتي مقطعه الكتاب من المذاكره .
نوره : ههه
هند : هي ضحكو علي شو وراكم .اصلا انا اذاكر بس انتو ما تشوفوني .
نووره وهي تضحك على اختها : هي صح صح تذاكرين
وبعدين رن موبايل هند . وهند شافت الرقم وكان سالم بس هند ما ردت على اتصاله عشان ما تنفضح.
نوره وهي تشوف هند ومستغربه : هند ليش ما تردين على المتصل .
هند وهي مرتبكه : ها ...م .. مب متفجيه ارد الحين ابي اقعد وياكم .
نوره وهي رافعه حواجبها : غريبه مع انج تتخبلين يوم موبايلج يرن وعلى طول تردين.
هند : يعني شو ما ابي ارد خلاص .
نوره في خاطرها ( انا لازم اعرف شو سالفتج يا هند والله اني حاسه في شي).
هند لاحظت نظرات اختها نوره وصدق خافت .
اما ساره فكانت ليلتها صدق مخيفه من بعد اتصال فهد كانت خايفه وايد ورن موبايلها ولا هي الريم .
ساره : الو
الريم : هلا ساره اشحالج
ساره وهي تتنهد : اه أي حال مب بعد اخوج هذا .
الريم : طولي بالج يا ساره ما بيصير الا الخير .
ساره : الريم روحي كلمي اخوج اقنعيه دخيلج خلا يودرني ويخلني بحالي.
الريم : والله ماعرف شو اقولج اخوي هالايام عصبي واخاف اكلمه عن هالشي.
ساره : عفيه الريم بليز عشاني شوفي صج هو يوم هددني بينفذ تهديداته ولا بس تهديد عادي.
الريم : ههه والله تقولين فلم هندي
ساره وهي منقهره : والله أحر ما عندي أبرد ما عندج ابي اعرف انتي على شو تضحكين وانا صدق خايفه يالله ريم روحي عند اخوج اتريه اتصالج اوكي.
الريم : زين زين كلتيني خلاص بروح عنده والله يعيني منه .
راحت الريم عند اخوها فهد . ودخلت عليه غرفته .
الريم : احم احم اقدر ادخل .
فهد : تراج دخلتي خلاص بعد ليش تستأذنين.
الريم : ههه .اقول اخوي ما تبي تفطر.
فهد وهو زعلان : لا ما ابي
الريم : ليش اخوي خير شو فيك
فهد وهو يشوف اخته بطرف عينه : اكيد تعرفين شو فيه ريم بلا استعباط اكيد ساره خبرتج .
الريم وقلبها يدق وفي خاطرها ( وي وي انكشفت )
الريم يلست عند فهد : فهد انته من صدقك الحين تهدد ساره .
فهد قام من مكانه وعصب: ليش شو تتحريني ما اقدر اسويها .
الريم : لا مب قصدي بس تتحرى التهديد بييب نتيجه .
فهد وبصريخ : والله انا ما ابي اهددها ولا شي بس هي هي هي ما تباني فما اقدر الا اني اهددها بس والله يالريم راح انفذ تهديداتي اذا عاندت .
الريم خافت من عصبيه اخوها : زين زين اخوي هد اعصابك .
فهد : الريم اتصلي في ساره وقوليلها فرصه اخيره خلا تفكرولا صدق بنفذ اللي في راسي خلا اتي وياي بالطيب.
الريم : اخوي الله يهديك خلا ساره الحين .البنات متروسات في البلد.
فهد بنبره حزن : بس مب انا اللي اخترتها يا الريم قلبي اللي اختارها والله لو بايدي جان شلتها من تفكيري بس ما قدرت والله حاولت ما قدرت والله احبها بموت من دونها والله بموت بموت يالريم .
ودمعت عين فهد وراحت الريم ومسكت ايده .
الريم : بس يا اخوي عورت قلبي والله ما كنت اتوقع انك تحبها هالكثر.
فهد : والله لو اضحي بعمري عشانها جان ما ترددت .
الريم كانت مستغربه من كلام اخوها معقوله معقوله فهد هالكثر يحبها وراحت اتصلت في ساره .
ساره : ها بشري بشري شو سويتي .
الريم وهي متضايجه : ساره كلمت اخوي ويقولج هو ما يبي يهدد بس انتي معانده ساره فهد يباج .
ساره وهي معصبه : شو الحب غصب شو هذا اخوج ما يفهم اقولج روحي قوليله اني مب له ولا بكون له زين انا قلبي لخالد لخالد وبس وهو خلا يهدد اصلا انا ما همني شي .
الريم : زين ليش معصبه انا شو يخصني .
ساره : اسمحيلي يا الريم بس هذا اخوج يقهر والله عور راسي.
الريم : لا حاسه فيج الله يعينج ويعين اخوي اللي شكله بيتعذب .خلاص من رخصتج بروح عنده اوكي
ساره : اوكي الريم يالله باي.
راحت ريم عند فهد وهي ماتعرف كيف تواجهه.
فهد شاف الريم في الصاله وقاعده تتمشى .
فهد نزل من الدري: ها الريم شو قلتي لها .
الريم وهي تشوف اخوها وبتردد : ها..../م.. هي كلمتها ..بس بس بس .
فهد : بس عاندت صح معلي ياساره والله اراويج ما اكون انا فهد خليفه اذا ما خليتج تكونين لي .
الريم خايفه من تهديدات فهد : فهد فهد شو بتسوي .
فهد وهو طالع برع : بعدين بتعرفين .
الريم متضايجه وايد من اللي يصير في فهد .فهد عمره ماكان جذي وكله معصب .معقوله الحب يغيره .
اما هند بعد ما اقنعت امها انها تروح بيت منى بس طبعا هالمره بس عشان منى لا عشان سالم .
هند وهي تبوس امها : يالله امايه وافقي.
الام : بسج بسج ذبحتيني .
هند : ما بهدج لين ما تخليني اروح .يالله امايه بس ساعتين .
الام : م شوفي بخليج هالمره بس عاد مب كل يوم ولا طولين سمعتي .
هند وهي تحضن امها : فديتج امايه الله لا يحرمني منج.
نوره : شو السالفه وين بتروحين ؟
هند : بروح بيت منى .
نوره عفست ويها : هند بعدج ويا منى هاي .
نوره : هي بعدني ثانيا بلا ويهج تغير يوم سمعتي اسمها .المهم الحين ما ابي اتضارب وياج بروح اتلبس يالله باي .
ساره راحت تتلبس عشان تروح بيت خالتها .اما خالد فكان مستانس وايد لان ساره بتي بيتهم
---------------------------------------------------------------------------------------------
ساره وصلت بيت خالتهم وكان اول واحد في استقبالها خالد خطيبها .
ساره : السلام عليكم .
نوره وخالد وعليكم السلام يا هلا .
ساره راحت تسلم على نوره ويوم يت عند خالد نزلت راسها واستحت .
ساره وهي مستحيه : اشحالك ولد خالتي عساك بخير .
خالد وهو يشوفها : بخير بشوفتج يالغاليه .
نوره : ايه الحين بيبدون بحركاتهم يالله ساره تعالي قعدي شو بتمين واقفه .
ساره قعدت وعيون خالد كله عليها .
نوره وهي تسولف و فجاه تذكرت موقف وتمت ميته من الضحك .
ساره مستغربه من نوره : شو فيج تضحكين .
نوره وهي تشوف خالد وميته من الضحك " ههه ما اقدر ما اقدر .
خالد : ايه بلاج تشوفيني وتضحكين شو تشوفيني نكته .
نوره : ههه والله تذكرت تعرفين شو يا ساره .
ساره : كيف بعرف وانتي ميته من الضحك ولا ترمسين .
نوره : تذكرت يوم يبت طيطار تعرفين ان خالد ما يحب طيطار زين يبت له طيطار صناعي يعني جذبي وخليته في غرفته وطلعت ولا اشوف (وهي تضحك ) ولا اشوف هو يصارخ ويقول نعال وين نعال وانا قاعده اشوف من طرف الباب ولا اشوفه يايب النعال وقاعد يضرب في هالطيطار يتحراه صدقي ولا فجاه يشوف الطيطار ما يتحرك ولا يشرد اخر شي عرف انه جذبي.ههه.
خالد وهو يضحك : ههه الله يغربل بلسيج ذكرتيني والله تعرفيني ما احب الطيطار على الاقل أي حشره ثانيه او صرصور اهون عندي .
ساره وهي ميته من الضحك ":" ههه الله ياخذ بليسج والله عليج حركات يا نوره .
وبعدين رن موبايل خالد.وكان المتصل فهد فهد اخو الريم .
خالد : الو نعم
فهد: خالد شو اخبارك ؟
خالد وهي مستغرب من هالصوت : تمام الله يعافيك بس من وياي ؟
فهد : انا اسمي فهد وانت اصلا ما تعرفني بس بغيت بسالفه يا اخوي وسالفه ضروريه وايد
خالد مستغرب وفاتح عيونه : بس انا ما عرفك وثانيا ليش تباني ؟
فهد : ابيك بسالفه شو ليش متردد وايد شو بتي ولا ؟
خالد : خلاص اوكي بيي بس وين تباني اشوفك ؟
فهد : م شو رايك عالبحر الممزر هناك اوكي بالذات هالوقت هادي ومحد موجود وانا راح اتصل فيك عشان تعرف مكاني بالضبط اوكي .
خالد : خلاص اخوي نشوفك هناك .
خالد وقف من عالغنفه .
خالد : يالله عن اذنكم .
ساره : افا وين بتروح .
خالد : والله السموحه في واحد من الربع يباني ضروري بشوف شو يبى وبرد ان شاء الله اقول خلا بعض الناس ما يروحون .
ساره برقه : ما بيروحون لا تحاتي .
نوره : حشى حشى فاهمين بعض .
ساره : ساكته
خالد : اكيد طبعا فاهمين بعض في حد ما يفهم روحه (وغمز لساره )
ساره استحت وما قالت شي.
خالد : يالله مع السلامه .
ساره ونوره : بحفظ الله .
الريم وهي كانت تشوف تلفزيون شافت اخوها مستعيل وكان يركض وفجاه شي طاح من مخباته ويوم تشوف سجين .
الريم وهي خايفه : فهد ليش ماخذ السجين وياك فهد خير .
فهد هو توتر وايد : ها .......... ما شي .......يالله باي .
الرم خافت اول مره تشوف اخوها يمسك سجين وياه لا بعد السجين مبين عليه حاد وللمهمات الصعبه وتذكرت تهديداته وراحت اتصلت في ساره لانها كانت تحاتي خالد.
الري وهي خايفه : الو ساره .
ساره : هلا بالريم .
الريم : ساره وينج الحين .
ساره : انا في بيتكم خالتي ليش شو في خير؟
الريم : ساره وينه خالد .
ساره مستغربه ورافعه حواجبها : شو تبين فيه .
الريم شوي تبى تصيح : ساره الله يخليج قولي وين خالد.
ساره : شو فيج يالريم .خالد راح توه عند واحد من الربع .
الريم : ها ..لا يكون اممي.
ساره خافت : بللا ج الريم فهميني شو فيج .
الريم : ساره روحي اتصلي في خالد شوفي عند منو رايح لان لان (بتردد) لان فهد شفته راح مكان ومعصب واخاف ينفذ تهديده .
ساره قامت من مكانها :شو شو تقولين يا ويلي يا ويلي اذا صار هالكلام صدق خلاص يالريم بروح اتاكد من خالد يالله باي .
وراحت ساره تتصل في خالد عشان تتاكد .
ساره : الو خالد .
خالد وهو مستانس : يا هلا والله بالقلب والشوق كله .
ساره : خالد اقول انت وين رايح .
خالد ونظره تعجب بعيونه اول مره ساره تسال وين بيروح
خالد : بروح عند واحد .
ساره : ادري واحد عيل وحده بس يمكن اعرف من هذا .
خالد : ساره شو فيج حبيبتي اول مره تسالين هالسؤال .\
ساره : الله يخليك رد على سؤالي وبعدين بتعرف كل شي.
خالد : بروح عند واحد متصل فيه ماعرف شو يباني .
ساره وقلبها يدق : شو اسمه ؟
خالد : م اعتقد اسمه م شو ياربي هيه ... اسمه فهد .
ساره اول ما سمعت هالاسم تمت تصيح : فهد لا لا لا مستحيل .
ا ه .
خالد : شو فيج ساره
ساره : الله يخليك خالد لاتروح
خالد مستغرب من كلامها : ليش ساره شو صاير.
ساره وهي تصيح : بدون ماتعرف لا تروح اخاف يأذيك
خالد وهو يبتسم : لا تخافين علي ثانيا انا الحين بوصل
ساره : يعني مصمم .
خالد : هي قلت لج انا الحين واصل وبشوف شو يبى هالريال مني .
ساره وهي تمسح دموعها : زين انت وينك .
خالد : الحين بوصل بحر الممزر هناك بنلقي .
ساره : خلاص اوكي يالله باي
خالد مستغرب من اللي قاعد يصير في ساره : يالله باي .
ساره وهي خايفه وماتعرف شو تسوي .
ساره : نوره وين السايق؟
نوره موجود ليش وين بتروحين هالوقت .
ساره وهي تعدل شيلتها : يالله انا بروح تعالي وياي بروح بحر الممزر .
نوره : البحر شو تبين اخوي يذبحني ايه شو تخبلتي .
ساره وهي تسحب ايد نوره : مب وقت كلام انتي تعالي وياي وانا بفهمج كل شي بالسياره بس يالله تعالي .
وراحت ساره ونوره بحر الممزر عشان تلحق عاللي بيصير..

_ الجزء التاسع _
بعد ما اقنعت ساره نوره عشان يروحون للبحر المكان اللي فيه فهد وخالد . اما في هالوقت خالد وصل للبحر واتصل في فهد لانه رقمه ظهر في الموبايل اتصل في فهد .
خالد وهوفي السياره : ها اخوي فهد انا وصلت الحين انت وينك .
فهد وهو نازل من السياره : انا الحين عند السياره السوده اللي عليه رقم ****
خالد وهو يدور على سيارته : م لحظه خلني ادورها
فهد : هناك في الطرف ما حد غيري .
خالد وهو يدوره : هي شفتك مب عند اللي نازل من السياره ولابس قميص كحلي ويا بنطلون جينز اسود صح .
فهد " هي هي انا يالله تعال .
خالد :اوكي ياينك الحين .
راح خالد عند فهد وسلم عليه .
خالد وهو ماسك ايد فهد : يا هلا والله بفهد
فهد من غير نفس وكره لهالشخص اللي تحبه ساره : هلا فيك .
خالد : خير يا اخوي شو بغيت مني ؟
فهد نزل راسه وسكت بعدين رفع راسه وقال: شو يا خالد ابي اقولك شي واتمنى انك تفهمني وما تضايق من كلامي واعرف ان هالشي اللي بقوله صعب عليك بس اتمنى انك تفهم موقفي.
خالد وهو عاقد حواجبه ومستغرب من اللي بيقوله فهد : خير خوفتني .
فهد : الصراحه انا (بتردد) انا اعرف انك خاطب وتحب خطيبتك وبنت خالتك ساره وانا ( وهو يبلع ريجه) انا حبيت ساره قبل مااعرف انها مخطوبه و.
قطع كلامه خالد وهو معصب وماسك قميص فهد من صدره: ايه انت شو تقول شو مينون .
فهد وهو يشل ايد خالد من قميصه : اولا نحن اتفقنا بالتفاهم .
خالد وهو معصب وبصريخ: أي تفاهم تباني افرح وانا اسمع ان في واحد يحب خطيبتي وانزين افترضنا انك تحبها على قولتك خلاص عرفت انها انخطبت .
فهد بعصبيه / هي عرفت بس انا ابى اقولك انها دخلت خاطري وابيها .
خالد خلاص شوي يبى يضرب فهد : انت شو ما تفهم اقولك هي مخطوبه .
فهد : وشو يعني ابيك تفصخ خطوبتها ابيه تكون لي خالد افهمني ارجوك
خالد وخلاص اعصابه ثارت : لا والله تنكت تحلم تحلم اودرها .
فهد : خالد اعرف انك تحبها بس انا اموت فيها خالد والله بدونها بموت ما اقدر على بعدها .
خالد يدز فهد : ايه انت لا تحلم وايد تراك والله مب صاحي ساره ما بخليها لك ولا لغيرك زين يالله يالله روح روح فارج.
فهد عصب : انت ما اتي بالهداوه .
وبهالوقت وصلت ساره ويا نوره وهم متغشيات عشان محد يشوفهم ولان بروحهم وساره ادور خالد وبعد عناء لقته .
ساره وهي تاشر على خالد : نوره هذو اخوج يالله نروح.
نوره : شو نروح ويا واحد.
ساره : قلت لج السالفه هذا فهد ما غيره .يالله نروح اخاف فهد يسوي شي في خالد .
نوره وهي ماسكه قلبها : وي باسم الله على اخوي .
وراحت نوره ويا ساره صوب خالد وفهد بس شوي بعاد وهم متغشيات .
خالد بعصبيه : يالله عن اذنك بروح عنك .
فهد وهو يسمك جتف خالد : وين يالاخ بعدنا ما اتفقنا .
خالد يصد عن فهد : اتفقنا وقلت لك اللي عندي.
فهد وعيونه على خالد ومعصب على الاخر : يعني مصر. والله راح تندم .
خالد يشوفه من وفوق لتحت : انت قاعدتهددني ..هه هه يعني شو بتسوي .
فهد طلع السجين من مخباته : شو بسوي تعرف شو اتشوف هالسجين راح اطعنك واقسم بالله راح اطعنك اذا عاندت .
استغرب خالد من اللي يشوفه حس ان هو قاعد في فلم او هو يحلم : انت ايه انت شو فيك من صدقك والله انك تخبلطت .
فهد بعصبيه وهو ماسك السجينه : والله اتخبلطت ولا انا راح اخليك تندم .
خالد وهو مصعب : شو ف ما خوفتني زين .
فهد وهو متقرب من خالد وصدق يبى يطعنه .وخالد يمسك ايد فهد عشان يمنعه ان يأذيه .يت ساره وهي تصارخ وتصيح .
ساره وهي تصيح ويت صورهم : لا فهد الله يخليك خوز عن خالد فهد انت تيننت .
نوره وهي بعد تصيح : خالد خالد.
ساره راحت ومسكت ايد فهد لاول مره وهي تصيح : فهد الله يخليك لا تأذيه انت شو تيننت.
فهد حس باحساس غريب لاول مره ساره تلمسه : ساره انتي اللي خليتيني اسوي جذي وانا راح اذبحه عشان ما تكونين له .
ساره هدت ايده وهي تمسح دموعها : والله انك ذكي ويعني اذا ذبحته راح تدخل السجن .
فهد وهو يضحك باستهزاء: عادي ادخل بس المهم اعذبج واخليج تندمين بس اقولج اذا ما كنتي لي مارح تكونين لي غيري سمعتي .
وخالد استغل كلام فهد لساره . وراح دز فهد على الارض وفراه وخلاه على التراب .
فهد وهو يقوم من الطيحه : اه يالنذل .
خالد وهو معصب: شوف مب انت اللي تخوفني .
وهني قام فهد عشان يطعن خالد .
وحست ساره ان شي بيصير وراحت صارخت يا ناس ساعدوني الله يخليكم تعالو .
وهني سمعو الشباب الصوت وتيمعو وراحو يفرقون خالد وفهد عشان محد يأذي الثاني ..
وهني ساره ونوره راحو على طول السياره عشان محد يشوفهم لان فضيحه .
ساره وهي تمسج دموعها : والله كله مني ان االسبب في اللي يصير في خالد .
نوره تهدي ساره : لا يا ساره انتي مالج خص هذا فهد ماعرف شو صاارله بس تصدقين زين سوينا انا تغشينا ولا صدق فضيحه .
ساره وهي تشوف خالد وهو يهدد فهد وراح لسيارته .وفهد وهو بعد يههدد .واما ساره حست بتانيب الضمير على خالد .
وفي الدرب كله ساره قاعده تصيح باللي صار تحس كانه كابوس .
ونوره تهديها .
-------------------------------------------------------------------------------------
اما هند فراحت بيتكم منى ربيعتها عشان الاتفاقيه اللي هي انها تشوف سالم .
هند وهي تشوف ساعتها : وي هذا تاخر امي قالت ان السايق بعد شوي بيمر .
منى : هي والله ماعرف نحن قلناله البيت وكل شي ولا اخاف ضيع .
هند ماعرف والله .
منى : زين روحي اتصل فيه شوفيه ليش تاخر .
هند (بتردد) .ها ... اتصل .
منى : هي اتصلي شو فيج يالله بسرعه .
هند مسكت موبايلها عشان تتصل فيه .
هند : الو
سالم برقه صوت: هلا وغلا
هند : هلا فيك اقول شو وينك تاخرت بعد شوي بروح البيت .
سالم : لا لا شو تروحين انا الحين دقايق وعند بيت ربيعتج بس شوفي اول ما بيي بدق عليج عشان تطلعين يا قمر .
هند بخجل : والله استحي ماعرف .
سالم : ايه شو ما تعرفين انا ياي هالدرب كله واخر شي تستحين لا زم تطلعين ولا ازعل عليج .
هند : لا لا كله ولا زعلك
سالم : خلاص انا دقايق وواصل .
هند وقلبها يدق خايفه اول مره تمر بهالموقف.وبعد دقايق
ورن موبايل هند مره ثانيه :
سالم : هند تراني رع يالله .
هند بخوف وارتباك : ها....شو ...الحين
سالم : بلاج يالله بسرعه .
هند :شوف انا بطلع دقيقه وبدخل بسرعه اخاف احد يشوفني.
سالم بضحكه خبث: ههه يا ويلي عليج .اوكي معلي المهم اشوفج يالله حبي طلعي
هند : اوكي
هند وهي تلعب باصابعها وخايفه وويها محمر: منى خا خا خايفه ماعرف .
منى وهي ادز هند على برع : يالله خلي عنج الخوف طلعي شوفيه .
هند وهي ماسكه ايد منى : ليش ما بتطلعين وياي .
منى : لا طبعا شو يخصني انا يالله روحي .
منى بحزن : ليش تعالي انا استحي بروحي .
منى : انابس بوقف عند الباب يالله قبل ما امي اتي .
هند : ها اوكي خلاص بطلع .]
هند طلعت ووقفت عند الباب وهي حاطه صبعها في فمها من الحياء اما سالم فهو موقف عند باب بيتهم ومنزل الدريشه وحاط اغنيه لراشد الماجد هو ينتظر هند .وهند بعد تردد طلعت برع عند الباب وهي مستحيه ومنزله راسها .وما قدرت تشوف سالم
سالم وهو يشوف هند وبنره حلوه :هند تعالي حبيبتي ابي اعطيج شي.
هند رفعت راسها ولا تشوف سالم وقلبها يدق : ها شو .
سالم : تعالي قربي بعطيج شي.
هند بارتب
اك : لا لا اخاف احد يشوفني ما اقدر.
سالم : تعالي حبيبتي بسرعه خذي الهديه وروحي ياالله.
هند وهي تتقرب وتروح عند سياره سالم وقلبها يدق وخايفه وصلت عند الجامه وقفت ونزلت راسها وما قدرت ترفع راسها من الحياء.
سالم ابتسم وفي خاطره يقول( واخيرا خليتيني اشوفج لا بس طلعتي مزيونه وحليوه).
سالم : اشحالج حيببتي .
هند وهي مستحيه وبعدها منزله راسها :بخير الله يعافيك.
سالم :يالله عاد ارفعي راسج خليني اشوف الجمال .
هند ترفع راسها شوي شوي وتحط لاول مره عينها بعين سالم وتقول في خاطره (الله ماشاء الله عليه غاوي ).
سالم بابتسامه خبث: فديت هالعيون .
احمرت هند .
سالم خذ من سيارته هديه لهند ومد ايده عشان يعطيها :تفضلي هاي هديه بسيطه لاول لقاء بينا .
هند بخجل: ليش كلفت على عمرك انا ما بغيت هديه بس بغيت اشوفك .
سالم يبتسم : لا حبيبتي هاي هديه متواضعه يالله خذيها .
هند خذت الهديه وهي ما تقدر ترفع راسها : تسلم يا الغالي .والحين عن اذنك ما اقدر اوقف اكثراخاف أحد يشوفني .
سالم : اوكي حبيبتي اهم شي اني شفت هالجمال واخيرا ما بغيتي
تبتسم هند وقبل ما تروح التفتت عنده : تسلم يا سالم .
سالم يبتسم : تستاهلين كل الخير يا هند .
وهند بسرعه دخلت داخل البيت وقلبها يدق وحاطه راسها على الباب وماسكه الهديه بحضنها وفرحانه لانها شافت حبيبها.
منى يت عند هند : ها شفتي شو رايج فيه .
هند سرحانه ومستانسه .
منى تضرب على خد هند: ايه شو فيج شو سحرج الريال وراح.
هند : اه كان شوي وبيغمى علي والله لين الحين ارتجف.
منى وهي تضحك على هند : ههه لازم هاي اول مره .
هند :وي واخر مره بعد
منى وهي تسحب هند من ايدها : يالله تعالي داخل وقولي لي شو صار .
وطبعا قالت لها هند اللي تتوقع ان سالم يحبها وقالت لها شو صار بينهم .
منى واو صدق روعه انزين شو في الهديه
هند انتبهت على الهديه : اوه تصدقين نسيت افتحها .
منى سحبت الهديه : هاتيها انا بفتحها .
وفتحو الهديه وشافو دبدوب صغير حلو ماسك بيده عطر والعطر هو كوكو شانيل.
هند تشوف الهديه : الله هديته حلوه وبسيطه .
منى تشوف هند : ما قلت لج بتعيشين بسعاده .
هند : بس انا حبيته من ذاته مب عشان هداياه.
وبعدين راحت هند البيت وهي مستانسه وطايره من الفرح عاللي صار اليوم ولانها واخيرا شافت اللي تحبه .
اما ساره فراحت بيت خالتها يعني بيتكم نوره عشان تتريه خالد وتعتذر منه على اللي صار اليوم بينه وبين فهد.
ساره وهي تمشي في صاله ومتوتره : هذا خالد وينه شوفي الساعه الحين 10 ونص وبعده ما ياي .
نوره وهي تشوف ساعتها : هي والله تاخر .
وبعد دقايق دخل خالد وهو معصب على اللي صار له اليوم .
ساره شافت خالد واستحت ولا الدمعه في عيونها وبرقه :خالد خالد اسمحلي على اللي صار اليوم .
خالد اتنهد وراح صوب ساره : لا يا ساره الغلطه مب غلطتج بس ابي اسئل انتي من ويت تعرفين هذا فهد ووين شفتيه .
ساره وهي تمسح دموعها : فهد اخو الريم وانا مره كنت بيتهم وشفته .
خالد : وانتي تعرفين انه كان يحبج .
ساره استحت ونزلت راسها : هي بس بعد خطوبتنا هو قالي (ورفعت راسها ) بس والله والله ياخالد قلت له اني ما احبه واني خطيبتك وما بينا شي بس هذا ما يفهم .
خالد : معلي يا ساره خليه يولي ما يخصنا فيه .
ساره بنبره حزن : كيف ما يخصنا وكيف ارتاح وهو قاعد يهددنا واليوم شفت اللي صار والله اخاف يأذيك .
خالد :ما يقدر يسوي شي خلا عادي.
ساره : كيف ما يقدر هذا يا خالد مريض نفسي يعني ما يحس باللي يسويه .
خالد اتفاجئ بمرضه ورفع حاجبه : ششو مرض نفسي.
ساره : هي عشان جذي انا احاتي الحين كل ما بتطلع بكون خايفه .
خالد وهو يبتسم : يا سلام خايفه علي .
ساره بخجل: خالد عاد مب وقته .
خالد : لا تحاتين ياساره أي شي الله كاتبه راح يصير بس انتي هدي اعصابج .
نوره راحت عند ساره وتحاول تهديها : بس يا ساره لا تعذبين عمرج .
ساره : ما اقدر ما اقدر بعد اليوم صرت خايفه وايد .
نوره : يالله خلاص انسي السالفه .
وبعدين ساره راحت البيت وهي تفكيرها في اللي صار اليوم وكانت تحاتي على خالد .
اما فهد فرد البيت معصب وهو يسب ويهدد .شافته الريم وخافت وايد اول مره تشوف اخوها بحاله وما قدرت تكلمه لانها صدق خافت من عصبيته ومن شكله .
وساره وهي حاطه راسها تبى تنام .اتصل فيها فهد .
ساره ماكانت تبى ترد بس قالت خلا اشوف شو يبى .
ساره : الو
فهد وهو معصب وبصريخ : ساره شفتي اليوم اللي صار وهذا اول تهديد لا والله والله يا ساره ما اخليج تتهنين تعرفين عادي عندي اسوي أي شي سمعتي أي شي.
ساره ترد عليه بعصيه : شوف تهديدك ما ينفع .
فهد : والله زين اول شي بنتقملج من اللي تحبينهم واولهم خالد وما تعرفين اذا .............وسكت .
ساره : اذا شو .
فهد بضحكه خبث: اذا الثانيه كانت حبيبتج امج
ساره بهالوقت حست انها صدق بتموت كل شي ولا امها هي الوحيده اللي تمت لها .
ساره بصريخ والدمعه بعيونها : انت انسان مريض مريض .
فهد بنبره حزن : والله اني مب مريض بس انا احبج واسوي المستحيل عشانج بس انتي ما تفهمين هالشي.
ساره وهي تصيح / تحبني ههه ضحكتني أي حب هذا اللي يخليك تدمرني وتعذبني .
فهد : اعرف اني اعذبج بس انتي بعد تعذبيني .ساره انا ابيج لي ساره احتاج لج .
ساره وهي معصبه : وانا ما احبك ولا احب اشوف شكلك ولا تهمني زين ولا تتصل مره ثانيه .
وصكرت الخط على ويهه .
اما ساره فمسكت الوساده وهي تصيح وخافت من تهديداته هالمره اكثر بالذات لانه هددها بامها اللي هي اغلى ما عندها .
اما فهد فعصب واايد يوم سمع ساره تقوله انها ما تحبه وصارتله نوبه عصبيه وفر التلفون ومسك راسه وهو يدمع على اللي قالت له .
فهد والدمعه بعوينه : ليش يا ساره ما تفهمين اني احبج والله ما اقدر على بعدج ساره احبج احبج .

_ الجزء العاشر _
بعد مكالمة ساره لفهد .فهد تضايق وايد من كلام ساره الجارح وصارت له نوبه عصبيه وتم بغرفته .وريم خافت على اخوها اللي لين الصببح وهو بعده في الغرفه .
وبعدين نزل فهد وراح الصاله وراح يلس على الغنفه واتصل في صديقه مروان .وكانت الريم قاعده عنده .
فهد وهو قاعد يتصل في مروان .
فهد بصوت كله حزن : الو مرحبا
مروان : يا هلا والله باللي مطنشني من زمان .
فهد ونبره صوته كلها حزن : هلا فيك مروان .
مروان حس ان فهد في شي لان متعود دايما فهد يضحك ويسولف : فهد شو فيك صوتك ما عايبني اليوم ؟
فهد : اه يا مروان والله تعبان والله .
اول ما سمعت الريم ان اخوها تعبان شافته بنظره حزن على اخوها وتمت صاده تشوفه
مروان خاف على صديقه وايد : خير شو فيك .
فهد : مروان انا الحين ياينك عشان ابي اطلع بس مب قادر اكثر .
مروان : افا عليك يالحبيب انته بس تامر خلاص انت الحين مروبحاول اخفف عنك .
فهد وهو يتنهد : اه محد يقدر يخفف عني اللي فيه يا مروان .
مروان : والله خوفتني يا فهد يالله انزين بسرعه مر اوكي .
الريم راحت عند فهد ومسكت ايده ونبرة صوتها حزن
.
الريم : فهد انت صدق متعذب يا فهد
فهد يشوف الريم ومنزل راسه : اه يا الريم محد يحس اللي فيه تخيلي يا الريم تحبين شخص وتموتين فيه واخر شي تعرفين ان هالشخص ماراح يكون لج او انه لغيرج والله صعب .
الريم : بس انت يا خوي ما صارت لك كم يوم وحبيتها .
فهد بابستمامه حزن: الحب يالريم ما يعرف الايام ولا الساعات يا ما ناس كانو ويا حبايبهم بس ما قدرو انهم يحبونهم .يا الريم القلب اللي يختار والقلب اختارها هي هي .
الريم تمسح على شعر فهد : اه يالدنيا يا فهد شو سوت فيك .زين يا فهد حاول تنساها حاول يمكن تقدر.
فهد يشوفها بعصبيه : الريم شو تقولين انا انساها في احد ينسى روحه يا الريم ساره مب بس حبيبتي لا هي روحي وحياتي .ابي اسئلج في احد يقدر يعيش بدون قلب ؟
الريم : طبعا لا يا اخوي
فهد : عيل كيف تبيني انا اعيش.يا الريم ساره هي نبض قلبي وما اقدر بدونها يمكن صعب عليج تفهمين بس اسئلي أي عاشق صدق يحب محبوبته هل يقدر يتخلى عنها او شو راح يكون مصيره اذا شاف اللي يحبها ويحلم فيها تروح عنه .وهو بيجاوب عليج .
الريم سكتت ماعرفت شو ترد على كلام اخوها
فهد يمسك ايد الريم : يالريم يوم بتحبين بتعرفين كلامي صح وبتعرفين ان اصعب شي العاشق يتخلى عن اللي اختاره قلبه.
وراح فهد من عند الريم وراح عند ربيعه مروان .اما الريم فكانت مستغربه من كلام اخوها وقلبها متقطع على اخوها اللي يحب ساره بجنون وبنفس الوقت قلبها يتقطع على ساره وخالد لان بعد خالد ماله خص باللي يصير .
اما هند فكانت بعدها مع سالم والاتصالات اللي كثرت بينهم والمسجات هند صارت تحب سالم وايد وصارت متمسكه فيه .اما نوره فكانت شاكه في هند بس تبى تتاكد اكثر بدليل مقنع .
ومره راحت هند تسبح وخلت موبايلها في الغرفه ونوره كانت حاطه راسها على الكرسي ومستلقيه وبعدين رن موبايل هند وراحت نوره عشان تشوف منو المتصل وشافت رقم غريب واستغربت
وقالت:بشل وبشوف منو صاحب هالرقم .
نوره : الو
سالم هو كان يتوقع ان اللي ردت عليه هند : هلا بالحبيبه اللي ما اقدر اعيش بدونها.
نوره استغربت وفتحت عيونها وماعرفت شو تقول وتمت ساكته ومعصبه بس قالت يمكن الريال غلطان بالرقم .
سالم استغرب من السكوت : الو هند حبيبتي شو فيج ليش ما تردين علي .
نوره : تاكدت ان المتصل مب غلطان المتصل يبى هند.
وصكت نوره التلفون ومسكت الموبايل وهي معصبه وغلقته واتريت هند تطلع من الحمام عشان تتفاهم وياها .
هند طلعت من الحمام وقاعد تغني وتنشف شعرها من الماي .
هند تغني : الله لا يحرمني منك ومن حلاك ومن دلاك ....م.لا لا لاللا لا
ونوره تشوفها ومعصبه : زين خلصتي ما بغيتي
هند سكتت تمت تشوف العصبيه بعيون نوره اول مره تشوف اختها معصبه مثل هاليوم .
هند : شو فيج بلاج ليش معصبه .
نروه راحت عند هند وهي معصبه وتشوفها باحتقار : لا ليش اعصب مدام اختي اللي ما تسوي شي غلط وحرام وعيب ليش اعصب.
هند تمت تشوف نوره بتعجب : بلاج شو سويت وضحي .
نوره ماسكه موبايل هند وراوت هند موبايلها .
هند شافت موبايلها وخافت وتمت تشوف الموبايل ومنزله راسها .
نوره بعصبيه وصريخ : هند ما توقعت منج يا هند انتي انتي على اخر زمن بتين تفضحينا .
هند بتوتر : شو ..ش...ِش...شو سويت .
راحت نوره تمسك شعر هند وتصارخ عليها : هند لا تستهبلين علي تعرفين شو سويتي على اخر زمن يا هند تغازلين .اخرتها يا هند ترمسين واحد يا هند .
هند نزلت راسها وتوترت وكانت تتمنى لو الارض تنشق وتبلعا من هالموقف.
هند والدمعه بعيونها وصوتها كله خوف : انتي اكيد غلطانه .
نوره : لا صدق.هند يوم كنتي تسبحين اتصل فيج واحد .
هند : اكيد غلطان مب انا انتي شو على طول تشكين .
نوره : هي يمكن غلطان بس يوم الريال يقول هند يعني ينادي باسمج يا هند اعتقد ما يكون غلطان هويعرفج وانتي تعرفينه وانا تاكدت .اعترفي يا هند قبل ما افضحج..
انهارت هند وتمت تصيح ويلست على الارض : نوره الله يخليج لا تخبرين خالد والله بيذبحني .
نوره : يوم تعرفين ان بيذبحج ليش عيل كلمتيه
هند وهي تمسح دموعها وتشوف نوره : والله يا هند انا ما اكلم غيره بس انا احبه وهو بعد يحبني وصدقيني بيي وبيتزوجني .
نوره ضحكت باستكار:: ههه
ضحكتيني يا هند بيتزوج اولا الشاب يوم يكلم وحده يقص عليها ويكون مكلم الف وحده غيرها ويقص عليها بالزواج عشان ياخذ اللي يباه وبعد ما يصل االي في باله يودرها ويتركها مثل الكلاب بس بعد شو بعد ما يدمر البنت ويخرب سمعتها .
هند قامت : لا لا لا هو غير هو حلف انه بيتقدم لي .
نوره : يوم يبى يتقدم ليش ما ايي ويتقدم لج مثل الناس .
هند : هو قال بيتعرف علي اكثر بعدين بيي.
نروه : انتي تستهبلين ولا شو الريال المحترم اللي يبى يتقدم ويتزوج ايي مع اهله ويتقدم من الباب مب من المغازله ومن التلفون .
هند : والله والله هو قال انه بيتزوجني ثانيا مب كل الشباب نفس الشي.وايد سمعنا عن ناس تزوجو عن طريق المغازله
نوره قعدت على الكرسي وخفت من عصبيتها .: هند صح كلامج في ناس تزوجو عن طريق المغازله بس صدقيني 1 بالميه من هالناس عايشين بسعاده. اولا الشاب ما يتزوج من اللي يكلمها لانه ما يرضى تكون زوجه له وام صالحه لانها خانت اهلها فهو خايف انها تخونه .ثانيا اذا الشاب خذ اللي يكلمها صدقيني ان حياتهم ما بتستمر وحياتهم كلها في شك ومشاكل لانه اذا الشي بدأ بالحرام فنهايته بتكون حزينه ومدمره .
هند : ليش سويت شي حرام .
نوره : شو فيج انتي اليوم مب على بعضج .يعني بذمتج يوم الوحده تكلم واحد غريب وتتغزل فيه بدون ما يكون زوجها ما يكون حرام.
هند : ساكته
نوره : والشاب يا اختي اذا اتزوج وحده مكلمنها عن طريق المغازله الشك راح ما يفارقه لانه بيقول مدام هي كلمتني من قبل ومن وراء اهلها فاكيد بتعيدها مره ثانيه وهني الشك والغيره بقلبه لين ما يطلقون .
هند : لا لا انا غير.سالم سالم يحبني يحبني والله
نوره عصبت مره ثانيه : شو انتي ما تفهمين يا هند.شوفي يا هند يا تقولين حق ا%e
1لي تكلمنيه ان
ايي ويتقدم لج او انج تتركينه والله اذا ما تركتيه راح اخبر عليج خالد وخالد اذا عرف والله ما بيخليج حيه .
وقبل ما تروح نوره صدت لهند
نوره : تعالي انتي من وين عرفتي رقمه ؟
هند نزلت راسها وكانت متوتره .
نوره راحت عندها وعصبت : قولي قولي من وين بسرعه ولا بتشوفين شي ما شفتيه .
هند بتوتر وخوف : من ...من .م...من منى
نوره : ماشاء الله هالصديقه المثاليه اللي دافعتي عنها قلت لج ان هالبنت حركات وانها بتخربج بس ما صدقتي .
هند : بس هي ما خربتني هي تباني اتزوج بسعاده .
نوره : تضحك باستهزاء: هههاي تتزوجين بسعاده يوم هي تعرف اتيب السعاده جان اتزوجت هي قبلج .
هند : سساكته
نوره : شوفي يا هند انا لاني اختج واعزج وما احب المشاكل اقولج روحي كلميه وقوليله ان يتزوجج او يتركج ثانيا هاي منى ما ابيج تتعرفين عليها سمعتي واذا شفتج وياها يا ويلج .
وراحت نوره من غرفه هند وهي معصبه
.اما هند فتمت تصيح على اللي صار بس هي بعدها مصره ان سالم يحبها وان حياتها بتكون سعيده وياه.
-------------------------------------------------------------------------------------------
اما فهد راح عند مروان ونزلو على مطعم عشان يتغدون.
بس فهد تم طول الوقت زعلان وسرحان .
مروان قاعد يشوف قايمه الطعام عشان يتغدى .
مروان: م ما عرف شو اطلب فهد شو بتطلب.
فهد سرحان وزعلان وهو ولا في الدنيا .
مروان تم يشوف فهد : فهد فهد وين سرحت .
فهد :هها ..انا وياك .
مروان : أي وياي انت باخر حلم .
فهد : شو تبى يا مروان .
مروان : اقولك شوبتتطلب ؟ .
فهد بنبره حزن : ما ابي شي .
مروان متعجب: شو م تبي شي انت يايبني هني عيل ليش مب عشان نتغدى ولا ياي بس عاشن تشوف الاكل وتروح .
فهد : مروان والله ما ابي شي انت اتغده وانا بس بشرب عصير زين .
مروان حط قايمه الطعام من ايده وشاف فهد وبجديه .
مروان: فهد شو فيك ؟ انت السياره وانت ساكت وحزين ولا طايع تقولي شو فيك .
فهد تم ساكت .
مروان : قولي يا اخوي يمكن ترتاح او يمكن اساعدك.
فهد : ياريت احد يقدر يساعدني .مروان بقولك (بحزن ) تذكر يوم قلت لك عن وحده اموت فيها يوم في المطعم قلت لك اني احبها .
مروان : هي هي تذكرت يوم كانت في المطعم ويا رباعتها وانت رحت سلمت عليهم
فهد : هي هالبنت اللي حبيتها صدق مخطوبه .
مروان : زين انت كنت تعرف هالشي صح .
فهد : هي اعرف بس حاولت اني انساها بس ما قدرت والله ما قدرت .
مروان : الله يهديك يا فهد البنت خلاص مخطوبه يعني دور على غيرها .
فهد بعصبيه : انت شو تقول شو هو سياره ادور غيرها شو تتحرى اللي يحب بسرعه يقدر ينسى .
مروان : زين زين هد اعصابك فضحتنا الله يهديك ترانا في المطعم.
فهد : ما ادري عنك .
مروان : زين ليش ما صارحتها وقلت لها .
فهد : قلت لها بس هي عاندت وقالت انها تحب خطيبها خالد (فهد مسك السكين ) والله اني ما كرهت انسان مثل ما اكره خالد.
مروان شاف الغضب بعيون فهد لاول مره وشاف السجين
مروان : فهد هد اعصابك ان شاء الله اقدر اساعدك .
فهد : شو بتسوي .
مروان : يمكن تعطيني رقم تلفونها اذا عندك .
فهد فاتح عيونه : ايه شو تخبلت شو تبى فيها .
مروان : شو يعني بغازلها عشان تذبحني لا يا اخوي ابي اتفاهم وياها واوضح لها يمكن اقدر افهمها
فهد : لا لا ما تقدر هي عنيده .وصعب انك تكلمها تراها صعبه
مروان : افا ليش ما تثق فيه ثانيا تعرفني عدل وانا مثل اخوك
فهد : افا يالحبيب تعرف اني ما اثق في تحد كثرك بس صعبه اني اعطيك رقمها هي شو بتقول عني بتقول عني اذا عطيتك رقمها ؟
مروان : انت عطني وانا بحاول اوضحه لها
كله عشانك ولا اشوفك زعلا ن يا فهد ترى حالتك ما تسر ولا تسعد حتى العدو .
فهد وافق على اقتراحه لانه يبى احد يحاول يقنع ساره باي طريقه .
خالد مستانس وراح يدور اخته نوره ويناديها بكل مكان وبصريخ .
وكانت ام خالد قاعده في الصاله وتشوف خالد يصارخ : ايه يا خالد ما شي سلام حق امك .
خالد صد صوب امه وراح يبوس راسها : فيدتج امايه لا والله ما انتبهت عليج .
الام : ش تشوفني قد النمله ما شفتني .
خالد يبتسم : لا امي فديتج لج الحشيمه بس لاني فرحان ومستانس .
الام : ان شا ءالله دوم مب يوم بس ليش يا ولدي
خالد وهو يغمز لامه :الحين بتعرفين شو سبب هالفرحه بس خلا هاي بنتج اتي
الام : نوره قصدك صح .
خالد : هي ما غيرها
خالد : ما ادري وينها هالبنت بسسير ادورها
خالد: نوروره وينج نوره ؟
.
نوره كانت في الغرفه بس من صوت خالد العالي نزلت تشوف شو فيه .
خالد : نوره وينج.
نوره وهي نازله من الدري: ايه ايه شو فيك حشى شو الحشره انا هني .
خالد : الحمد لله على السلامه ما بغيتي اتين صوتي راح من كثر ما اناديج.
نوره : شو تبى الحين حشرتني
تعالي تعالي ابي اقولج شي.
نوره نزلت من الدري ومستغربه : شو خير.
خالد سحب ايد نوره : تعالي قعدي بقولج السالفه .
نوره قعدت عند خالد عالكرسي: يالله يلسنا خير شو عندك
الام :يالله يا ولدي حيرتني انا بعد شو فيك مستانس
خالد يبتسم ويشوف نوره : م كيف ابتدي .
نوره تشوف خالد بتعجب :خالد حيرتني قول شو فيك ليش تبتسم .
خالد : في واحد تقدم لج ويبى يخطبج .
نوره استغربت واتفاجات واستحت .
الام : والله
خالد : هي والله بس هالريال ما يتفوت
نوره من الخجل : شو ..ما ابي اتزوج انا بعدني صغيره
الام : يا بنتي تعرفين يوم كنتي بالثانويه رفضتي وايد عشان المدرسه الحين ما عندج شي ابي افرح فيكم يا عيالي
نوره : ساكته
خالد : أي صغيره انتي الحين 20 سنه يعني مب صغيره .
والريال يا نوره ما يتعوض صدقيني ما بتحصلين احسن منه وهو ربيعي من ايام المدرسه .
نوره بخجل : ما ادري .
الام : زين يا ولدي هوشو اسمه وولد منو ؟
خالد : هو يا أمايه اسمه عبد الله الشامسي
نوره اول ما سمعت الاسم استغربت : عبد الله الشامسي.
خالد : هي عبد الله الشامسي وهو ماشاء الله عليه وسيم وطيب وما عليه قصور
الام : زين يا خالد و هوشو عرفه في اختك
خالد : ما دري يا مايه تعرفين دبي صغيره ويمكن الريال يبى يناسبنا
نوره في خارطها تقول ( انا وين سمعت هالاسم ياربي عبد الله الشامسي وين وين )
خالد يصد لنوره : ها نوره شو قلتي
نوره بخجل :وانت ليش متحمس وايد كل ما حد يتقدم لي كنت مب متحمس وتقول كيفكم شو فيك هالمره .
خالد : لانه ربيعي اقولج وسمعته طيبه والله ما يتعوض .
الام : خلاص يا بنتي انتي فكري على راحتج
نوره استحت وراحت غرفتها .
وراحت اتصلت في ساره .
ساره كانت متضايقه بعدها عشان سالفه فهد وخالد.
ساره : الو
نوره : ساروه عندي لج خبر
ساره : خير شو
نوره في واحد تقدملي
ساره :زين ليش هاي مب اول مره شخص يتقدم لج بس انتي دومج ترفضين
نوره : بس هالمره غير الريال ربيع خالد .بس اتصدقين احس اني اعرفه اسمه مب غريب
ساره : شو اسمه ؟
نوره : اسمه عبد الله الشامسي .
سكت ساره وتمت تذكر وين سمعت هالاسم .
ساره : هيه عرفته لا يكون (وتمت تضحك).
نوره مستغربه من رد ساره : ايه شو فيج شو عرفتيه ؟
ساره : هي اعتقد هذا عبد الله اللي شفناه ؟
نوره : وين ؟
ساره : تذكرين يوم سيارتنه اختربت في شاب عدل سيارتنا وكان يشوفج وايد وانتي بعد كنتي معجبه فيه تذكرين .
نوره : هيه اتذكرته بس منو قال اسمه عبد الله .
ساره : شو فيج وايد تنسين هو قبل ما يروح قال اسمه عبد الله الشامسي .
نوره تذكرت :هي صح حتى يوم ياب ورقه عشان البنك شفت اسمه .بس يمكن مب هو
ساره : ماعرف والله بس يمكن يطلع هو شافج وعجبتيه وتقدم لج .
نوره : ليش محد اسمه عبد الله الشامسي غيره
ساره : مادري احساسي يقول ان هو
نوره في خاطرها تقول(يا ريت يطلع هو)لانها صدق كانت معجبه فيه.
ساره : أيه وين سرحتي
نوره : ها ....... ولا مكان
ساره : الحين شو بتوافقين .
نوره : ما عرف تعرفين اول شي بسويه هو اني بصلي استخاره وبعدين اذا ارتحت بشوفه وبعدين بقرر.
ساره : وين تشوفينه ؟
نوره : بلاج يوم الواحد يتقدم للوحده لازم يشوفها النظره الشرعيه .
ساره :م خلاص عيل على خير ان شاء الله والله يا نوره اني فرحانه لج وايد .
نوره : صبري بعدني ما وافقت
ساره : ماعرف احس انج بتاخذينه .
نوره : الله كريم .يالله عن اذنج بروح اصلي اوكي
ساره : اوكي حبيبتي يالله روحي بحفظ الله
نوره : بحفظ الرحمن
نوره ماكانت متاكده من ان عبد الله هو الشخص اللي شافته في البنك وهو نفسه الشخص اللي صلح سيارتها .وكانت تبى تشوفه بس عشان تتاكد .
----------------------------------------------------------------------------------------------
اما هند من ذاك اليوم وهي متردده تقول لسالم ان يتقدم لها ولا شو .وراحت اتصلت فيه عشان تتفاهم وياه مثل ما قالتلها نوره.
هند : الو
سالم : هند وينج
هند الحزن على صوتها : موجوده.
سالم : ليش ما رديتي علي يوم كنت اكلمج لا بعد غلقت يموبايلج .
هند قالت له السالفه اللي صارت بينها وبين نوره .
هند : سالم انت صدق تحبني .
سالم متردد: ها ........اكيد احبج يا هند
هند : يعني بتتقدم لي وبتزوجني صح وانت ما تقص علي
سالم : اكيد يا هند افا عليج تعرفين انج الوحيده اللي كلمتها واللي احبها .
هند فرحت : والله
سالم : اكيد وعطيني كم يوم عشان اكلم الوالده وفالج طيب
هند : خلاص اوكي وانا ما اقدر اكلمك الحين الا اذا تباني شي ضروري لان اختي هددتني اذا شافتني اكلمك بتخبر اخويه.
سالم : خلاص اوكي وانا برد عليج الخبر
هند استانست وحست ان حلمها بيتحقق وببتاخذ من الانسان اللي حبته صدق .
اما سالم فمايعرف شو يسوي هو اصلا ما يحب هند بس يهتم فيها وما فكر في الزواج وطنش السالفه

الجزء الحادي عشر _
وبعد مكالمه هند لسالم
سالم كان يفكر بسالفه هند وطلبها للزواج منه بس هو هو اصلا ما يحب هند بس يهتم فيها وما فكر في الزواج وطنش السالفه
وقبل ما يطلع برع شاف امه تناديه .
وام سالم طيبه وهي شوي كبيره في السن وهي ما عندها غير سالم وبنت عمرها 18 سنه اسمها عاشه
ام سالم : سالم ولدي تعال بغيتك بسالفه
سالم : هلا امي خير
ام سالم : يا ولدي تعرف انك ولدي الوحيد وانا ما عندي غيرك انت واختك عاشه الله يخليكم لي
سالم مب متفيج ومن غير نفس : زين شو تبين الحين يا امايه .
ام سالم : بغيتك يا ولدي تزوج من متى وانا اقولك يا سالم انت الحين مب صغير عمرك الحين 26 يعني مب صغير.
سالم : امي قلت لج اني ما ابي اتزوج
ام سالم : يعني عاجبتك حياتك هاي .
سالم : هي عاجبتني .
ام سالم : تمت تصيح : يا ولدي ابي اشوف عيالك قبل ما اموت لا تحرمني من هالفرحه الله يخليك واذا عن البنت ترى انا بدور لك احسن البنات
سالم ما يعرف شو يرد بس هو بعد قلبه عوره على امه : لا لا يا امي اذا بتزوج انا ابي اختار .
ام سالم : برايك بس المهم تزوج .
سالم:يصير خير.
وراح سالم هو معصب على اللي يصير له واتصل في صديقه جاسم .
سالم : الوجاسم
جاسم صديق سالم: هلا والله براعي البنات
ههه
سالم: ايه انت مب متفيج لك .
جاسم:خير شو فيك معصب
سالم : امي يا جاسم تحن علي وايد اني اتزوج
جاسم : هاي مب اول مره اللي تقول فيها امك انك تزوج
سالم : هي ادري بس كل مره تحشرني واليوم سوت لي مناحه وتمت تصيح .
جاسم :زين يا خي تزوج وفك عمرك
سالم : لا لا ما ابي تعرف الزواج معناته الاستقرار وانا بعدني صغير.
جاسم : أي صغير شفت عمرك الحين .
سالم : لا انا ما ابي وحده تتحكم فيه وما تخلينيي اطلع .
جاسم : م خلاص عندي فكره لك تينن تخليك عزوبي وانت متزوج.
سالم استانس : والله شو هالفكره
جاسم : انت يا سالم تكلم وايد بنات زين
سالم : اوكي شو يخصه في سالفتي
جاسم : شوف اذا امك اختارت لك يمكن البنت ما تخليك تستانس وتحن عليك وتشك فيك .
سالم: وبعدين
جاسم : من هالبنات اللي تكلم وتقص عليهم ما شي بنت جذي ساذجه وينقص عليها
سالم : شو تباني اتزوج من اللي اكلمهم شو تخبلت تعرف ما شي ثقه يا اخي
جاسم : بس زواج جذي لين ماتسكت امك شوي وبعدينااذا ما تباها تقدر تزوج عليها اوتطلقها وانتهت المشكله .
سالم : والله فكره حلوه بس اذا حملت ويابت ولد .
جاسم : يا اخي تقدر تصرف بهالاشياء
سالم : تصدق فكره باخذ وحده ساذجه وتخليني على راحتي عشان العب على كيفي واسكت امي واكون متزوج بس بالكلام
جاسم : زين عندك هالبنت .
سالم وهو يفكر بالبنات اللي يكلمهم منو اللي عاديه وطيبه وساذجه: م هي تذكرت عندي وحده اسمها هند وتوها بعد متصله فيه وتقول عشان اخذها تصدق والله .
جاسم : والله زين والبنت يعني حركات
سالم : والله انا شفتها واحس انها مالها خص بحد ثانيا هي من عايله معروفه ومحترمه وهي بعد مزيونه وحليوه وانا كم مره قلت لها عشان تطلع وياي بس هيي رفضت وهذا دليل انه زينه بس يمكن ربيعتها قصت عليها عشان جذي كلمتني .وهي احسن عن باجي البنات اللي اكلمهم الباجي كلهم لسانهم طويل ويبوني عشان مصلحه
جاسم : وهي تحبك يعني
سالم : والله من كلامها هي تحبني
جاسم : خلاص عيل انحلت المشكله يا ريال.
سالم مستانس : ههه والله تفكيرك ياب نتيجه.
جاسم : اكيد طبعا.
سالم : بس خلني بعد اسال عنها ما فيه اخذ وحده سمعتها مختبربه
جاسم : هي طبعا هذا زواج
سالم : يالله يا بو الافكار مع السلامه.
صكر سالم من عند جاسم وهو مستانس بالفكره
------------------------------------------------------------------------
وفي اليوم الثاني راح خالد غرفه نوره .
خالد يدخل على نوره ويشوفها متلبسه و تسرح شعرها .
خالد : هلا باختي شو وين بتطلعين ؟
نوره وهي قاعده تسرح شعرها : بطلع بروح بيت ساره
خالد اول ما سمع اسم ساره قلبه دق : ساره وفي خاطره يقول (فديتج يا ساره من زمان ما شفتج ).
نوره صدت تشوف اخوها السرحان : ايه وين وصلت في شو رحت يالعاشق .
خالد ضحك : لا ولا مكان بس ليش هي ما اتي بيتنا .
نوره : والله قلت لها بس هي قالت مب كل مره هي اتي لازم يعني انا بعد اسير عندها .
خالد : اها يعني شفتات مره انتي تروحين مره هي .
نوره : ايوه عليك نور .
خالد : زين شو سويتي عن سالفة خطيبج .
نوره استحت ونزلت راسها وبخجل: شو تقصد.؟
خالد : يعني صليتي استخاره ترى ابي ارد على الريال
نوره : حشى اصبر شو تبى فكه مني الريال ما كمل اسبوع وهو متقدملي .
خالد : لا مب مستعيل ولا شي بس اتريه يكون عندي نسيب اطلع وياه
نوره تضحك على اخوها .
خالد : المهم انتي صلي استخاره وخبريني اذا ارتحتي وحتى اذا ما تبين خبريني ترى اهم شي راحتج يا اختي الغاليه .
نوره : فديتك والله يا اخوي ربي لا يحرمني منك .
خالد يغمز لاخته : ولا منج يا الحبيبه.
وطلع خالد من عند نوره واما نوره فتمت مستانسه وتحس بالراحه من عبد الله .
وقبل ما تروح عند ساره دخلت عليها هند الغرفه .
هند : ماشاء الله الحبيبه وين بتطلع ؟
نوره من غير نفس : بروح عند ساره ..
هند بقهر : اف اف كله ساره هاي ماعرف شو مسويه فيكم .
نوره معصبه : ايه احترمي عمرج هاي ساره بنت خالتج ثانيا ان شاء الله بتكون مرت اخوج يعني احترميها .
هند بسخريه : ما اتمناها الصراحه تاخذ اخوي .
نوره : انتي شو فيج كارهه البنت شو سوت لج بس عشان هي احلى منج .
هند بدلع: لا والله انا واثقه في جمالي زين .
نوره : مبين .
هند : خلا اطلع قبل ما نضارب اكثر.
هند وهي تبى تطلع نادتها نوره :
نوره :هند .
هند تصد: نعم خير.
نوره : شو سويتي بسالفة سالم قلتيله اللي قلت لج.
هند : هي قلت له وقال انه بتزوجني قلت لج الريال يحبني .
نوره باستهزاء : بنشوف اخرت الحب .وانتي لين الحين تكلمينه
هند : لا والله من ذاك اليوم وانا ما اكلمه .
نوره : زين سويتي واذا عرفت انج كلمتيه يا ويلج تراني بعدني طيبه وما خبرت حد .
هند : زين زين خلاص يالله باي .
طلعت هند وهي معصبه من تهديدات نوره اما نوره فراحت لبست شيلتها وعباتها عشان تروح بيتكم ساره .
وساره كانت تتريه نوره اتي بيتهم وهي قاعده ترتب طاوله الطعام عشان تتغدى ويا نوره .وبعدين رن موبايلها وشافت رقم غريب استغربت بس قالت يمكن احد من رباعتها متصلين من ارقام اهلهم وكان المتصل مروان صديق فهد .
ساره : الو
مروان متوتر : الو السلام عليكم
ساره : وعليكم السلام نعم من انت ؟
مروان : انتي الاخت ساره ؟
ساره مستغربه : من انت ؟
مروان : انا انا سالم بغيتج بسالفه اختي سالفه ضروريه .
ساره متعجبه منو سالم : أي سالم ثانيا انا ما عرفك
مروان : انا ربيع فهد بغيتج بسالفه .
ساره عصبت : صدق ما يستحي بعد يعطي ارقامي حق ربعه شوف قوله خلا ما يلعوزني وانت لا تتصل مره ثانيه سمعت .
مروان : والله يا اختي ابيج بسالفه بقولج شي وببند الله يخيلج
ساره كانت تبى تبند على ويهه بس قالت بتشوف شو يبى .
ساره : قول اللي عندك وباختصار .
مروان : اختي ساره انا ربيع فهد من زمان واعتبره اخوه ونحن ما نخبي على بعض
ساره ب%d
Aصبيه : قلنا باختصار .
مروان : وفي يا اختي فهد يبحج وايد والله ان حالته صعبه صارت له نوبه عصبيه وما ياكل ولا شي انتي صرتي له كل شي حرام عليج ارحميه .
ساره بعصبيه : وانا شويخصني اذا هو يحبني بس انا ما احبه .
مروان : بس هو مستعد ينفذ أي شي تبينه
ساره : اخوي سالم انت الحين تخيل انك خاطب وتبى تزوج عن قريب وايي واحد يقول انه يحب خطيبتك شو راح يكون موقفك والله صعبه زين انا شو يخصني خالد خطيبي شو يخصه .
مروان فكر باللي تقوله ساره وصح كلام ساره صح لانها مالها خص باللي يصير.
مروان : صح كلامج اختي بس فهد والله متعذب والله يكسر الخاطر .
ساره بحزن :: وانا اكسر الخاطر اكثر منه الله يخليك روح قوله ينساني ويدو على غيري ولو سمحت لا تتصل مره ثانيه برقمي وهو بعد خلا ما يتصل اوكي يالله باي .
مروان ما عرف شو يرد عليها : باي
مروان زعل وايد لانه كلامه ماياب نتيجه وهو واقف ويا فهد بس بنفس الوقت كلام ساره صح هي شو ذنبها وخالد شو ذنبه بس هو الحين ما يعرف شو يرد على فهد اللي ينتظر اتصال سالم عشان يقوله السالفه .
ساره بعد ما بندت التلفون كانت زعلانه ومتضايقه هي قلبها يعورها على فهد بس بعد هي تحب خالد وما تقدر على فرقاه ويلست ساره على الكرسي وهي زعلانه وسمعت الجرس راحت فتحت الباب وشافت نوره .
ساره تحضن نوره وبحزن : نوره نوره والله انا منهاره .
نوره خافت على ساره : شو فيج يا ساره شو فيج .
راحت نوره ويا ساره عشان ييلسون وتعرف شو السالفه .
ساره والحزن بعيونها : فهد يا نوره لين الحين يلاحقني .
نوره انصدمت : شو هذا ما يمل
ساره : لا ما يمل هو يباني ويحاول لين الحين ماعرف كيف افتك منه ماعرف احس (ادمعت ) ان حياتي ماراح تكون سعيده
نوره : لا حبيبتي لا تقولين جذي .
ساره : والله اذا تزوجت خالد هو راح يلعوزنا وما بيخلينا بحالنا وحرام خالد ما يستاهل انه يتبهدل بحياته .
نوره : اصلا فهد ما يقدر يسوي شي هو يوم بيشوفج انج ما تبينه ومطنشتنه بينساج المهم انتي يا ساره لا تحاتين ولا تسوين في عمرج جذي.
ساره ساكته وحزينه .
نوره بابتسمامه : اقول ترى الخطيب الولهان يسلم عليج .
ساره اول ما سمعت الخطيب رفعت راسها وابتسمت بخجل: الله يسلمه ويلسلم غاليه .
نوره : والله انتي صدق غريبه توج متضاجه اول ما سمعتي طاري خالد على طول الهم راح
ساره بخجل : اكيد هذا خالد اللي هو اغلى ما عندي
ساره : ولا تعالي شو اخبار عبد الله شو وافقتي عليه
نوره تلعب بشعرها وبدلع :م لا بعدني .
ساره : يا ويلي عالدلع يالله عاد وافقي خلا نشوف الفرحه .
نورة : الله كريم بس تصدقين اتخيل يطلع عبدالله الشاب اللي صلح سيارتنا والله روعه تقولين فلم هندي .
ساره تضحك :" ههه بلاج كل ماصار شي فليم هندي جنج وايد متاثره بالافلام.
نوره تبتسم : لا صدق والله اف سكتي عبد الله يسكت والله حلو وايد ماشاء الله عليه وغاوي .
ساره بدلع : بس مب احلى عن خالد.
نوره تغايضها : يمكن صح خالد احلى من عبد الله بشوي بس ترى في شخص احلى عن خالد وعن عبد الله بعد.
ساره بتعجب :منو
نوره : فهد .
ساره : شو فهد.
نوره : هي والله ماشاء الله عليه غاوي غاوي غاوي يخبل اف خلي جماله بصوب ونظره عيونه بصوب .
ساره : زين خذيه وتزوجيه وفكي عمرج وفكيني منه .
نوره : ياريت هو يباني جان اول يوم وافقت عليه
ساره تمت تضحك على نوره
وساره بوجود نوره نست سالفة مروان صديق فهد وسالفة فهد وبلاويه
اما مروان فكان مايعرف كيف يواجه فهد بكلام ساره وبرفضها له
اتصل فيه فهد .ومروان خايف ومتوتر يعرف ان فهد اذا عصب بيكون انسان ثاني والعصبيه والتوتر مب زين عليه.بس هو قال في نفسه انه بيحاول ما يقوله كل شي صاربينه وبين ساره
ويررن موبايل مروان .
مروان : الو
فهد :ما بغيت تشل حشى من متى وانا اتصل
مروان متوتر : م لا بس كنت شوي مشغول
فهد : شو اخاف نسيت سالفتي وما تصلت في ساره صح.
مروان يبلع ريجه: ها ..م لا لا اتصلت فيها
فهد : شو اتصلت ؟؟ ولا تقولي... انا ما قلت لك اذا اتصلت فيها على طول رد علي .
مروان : ساكت .
فهد : مروان شو فيك اكيد ساره قالت موالها صح انها ما تباني صح
مروان يحاول يهدي السالفة: لا هي ما قالت جذي بس قالت انها مخطوبه من خالد وصعب تتركه بس جذي قالت
فهد بنبره غضب: ادريبك ما تبى تضايقني انا اعرف اسلوب ساره اعرف انها ردت بطريقه ثانيه عشان جذي ما بغيت ترد علي صح ؟
مروان توتر :ها لا مب جذي.
فهد بنبر حزن: يعني ما شي فايده
مروان : اسمحلي يا فهد والله اني حاولت بس بس ما قدرت .
فهد : لا ما عليك اصلا انت ما قصرت تسلم يا مروان .
مروان : شو بتسوي الحين يا فهد
فهد بنبره حزن والم وضيق: ماعرف يا مروان والله اني تعبان تعبان اه ماعرف شو اسوي.
مروان خاف على حالة فهد : فهد هد اعصابك ترى الدنيا ما تسوى .
فهد : الله كريم اوكي يا مروان راح اخليك
مروان : شو وين بتروح .
فهد : الوقت متاخر بروح البيت
مروان : اوكي خلاص يالغالي مع السلامه
فهد : بحفظ الله.
وصكر فهد من عند مروان وهو حاس بالهزيمه وبفقد ساره اللي عنده اغلى ما يملك بعد وفاة والديه وحس انه منهار فراح البيت وعلى طول راح غرفته وصك على عمره الباب شافت ريم اخوها وهو منهار ومعصب وزعلان بس ماحاولت تروح عنده لانها تعرف اذا اخوها كانت متضايق فاكيد ما بيقول لها شي وخلت سالفة اخوها ليوم الثاني .
وفي يوم الثاني راح خالد لعند نوره وشافها راقده وراح يوعيها .
خالد يوعي نوره وماسك قميصها : نوروه نوروه قومي قومي .
نوره من غير نفس : خالد شو تبى ما تشوفني نايمه.
خالد : بسج نوم الساعه الحين 11 حشى ما شبعتي نوم .
نوره قامت واتساندت على المخده: خير شو بغيت .
خالد وهو يغمز لاخته: اول شي قومي غسلي ويهج ونزلي عشان اتكلم وياج يالله
نوره : والله انك متفيج تتكلم وياي الحين قول شو بغيت تراني مب متفيجه.
خالد: وحتى لو قلت لج ان السالفة تخص خطيبج المستقبلي
نوره فتحت عيونها : ها.. شو... منو...
خالد يضحك على نوره: شو فيج تتكلمين بالاحرف.
نوره بخجل : شو السالفه
خالد قام من عندها : انتي روحي غسلي ويهج ونزلي تحت وبقولج السالفه يالله.
نوره : اوكي خلاص الحين بقوم .
نزل خالد تحت في الصاله ونوره راحت تغسل ويها ونزلت تحت عشان تشوف شو السالفه ويوم نزلت تشوف خالد يكلم امها وهند قاعده وياهم .
خالد شاف هند نازله تحت : حيالله بالعروس
نوره : استحت وسكتت.
هند : بعدها ماوافقت وتقولها عروس
خالد يصد لهند : ان شاء الله بتكون احلى عروس بعد
هند بدلع : بس مب احلى مني .
نوره : والله احلفي بس يالله عاد تراني احلاكم في البيت
خالد : هي احلى وحده في البيت بس بين البنات بس ما يخصكم في جمالي.
ام خالد :الحين انتو يايين عشان تسوون انتخاب الجمال ولا تتكلمون عن سالفه عبد الله .
نوره وهند وخالد : ههه
خالد " هي والله نسيتوني (وصد صوب نوره ) اقول نوره شو كملنا اسبوعين عن السالفه وانتي مارديتي علينا خبر شو
نوره مستحيه وتلعب باصابعها : م انا صليت استخاره و..............
ام خالد : وشو يا بنيتي شو ان شاء الله ارتحتي
نوره وهي منزله راسها : الصراحه ارتحت
خالد استانس : والله الحمد لله يعني الاخت موافقه صح
نوره ويها محمر وساكته.
خالد : السكوت علامة الرضى
ام خالد استانست بعد: يعني يا نوره موافقه خلاص تراهم بيون يخطبونج رسمي .
خالد : وراح تشوفينه طبعا بوجودنا يعني النظره الشرعيه ويشوفج بعدين راح نسويلج حفله صغيره بمناسبه خطبتج .
نوره بخجل : اللي تشوفونه.
ام خالد : عسى الله يسعدج يا نوره .
هند : وانا يا امايه ليش ما تدعيلي .
ام خالد :عاد نسيت ان عندي بنت وايد تغار .
خالد: ههه هي والله غيوره بشكل.
هند : ليش ما اغار من حقي
وراحت نوره غرفتها وهي بخاطرها بس تشوف عبد الله عشان تتاكد اذا عبد الله هو اللي في بالها وبحلمها او شخص ثاني .
واتصل خالد في عبد الله عشان يقوله ان نوره وافقت وعشان يختار يوم عشان ايي بيتهم ويشوف نوره .
وعبد الله يوم عرف ان نوره وافقت استانس وشوي بيتخبل لان من يوم البنك وهو متخبل على نوره لا بعد من سالفه السياره وهو خلاص ما يفكر الا فيها وراح بسرعه لامه عشان يفرحها.
عبد الله : امايه امايه وينج
ام عبد الله مستغربه من صريخ عبد الله : هني يا عبد الله في المطبخ .
عبد الله راح يبوس راس امه : امايه فديتج باركيلي .
ام عبد الله : ليش وعلى شو ؟
عبد الله والابتسامه ما تفارقه : نوره اللي قلتلج عنها وافقت يا امي وافقت علي .
ام عبد الله استانست وايد وراحت حضنت ولدها : مبروك يا بعد عمري والله تستاهل كل خير عسى الله يهنيك .
عبد الله : الله يبارك فيج يا امي الغاليه
ام بعد الله : ومتى ان شاء الله بشوف اللي ماخذه عقلك
عبد الله :ام ان شاء الله عن جريب.
طبعا عبد الله كان يتريه اليوم اللي يشوف نوره ويتريه نوره تكون ملكه وزوجته.
اما فهد من بعد ما كلم مروان ربيعه وهو زعلان ومتضايق وما يطلع من غرفته وحالته وايد انهارت والسبب طبعا من ساره ورفض ساره له.
اما هند فكانت متضايجه وايد لانها خافت ان سالم ما يتزوجها مثل ما وعدها يوكون كلام نوره صح وراحت هند تتصل في منى عشان تساعدها بالسالفه.
هند : الو منى
منى : هلا والله
هند : اشحالج يالغاليه
منى : بخير حبيبتي وينج من زمان ما اتصلتي
هند : شو اسوي تعرفين نوره مهددتني وما فيه على المشاكل ؟
منى : اها زين زين شو اخبارج بعد
هند بحزن : والله مب خير
منى : افا ليش ؟؟
هند : من يوم قلت حق سالم يتزوجني وهو ما رد علي ولا طرشلي حتى مسج .
منى : زين انتي قلتيله عشان ما يتصل .
هند : هي صح بس ابي اعرف اذا هو بيخطبني ؟
منى : اكيد بيخطبج
هند : والله خايفه انه ما يخطبني ويكون كلام نوره صح انه هو يقص علي .
منى : لا لا مستحيل اكيد بيخطبج بس انتي صبري عليه
هند : والله ماعرف شو اقولج
منى : زين اتصلي فيه واساليه مب احسن
هند : لا تبين اختي تذبحني
منى : شو فيج بس اساليه اذا هو بيتقدم ولا لاء وبندي عنه
هند :ماعرف
منى : يالله اساليه احسن .
هند : اوكي الحين راح اتصل فيه
منى : اوكي حبيبتي وقوليلي شو اللي بيصير زين
هند : اوكي
هند راحت تتصل في سالم.وسالم يوم شاف رقم هند استغرب لان هند قالت انها ما بتتصل فيه ورد عليها .
سالم : هلا والله باللي غايبه عني
هند بصوت واطي عشان محد يسمعها : هلا فيك اشحالك سالم
سالم : بخير الله يسلمج وينج من زمان ما اتصلتي
هند : تعرف ظروفي يا سالم .
سالم : ........
هند بتوتر : سالم
سالم : عيونه
هند : انت انت تحبني صدق
سالم استغرب من سؤالها وماعرف شو يرد اصلا هو ما يحبها بس مهتم فيها : ليش السؤال
هند : بس ابي اعرف
سالم : اكيد طبعا احبج
هند : يعني انت ما تقص علي وبتي تزوجني صح مب مثل باجي الشباب
سالم توتر مايعرف شو يرد عليها هو صح قال انه بيزوجها عشان امه بس لين الحين مب مقرر : ها م اكيد بيي
هند : يعني بتي تخطبني .
سالم :اكيد حبيبتي وانا بكلم امي وان شاء الله يوم بيي اتقدم لج راح اخبرج.
هند بفرح : والله صدق
سالم : هي صدق بس انتي صبري علي شوي عشان ارتب السالفه اوكي
هند : اوكي ياسالم والحين عن اذنك عشان اختي اخاف تشوفني
سالم : اوكي غناتي مع السلامه
صكرت هند من عند سالم وهي مستانسه من كلام سالم وحست انه احلامها راح تتحقق .
عبد الله قرر ان بعد يومين ايي بيت خالد عشان يشوف نوره ويحدد وياهم يوم الخطوبه وطبعا راح اكيد اكيد ويا اهله
اما فهد فحالته كانت صعبه وايد والريم راحت غرفه اخوها واللي تسمع اصوات تكسير خافت وايد حست كانها داخله على حرب من الاصوات والحشره ويوم دخلت على فهد شافت الاغراض كلها طايحه فهد مكسرالاغراض وكانت ادور على فهد شافته عند السريرقاعد على الارض وهو حاط ايده على راسه ويصيح بصوت واطي وكان صدق منهار شكله يكسر الخاطر
الريم والدمعه بعيونها على حالة اخوها وراحت عند فهد .
الريم مسكت جتف فهد وبحزن : فهد فهد شو فيك يا اخوي شو فيك
فهد يرفع راسه ويشوف الريم وهو يدمع : الريم انا منهار والله تعبان تعبان يالريم
الريم يلست عند فهد : باسم الله عليك يا اخوي شو فيك .
فهد :ليش يصير فيه جذي ليش بعد ما فقدت امي اللي هي اغلى ما عندي حاولت اني انسى واسافر واكمل دراستي وطبعا ما قدرت انسى حنانها وصورتها بعدها في خيالي بعد ما حاولت شوي ألهي عمري بهالدنيا يت ساره ودمرت كل شي كل شي
الريم تمسح دموعها : فهد ساره مالها ذنب.
فهد بصريخ : لا لها ذنب انا يوم شفتها قلت هي الوحيده اللي بتعوض حنان امي وهي الوحيده اللي بتنسيني همومي هي يا الريم هي الوحيده
الريم : بس يا اخوي لا تسوي في عمرك جذي
فهد : ليش ليش يصير معاي جذي لا ام ولا ابو ويوم اخترت الانسانه اللي بتكون شريكه حياتي طلعت هالانسانه ما تباني .
الريم ساكته .
فهد : ليش اعيش انا ليش خلا اموت احسن
الريم تمت تصيح وراحت تمسك قميص اخوها وبصريخ : لا تقول جذي يا فهد لا تقول شو تبى تخليني بروحي لا تنسى ترى انا بعد ما عندي لا ام ولا ابو بس ما سويت مثل ما تسويه ؟؟
فهد : بس ما حبيتي شخص وهالشخص تخلى عنج
الريم :اعرف ان هالشي صعب بس حاول تنسى يا اخوي
فهد قام من مكانه والدموع بعيونه : ماقدر يا ناس ما اقدر ساره بعروجي بدمي بقلبي ما اقدر اذا ساره ماصارت لي والله اني ما اقدر اعيش ما اقدر .
الريم : بس يا اخوي انت من البارحه في غرفتك تعال اطلع منها وروح كل أي شي
فهد : ما ابي اكل شي بس خليني بروحي ولا اتين فهمتي
الريم ما قدرت تستحمل تشوف اخوها جذي منهار خافت عليه وطلعت وقالت انه محد يقدر يساعد فهد الا ساره .
وراحت تتصل في ساره والدموع بعيونها
الريم : الو ساره
ساره خافت على ربيعتها : هلا الريم شو فيج تصيحين شو فيج
الريم : تعالي يا ساره تعالي بيتنا الحين
ساره : شو فيج يالريم خوفتيني
الريم : ساره انتي الوحيده اللي تقدرين تساعديني تعالي بيتنا وانا راح اقولج السالفه الله يخليج تعالي بسرعه
ساره : اوكي انا الحين يايه بيتكم بس انتي هدي اعصابج
راحت ساره استأذنت من امها وبسرعه راحت عند الريم لانها خافت على الريم .
وصلت ساره عند الريم وشافنت الريم في الصاله وهي قاعده تصيح
ساره راحت عندالريم : ريم ريم شو فيج ليش تصيحين
ريم: ساره اخوي فهد بيتينن وبيموت يا ساره
ساره يوم سمعت اسم فهد سكتت.
الريم مسكت ايد ساره : الله يخليج باسم المعزه اللي بينا ساعديني
ساره : شو اللي اقدر اسويه
الريم : روحي عند فهد قوليله يطلع ويشوف الناس حالته صعبه وايد وما يطيع ياكل شي اخاف ( تمت تصيح بصوت عالي ) اخاف افقد اخوي .
ساره راحت تمسح دموع الريم وتهديه