مراهق في الاربعين

السلام عليكم اخواتي
دائما مكاني هو هذا القسم اقرئكم واعطي الحلول لبعضكم ..
ترددت كثيرا بطرح مابنفسي ..ليس لشي او لعجزي عن حلها ولكن عادتي بأنني لا اشكي مابداخلي لاحد كان حتى لنفسي ..
بالبدايه انا كنت بعمر ال15 سنه احب دراستي بشكل فضيع ماأقولكم اني متفوقه ولكني مجتهده ..
كنت بثالث متوسط وبما اني اكبر خواتي الخمس امي معتمده علي بكل شي حتى بمشاكلها المرهقه مع والدي.. البيت كان متدمر ومعكر للنفسيه ..
كنت اكبر من عمري بكثير رزينه وعاقله وفاهمه
تعودت على تهدئت امي وملاطفة والدي ..
كان يضايقني كلام امي عن الزواج وانها تبي تزوجني كنت اخاف اعيش زيها واموت قهر وتجيني امراض الدنيا
لكن اسكت واداريها واسوي نفسي فرحانه <<ومن هنا بدى الانهيار التام لشخصيتي المهتزه ..
في يوم من الايام جيت من المدرسه كان ايام مراجعه وارهاق عشان الاختبارات عالابواب ..
((يابنتي اليوم البسي وتكشخي ترى بيجون ناس يشوفونك انا سود وجهي وكلام وصراخ ورفض تام ....بس وين كان كله جوا نفسي اخاطب فيها روحي ...)
وقلت ان شا الله يمه .. دخلت الحمام الله يكرمكم والدنيا دارت فيني ماقدر اقول لا ليه..وبكيت على اللي راح اواجهه
طلعت زينت شعري وحطيت مكياج خفيف فتحت دولابي ( ياربيه كل ملابسي بناطيل ماعندي الا تنوره قصيره لين تحت الركبه بشوي ..وش اسوي
البسها يمكن يرفضون ويقولون لابسه قصير ..)
المهم عدى اليوم كله وجو الناس وشافوني وزعلت الام قالت ياربي البنت صغيره وولدنا كبير .. قالت اي لا البنت كبيره بعقلها وفاهمه وانا متنحه في امي ليه يعني تبين تنطليني وبرضو كلامي بنفسي ...
اتصل ولدهم وقال بطلع اشوفها قبل يطلع شفت صورته انا صعقت هذا كبير مره ..خفت وزرق وجهي واناظر امي نظرة استعطاف ودمعتي عالطرف
امي مستعجله وقالت يلا يجي يشوفها ..ابوي طيب وين ..<< كالعاده غير متواجد بأي شي من امور الاسره . .
جا شافني وانا منزله راسي وهو مانزل عينه عني جالس يناظر من تحت لفوق وحفظ كل تفاصيلي .. ابغى اقوم رفعت طرف عيني وكرهت منظره رغم انه مقبول ..
راحو الناس ودقو بعد عشر دقايق يقولن موافقين ونبيها بعد شهرين .. لين تخلص اختباراتها ...
ابوي درى انو شافني قوم الدنيا ولا قعدها ومن اسلوب امي باصراخ اقنعت ابوي كالعاده ورضخ
وتم كل شي ..
تزوجته وبدت ايام الهم والغم والمشاكل يوم اكتشفت ان عمره36وانا 15 ..
حملت عقب شهروبدت الحياه تنقلب فوق تحت كل يوم مشاكل واروح عند اهلي بالشهر والشهرين
طلعت من نفاسي ببنت وكرهته زياده .. واكتشفت عليه اشياء كثير وكان دايم سفر وهددني كذات مره ياخذ بنتي مني وانا عشان عيونها صبرت
حملت بعدها بسنتين..
وجبت ولد وبعدها تغيرت حياتي لافضل حبني كثير وصار يقولي احلى كلام دايم يمشيني ويطلعني لافخم المطاعم والشاليهات ..
تغيرت حياتي وكنت سعيده جدا ماعاد صار بيننا مشاكل لمدة اربع سنوات واحنا احلى مننا مافيه ..
انا احس اني كبرت وفهمت وشلون اجيه واكسبه لناحيتي .اقنعته نه يخليني اكمل دراستي اللي هي حلمي ...
والحمد لله ساعدني ونجحت وانا الحين ثاني ثانوي ..
اناحملت وجبت ولدي الثاني وصار عندي بنت وولدين ..
الطامه الكبرى اللي انا فيها الحين
طبعي الي مايتغير اللي احسه بيقتلني اني ماتكلم ابد عن الي بداخلي ولا افجر الدنيا واخذ حقي .. اكتشفت يوم طلعت من نفاسي اشياءكثير على زوجي (( مراهق في الاربعين..)
اعرف اتعامل معه واخليه يندم على اللي يسويه بس برضو الشك وطيحت الثقه شينه ماعاد اصدقه ولا اطيق اناظره غصب عني ..
بس انا تعبت انا ابغى اعيش عمري انا الحين 22 واحس اني كبيره عجوز عجوز من الداخل لكن مااهملت نفسي ولا اناقتي ولا اهتماي بلبسي وموضتي .. بس من الداخل تعبان ولا يبين على وجهي الكل يقول ماعندها هم وعايشه سعيده
انا شكلي يقول بريئه وطفله بس من داخلي احس اني عجزت وصرت تعبانه ..
انا هاديه جدا بس أذب بالكلام اللي يجي بالصميم . وابين له اني كاشفته واخوفه من الله ومن عقابه مع انه مايصلي لكن يخاف من الكلام هذا ..
تعبت من عقليته التافهه ومتى بيكون عاقل ..
(( كلماته المعتاده ))
انا مميز والكل يقول انت امير ..
اليوم شافني واحد وقال فكرت انك شيخ ولد شيوخ.
اليوم رحت السوق وشافوني حريم بس يطالعون في جسمي وروعته ..
معه بلاك بيري وجوال ثاني اول ينسى جوالاته في البيت الحين من يدخل للبيت يقفلها واربع وعشرين ساعه طالع ولا يرجع الا الفجر
لا تحسبوني اعاتبه والا اقوله وين كنت والا ادق واقول وين انت وماجيت لاني جربت معه ذا الاسلوب اللي اداريه وارفعه من الارض .. وطلع فعلا متمرد وجبار
اذا اكرمت الكريم ملكته واذا اكرمت اللئيم تمرد
ماأقول الا الله يعين قلبي ويعين كل وحده الله بلاها ..
انا مرتاحه نسبيا لاني ادري ان الله مابتلا مرء الا انه يحبه ..
اتعبتكم اخواتي بمشكلتي التي اراها ليست بمشكله
انا افضفض لكم واترك مساحه لقلبي ان يتنفس
استودعكم الله
بدعوه صادقه من قلبي ان يفرج همي وهمكم ..