محتاره مع مجلسي الوردي

هلا اختي غيمة وفاء ..
بما انج قلتي ان في الجلسة وردي وذهبي يعني ممكن تستغلي لون الذهبي بالتحف الموجودة بكل المجمعات والستايلات كشخة وذهبي في ذهبي راح يكون المكان حلو ..
ان شاءالله اكون افدتج

مشكوره حبيبتي على ردك بس اللون الذهبي خفيف وحتى المكتبه لونها وردي ...

حبيبتي
ممكن تدخلين الذهبي حتى لو هو مش موجود كلش
منها تكسرين لون المجلس بلون ثاني ومنها تلاقين ديكورات
والصراحة انا عندي نفس مشكلتك في تزيين الجلسة
يعني انا عندي ثلاث صالات اللي منهم كنب مرتاحه والجديكورات كل شئ يمشي معاه
اما الجلسة فمحتارة حطيت وايد اشياء لكن مو داخل مزاجي
الله يعين حاولي وجربي وان شاء الله راح يطلع منك شئ في الاخير
وموفقة

روضه حبيبتي مشكوره على مرورك وربي احترت تصدقين تحسفت اني حطيت هاللون المشكله كل التحف والاكسسوارت
يابني يابيج غير هاللون مالقيت وبحاول اضيف بعض الاشياء بس وش رايكي بالشلال والطاوله للزاويه ينفع مع جلسه ارضيه

أهلين غيمة وفاء
تصدقين حتى أنا عندي نفس المشكلة حاطة كنب لونة وردي على أبيض وشكلة فخم
بس
ماني لاقية إكسسوارات وتحف حلوة

شوق مشكوره على المرور بس والله فعلا مشكله وباقي البنات وينهم ليش مايساعدونا ؟؟

مو مشكله اذا حطيتي كذا لون مو شرط تتقيدي بالوردي بالعكس حيطلع حلو اذا كسرت اللون
وخصوصا الذهبي اذا هو موجود اصلا خفيف حاولي تبريزيه راح يعطيكي فخامه
ومليان بالسوق فازات وتحف وبراويز واكسسوارات جدار ومفارش بالذهبي
حتى اذا دخلت البني والبيج ماعندك مشكله جمدي قلبك وابدعي
<<<<<<< شكلك خايفه تنخبص بس ماعليك بيطلع حلو بالنهايه
وفكرة الشلال بتجي حلوه وممكن مدفئه مرره تعطي جو رايق والطاوله اكيد بتحتاجينها بس حاولي تلاقي شي مناسب
على قد ارتفاع الجلسه
ممكن تستعيني بالديكور المغربي وممكن تاخدي افكار من الديكور الياباني حيصير جلسه عربيه مبتكره
والله يعينك ويساعدك ان شاء الله
مع كل الود عزيزتي

اذا عندكم عالم الروائع خذي من عنده مدفئه شفتها عند وحده من صديقاتي مرة روعه
وخلي الاكسسوارات لونها بني محروق اوذهبي يجي حلو
لاتخلينها وردي في وردي
اذا حطيتي مدفئه لازم تشيلين المكتبه.............