محتارة ايش اهدي لزوجي ساعدوني

يآإعممري نفس مششكلتي
بث انآ قلت بهديه ميدآليه لآكن وربي كله مآش مأإعجبني شي مآفي شي فخم وحلوو
وهم بعد فوآحة للسيآره وقلت تعليقآت للمرآيه ومعرفة وش آشتري للحين
وهم بعد قلت سي دي الشبكه تبعآتي بسوي نسخه مني وبكتب ع السي دي لآنه انآ اللي سويته وآخترت الإغآني وعجبه حيل قلت آفآجئه فيه وبث
آم آش رآيك بمجموعة سبور ألور من شآنيل انآ اول هديه لي له كآنت ذي مرره انهبل عليهآ

الله يسعدك ان شاء الله..
عن جد حيرة.. وكل ماتحطي عينك على شي تحسيه مو حلو..
رحت السوق وشفت له طقم قلم مع كبك للثوب.. بس ماعجبني وطلعت :(
بس حكاية شغلات السيارة حلوة..
وبشوف زي ماقلتي مجموعة سبور الور.. والله يقدرنا نبيض الوجه
واتمنى من الاخوات الفزعة لاخواتكم :(

كسرتوا خااطري
انا توني مخطوبه وشوال ملكتي
بس بما انوو اهديتيه ساعه وميداليه وعطورات وكريماات
مالك الا تي شرت وجينز
او
شماغ
او روحي محل الهدايا وتحصلي من عندهم افكار
انا بالعيد مفكره اهدي خطيبي بوكيه ورد مع قطه شايفتها تجنن
بشتري لها صندوق حركات وبحط فيه غش والقطه
ولكم مني اصوره واحط لكم صوره
تقبلي مروري

اهديه نظاره شمسيه ماركه
وتيشيرتين حلوين يلبسهم بالعيد
بالتوفيق حوبي
^.^

انا بعد اول عيد لي مع زوجي
وراح اهدي له طقم كبك مع قلم وسبحه
ممكن تهدينه جوال ,او شماغ
او قماش شتوي

مشكورين حبيباتي.. وماقصرتو والله
والله يوفق كل وحدة ردت ويسعدها..
وخلاص قررت اهديه كبك وقلم.. وشوكلاته على شكل قلب من النقلي مرة نايس شكلها
تسلمو

الهديه حلوه إذا جت بوقت حاجتها..
شوفي زوجك وش يتمنى أو وش يفقد..
مثلا وحده قبل فتره اهدت زوجها لاب توب..ومره فرح لانه كان يفكر يشتريه..
أو مثلا وحده زوجها مره مشغول راحت لمراكز تضليل السيارات واخذت موعد ودفعت عربون .. تفاجأزوجها من الهديه اللي أبدا ماجت على باله..
حتى إكسسوارات السيارات يحبوها الشباب فواحه مثلا
إذا هو كثير سفريات او طلعات للبر أشتري له جهاز نسيت أسمه بس هو اللي يدله بالطريق والاماكن المعروفه بالمدن وإختصارات كثيره..
هذي الهدايا غير تقليديه بس يبغالها ميزانيه وجرأه..

ممكن تهدينو تي شيرت من ماركه ارمانى او جوال او تخيطي له توبين للعيد وتدفعين الفلوس وتخليه هو يروح يجيبو راح يفرح فيها
الله يوفقك ويسعدك ... دعواتك ان شاء الله اهدى خطيبي انا كمان بس بعد مانملك يارب

عطر فهرنايت مره حلو