محلات بيع الفساتين الجاهزة

هلا يا قلبي
مبرروك لي اختك عسى ربي يوفقها يا رب
بالنسبة للمحلات
عندك عماير السيركون اول شي مررة يمدحونها بالذات محل محاسن
عندك artable بعد يقولوون انه في اشياء مررة حلوة مع ان الفرع اللي عندنا ما أحس أبد انه حق اخت عرووس
عندك بالمملكة اذا انتي من أهل الماركات ساكس اند أفينيو
عندك بالفيصلية هارفي نيكلز ويقولون مسووي خصم وفيه فساتين سهرة
القرعاووي موول مررة كنت أسال البنات ابي جزمة سهرة وقالوا عليه انك تلقين هناك ممكن أجل تلقين فيه
وبعد في نادي الفراشة في ملف خاص لي بنات الرياض يمكن تلقين فيه اللي تحتاجيه
وعلى فكرة اسمك كيوت

انا تقريبا رحت كل محلات الرياض اللي تبيع فساتين جاهزه بس ادور ادور وارجع للموسى فيه محل لينوفر مره حلو بس يبغالك تترددي عليه كذا مره لانه ينزل الموديلات الجديده وتخلص تقريبا بنفس اليوم يعني كوني على اتصال معهم
وفيه البرت بالموسى حلو بعد واقمشته رايقه
اتوقع تلقين بالمحلين طلبك لان اخت العروس الانظار عليها يوم العرس ويبغالها شي كشخه
بالتوفيق

الغاليه فيه موضوع بالعام (((ملف بنات الرياض ...للاخت توتوة)))
ان شاء الله يفيدك

الموسي فيه اشياء حلوه
وفيه محل بصحارى اذا تحبي الازياء الهنديه وفيها اكسسوارات هنديه اسمه ومن

مشكوره

هلا ياقلبي كيفك انا وكيله لمصمم وانا في جده وبصراحه فساتين راقيه
وانا منزله اعلان فيها واذا حابه اوريك الكتلوج
ارسلي رساله خاصه وانا اعطيك الكتلوج مع الاسعار وهي تصميم
يعني بس ناخذ مقاساتك وانتي في البيت والمصمم يصمم لك الفستان الي يعجبك مع اي اضا فات انتي تبغينها
وان شاء الله تعجبك

حياة مول الدور الثاني فساتينه مررا روعه خصوصا لينوفر ومحل اسمه حرير

الموضوع قديم من 2005
استغفر الله واتوب إليه

فيه محلين في سلام مول حلوه مره