مرحبا بقدوم خلي يوم جاني في محلي ياهلا وألفين سهلا والمهلي مايولي يوجد عرس بالداخل

هنااي

09-06-2022 - 08:41 pm

السلام عليكم ورحمة الله وبركاته
صباح الخير عالصبايا الحلوين
شحالكن ان شاء الله تمام
وكيفكم مع هالبرد
حبيباتي
انا قبل فتره نزلت موضوع وكنت ابي استفسر عن التسريحات الدارجه بالزواجات والوان الفساتين ومن هالقبيل
عاد حضرت بالفتره الي طافت كم زواج
شي بالرياض
وواحد بدبي
وحبيت اخبركم وافيدكم بالموضه الدارجه
با الفساتين / التسريحات / الميك أب <<على وزن سفن اب مصاله
نبداء على بركة الله
اولا _ الفساتين
الفساتين الالوان الدارجه الفواتح
والالوان الصارخه
يعني زي هاللون
بس ماتحطينه بروحه لاتدخلين معه رمادي
او اسود او فوشي
وبرضوو المووضه دمج الالوان
يعني ممكن تحطين اسود + فوشي + فسفوري + تفاحي <<شفته على وحده مسويته دانتيلات روعه
وبرضو النيلي موضته دارجه للأن
والاسود ملك الالوان
وبالنسبه للاقمشه
الشيفونات - الدانتيلات - التل - التفته - الاسترتشات
وابعدوو عن الحراير راحت موضتها
وبالنسبه للموديلات
ام لاحظت الاغلب راجعين للموديلات القديمه
الي هي تجي من تحت الصدر جيبون
زي كذا تقريبا
والاكمام البف والكم الطايح
زي كذا
برضو الفساتين الي تكون برقبه راجعين لها
وبعد الشوار فسكي مره دارج
شفت وحده فستانها قماشته تفته ومركبه عليه في الظهر من ورا على شكل فراشه كلها كرستالات ملونه
وتلمع بقوه وبصراحه مره اعجبني ثانيا - التسريحات
مازالت موضة التسريحات الرومانيه دارجه للان
زي كذا
<<هاذي تعطي الوحده شكل خطيره بس يبي لها وحده وجهها مليان
وهاذي مره حلوه للبنات يعني من سن ال 18 لل25
<<على كيفي احدد
هاذي سويت مثلها طلعت حلووه مره بس انا حطيت شرايط فسفوريه
وهاذي برضوو حلووه
وترا رفع الشعر كله على فووق بطلوه وصار مووضه قدييمه
صارت على تحت
وهاذي برضوو حلووه
بس ادخلو معها اكسسورات للشعر
وكرستالات او شرايط وبما انا بالشتاء انصحكم بصبغات الشعر الغامقه او يسمونها الدافيه
الي هي درجات البني ثالثا - الميك اب
بصراحه انصحكم بالمكياج الناعم
يعني ارسمي عينك بالكحل رسمه حلوه والظل بطلو الالوان
خليه لون اوبالكثير لونين
طبقات الظل هاذي بطلووها
تجي الحرمه كأنها مهرج
يعني الي مفتح وممطط ماله داعي حلات المكياج ناعم يبرز الاشياء الحلوه ويخفي العيوب
مو تصير الحرمه كأنها لوحه متنقله
بوريكم صور المكياج فيها ثقييل
زي كذا ابعدوو عنه
هاذا تشويه بصراحه
وزي كذا ممطط
النعوومه احلى من هالطبقات اتنمى اكوون افدتكم
وبجد انا كنت محتاجه احد يخبرني ويقولي
واللحين حبيت افيدكم بعد ماشفت
اختكم ومحبتكم / هناي
ولكل وحده تدخل الموضوع
<<هالورده بس على شرط تشمونها وترجعونها

التعليقات (9)

فداك أبي وأمي

10-06-2022 - 12:25 am

شميتها ريحتها روعه
يعطيك الف عافيه ع النصايح القيمه والمفيده

فرشة فراشة

10-06-2022 - 01:26 am

موضوع رائع شكراً لك

بروق السحايب11

10-06-2022 - 02:27 am

ماقصرتي يعطيك العافيه وفعلن كل الي ذكرتيه من الموضه دارجه وتعطي فخامه وبساطه وذووق وخاصه الفساتين تشوفين الفستان ناعم وبنفس الوقت فخم وحلوو
وبالنسبه للمكياج ياوالله انا معك بالمكياج الخفيف الحلوو مو المطط على قولتك ههه اعجبتني الكلمه خ
ومره ثانيه مشكوره على المجهود
ترى شميت الورده ورجعهتاههه

عتيبيه وكلي فخر24

10-06-2022 - 03:28 am

مشاء الله عندج ذوق ياهنوي وحسيت انج تمشين على الموضه...
يالذوق..

أحرف ضاحكة

10-06-2022 - 04:29 am

تسلمين على الوردة الحلوة
الله يعطيك العافية

رومانسية بطبعي

10-06-2022 - 05:30 am

مشكوره الله يوفقك معلومات حلوه وياليت نسوي زي كذا ملف لكل ماهو جديد في علم الموضه عامه والأعراس خاصه وتمنى أن تثبت الموضوع موضوع جميل جدآ

كريستالة جدة

10-06-2022 - 06:31 am

روعة يسلموا ياقلبو

JvoN

10-06-2022 - 07:32 am

مشكوره على الموضوع الرائع والمفيد
وهذي وردتك شميتها وبرجعها لك ريحتها حلوه مشكوره

غرٍوٍرٍ آنثى

10-06-2022 - 08:33 am

ههه بجد حلوه وردكى خذيها ولا اخذها ههه
موضوعك رائع بمعنى الكلمه وذوقك احلى منو
تصدقين اناا نفسى بااللون هذاا بس اخواتى يقولون مايجى عليكى حلو لانى سمرا ههه
وهذى التسريحه عملتها بزواج خيتو وكانت روعه

اريد لبس هندي عندي عرس←
شي يطير العقل→