محتاره والله حيرني ساعدوني تكفون

1. وجعلها ماتنعاد ذيك المره ..


2. المهم ابوي قاله خلاص بكلم خالتك ومايصير خاطرك الا طيب ..


3. ويقولي وبعدين اول مره اشوف اهل مب هامهم بنتهم تتطلق والا لا ...؟

السلام عليكم..
ماادري هو ذا القسم الصحيح والا غلط لموضوعي ...
عموماً انا قلت بدخل افضفض لكم ومنهاا اشوف حل لمشكلتي لاني احس صدري ضآآآيق مره
وبحكم سني مااني عارفه اللي اسويه صح والا غلط........؟
انامتزوجه من فتره قصيره وهالحين حامل (الله يتمم علي ويرزق غيري ) انا احب زووجي ماره احس انه لويصير له شيء ماراح اقدر اعيش وهوكذلك..
يعني تقريبا حبنا للجنون (الله لايغير علينا ) ..
قبل لااتزوج امي كانت تفرق بيني وبين اخواني احسهاا تكرهني ماكني بنتها ودايم انا وياها هواش وتدعي علي ابد ماكني بنتها :(
اختي اللي اكبر مني تحبهاا ماره وحتى خواتي الثانيات الا انا غير عنهم يمكن هذا السبب اللي خلاني اتزوج حتى افتك من المشاكل وانا عمري صغير ..
احس امي تغار مني لان ابوي يحبني ولايرفض لي طلب ..بس بعد الزواج الحمدلله تغيرت ماادري عشان بعدت عنها والا وش السالفه انا صار لي 6 شهور متزوجه زرتهم مره وحده انا وزوجي

وجعلها ماتنعاد ذيك المره ..

اولهاا ابوي ماسلم علي فالمطار وكنه مفتشل فينا وزوجي قاله وراء ماتسلم ع بنتك قال ابوي فالبيت روحي اركبي السياره وهاوش زوجي حسيت ابوي متغير علي مره قعدت اصيح فالسياره وهم موموجودين ..
يوم جينا للبيت ماسلم علي كمان وقلت لامي قالت له امي عيب عليك تهاوش زوجها وترى بنتك حساسه وهيك وزوجي حساس اكثر مني قالي يوم جينا ننام شكل ابوك مايبيني اجل والا انتي مسويه شيء وراه يعاملنا كذ1 حاولت اصرف الموضوع ..
الموهم انه طوال الاسبوع اللي جلسناه وانا جالستن ع اعصابي من جد ماارتحت ..كله يتهاوشون مع زوجي عشان وجهة نظره غير وجهة نظرهم وكان زوجي يحس بفرق المعامله مع زوج اختي ..
وزوجي فيه صفه مب حلوه ماني عارفه شسوي هو مايطلع ولا يدخل وانا فشقتي مااطلع لاني مااعرف احد بس لمى اروح يم اهلي ابغى اطلع ابي اشوف الناس هويزعل يقول انا لمى كنا هناك اقعد عشانك ولا اروح لاخوياي وانتي تدرين اني اطفش عند اهلك وبتروحين وتخليني ويزعل وانا مااقدر ع زعله اخاف تصير مشاكل بيننا ..وانا ماودي عشان طلعات اهدم حياتي ..مع اني ماعمري قلت له لا تروح بالعكس اقوله روح ..
الموهم انو قريب بسافر لاهلي قالي نجلس هناك اسبوع ونرجع قلت اوكي مع اني شايفتها قليله لاني من زمان عنهم بس هومايقدر ياخذ اجازه واذا قلت بروح اقعد عند اهلي اسبوع زياده وانت ترجع زعل وقال انتي ماتحبيني تخيلي لوصار لي شيء ترين والله بتندمين ..
وانا لمى افكر انه بيموت ويتركني صراحه يجن جنوني لان محد يحبني بهالدنيا كثره ..قبل يومين اتصلت علي امي وسالتني متى بتجين قلت لها قالت هو بيجي معك قلت ايه قالت وكم بتقعدون قلت اسبوع
هاوشتني قالت خليه يرجع واقعدي انتي اسبوع واحد بس وانتي صارلك 3 شهور ماشفناك قلت يمه مااقدر اخليه لحاله وخلاص اجي تشوفوني تتطمنون علي واتطمن عليكم وارجع قعدت تهاوشني وتقولي انتي بتخربينه كذ1 وبكرا بتندمين لمى تقولين له ابي اسوي شيء بيعيي عليك وغيره وغيره
الا هو كان توه جاي من الشغل وانا ماحسيت فيه قالت امي واذا جيتو مانقدر ناخذ راحتنا ونسولف معك ع راحتنا اخذ هو الجوال وسمعها وهي مستمره لازق فيك مانقدر نقول كلمتين ع بعض كلنا تزوجنا بس ماسوو رجالنا كذا وخلص رصيدها وانقطع ..
قعدت اصيح قال انا اقول وش فيك تتغيرين علي احيانا واثاري امك تدرسك وهو يتصل ع ابوي قاله اسمع انا رجال ماابي احد يتدخل بحياتي سمعتو انا وحرمتي متفاهمين ع كل شيء وانتم ليه تبون تخربون حياتها هااه قاله ابوي بس هي زمان مازارتنا لازم تطول شوي قال زوجي بس انا ماابيها تتركني وانا وحرمتي متفاهمين انا ابي اعودها ع هالشيء اننا مانستغني عن بعض وانتم بالغصيبه تبون تفرقونا ..

المهم ابوي قاله خلاص بكلم خالتك ومايصير خاطرك الا طيب ..

هالكلام الصباح رجع زوجي لدوامه ويوم جاء الظهر وحنا ع الغداء اتصل ابوي قال زوجي ردي رديت قال ابوي وش فيكم وراه زوجك متصل ويهاوش ويهدد قلت يبه هو مايبي احد يتدخل فحياته واعتقد ماغلط وامي تراها من تزوجنا وهي كل ماتتصل تعطي نصائح وتعليمات مثلا لازم تزورين عمتك لازم تروحين لخوياتك لازم تطلعين لازم تسوين لازم تفعلين مب حاله واذا ماسويت زعلت قال ابوي هذ1 مايعتبر تدخل وانتي بنتنا مردك لنا فالاول والاخير ( انا هنا انصدمت بصراحه يعني مفروض ابوي يقول مالك الا زوجك وطيعيه وهيك يقول مردك لنا يعني كنه يقول تطلقي ) وزوجك يوم اتصل انا اعطيته ع قد عقله ..
طبعا زوجي جالس بجنبي وانا متفشله وش اقول وش اسوي وش ابرر الكلام واضح مثل وضوح الشمس
وابوي يدري ان الموظفين يطلعون هالحزه اتصل بوقت غلط ..
المهم ان زوجي زعل زياده فوق زعله وقال عناد عاد ماتجلسين الا اسبوع وانا معك وباخذ لنا شقه هناك وماني جاين لهم انتي روحي لهم ...
بصراحه تازم الموقف عندي وقعدت اصيح يوم شافني اصيح قال خلاص تبين تروحين لهم روحي لو تقعدين سنه مالي شغل فيك ..وطلع
يوم رجع دخل ينام دخلت انام معه لقيته يبكي بس يحسبني مااحس فيه وقسم بالله قلبي تقطع قررت فنفسي اني ارضي زوجي واهلي مب زعلانين عشان بجلس اسبوع واحد لانه انا بكذا وصلة رحمي وخلاص ..وانا بنتهم مستحيل يزعلون علي ..
رحنا ثاني يوم نتقهوى قلت له وش رايك لوتروح معي توصلني وترجع واقعد عندهم اسبوع بس انت تغلق جوالك وتفتح الثاني واقولهم انك ماترد وهيك
قال لا انا باخذ شقه وبقعد فيه بخليتس عندهم من تصحين من النوم لين يجي وقت النوم حاولت فيه اقنعه انه يرجع بس مافي امل ..
قلت بنفسي لوصار كذا انا ماراح ارتاح من بيغديه من بيعشيه وهو تاركني عند اهلي ع الاقل اذا رجع اهله بيهتمون فيه ..
بس مافي امل واذا قلت له شيء قال ماتبيني غيروك الا امك تنفذ كلمتها وتمشيها لا ماتمشيها علي

ويقولي وبعدين اول مره اشوف اهل مب هامهم بنتهم تتطلق والا لا ...؟

يعني كلمة ابوك مردك لنا احسه يبك ترجعين لهم وش هالانانيه قلت لاهم يحبوني يعني لاتخافين بيتك الثاني موجود قال لاوالله اخبر الاب يعقل بنته مب يزيدها الام وامر مسلم منه بس الاب هذي اللي غريبه >> صراحه تفشلت وش اقول وهو كلامه صحيح وجهة نظري زي وجهة نظره وحسيت اهلي مايحبون لي الخير وامي من تدخلاته بحياة اختي هذا هي كله مشاكل مع زوجها عشان كذا انا ماابي اسوي زي اختي واطيعها <<
المهم اني محتاره بصراحه .,,
ودي مايرجع لاني بصراحه اخاف يصير له شيء واندم ...؟>>مع اني ادري اني ماراح ابعد هالشيء عنه لو الله كاتبه له بس اكون ع الاقل ماخليته وهو يقولي ترين لو رحتي وصار لي شيء منك <<
واذا راح معي ماراح ارتاح لان قلبي بيصير معه من يغديه ويعشيه ويهتم فيه بالحاله بالشقه واكيد يطفش ويضيق صدره بمدينة مايعرف فيها احد ..... ؟
وامي هالحين زعلانه مااتصلت علي من عقب ماقطع فوجهها ولا انا حاولت اتصل لاني ادري بتفتح نفس السالفه .......
وش اسوي وهل اللي اسويه صح اني اطيع زوجي ومااطيع كلام امي ....؟
افيدوني الله يخليكم