مرجع لجميع انواع الزيوت تجارب ناجحه او فاشله كل مايخص شعرك هنا فقط شاركينا

السلام عليكم ورحمة الله وبركاته
اللهم صلي على نبينا محمد واله اجمعين
اسعد الله اوقاتكم بالرضى والسعاده الابديه
خواتي كثر اللت والعجن بموضوع الزيت
وكل يوم والثاني طالع لنا زيت وخلطه جديده
بس ترى كل انواع الزيوت لازم يكون اساسها زيت طبيعيه معروفه
زي الخروع والسمسم واللوز والنارجيل ودابر املاء
والباقي مجرد الوان واضافات واعشاب
بس الاساس والفضل يبقى بعد الله لطبيعة الزيت
ابدأ بتجربتي :
يوم كنت صغيره قسم بالله العظيم اذا رحت لناس وغفلت امي
انهم يفكون شعري ويشمونه بيعرفون سر طوله ولمعته وكثره
تدرون كنت محرومه من التوكات مااحطها لانها ماتمسك شعري كنت اتعامل مع المطاطات
هي الوحيده القادره على جمعه مع بعض
والسر بزيت عافيه وبس
من كبرت وبديت اقصقص واصبغ الله يخلف رااح الشعر ومن يوم
امي الله يغفر لها امين تركت شعري وهو خلاص اندمر
ثاني زيت جربته وجاب معاي نتيجه تهبّل هو دابر املاء يجنن للشعر بس ريحته خايسه
بعد الدمار الشامل والقصف الهائل بكشتي
قررت ارجع لزيت دابر املاء واستخدم خلطة بنوته مزيونه الله يجزاها خير
بس بعد مااخلص الزيت اللي استخدمه الان <<< بس متحسفه بقيمته والله
وتجارب الفاشله كثيره
سبحان الله ماسكات الشعر ماناسبتي واغلب الشامبوهات طيحّت شعري بعنف
وطبعاً انا ملوله ولااستمر
طبعاً سبب تفكيري بهالموضوع هو
عشان تعم الفائِده ومن باب التناصح
وحب لأخيك ماتحب لنفسكِ
كل وحده تدخل تتكرم وتكتب لنا افضل زيت استخدمته
واذا لها تجارب ناجحه او فاشله ياليت تسّطرها عشان الكل يستفيد
تفاعلوا الله يحرم وجوهكم عن النار يارب
واللي مالها خلق تكتب شي
ترفع الموضوع الله لايهينها
اللهم اني اسالك الجنه واعوذ بك من النار