مركز جا فرانسو لازرتيج للعناية بالشعر

هلا اختي كانه على خبري
هو محل بشارع الثلاثين اسمه اكبر منه تحسبينه مركز زي هالمراكز الكبيره صغير مره وفيه فلبينيه ووحده يمكن سوريه
يقعدونك على كرسي وقدامك مرايه ومعها جهاز تكشف على شعرك
وتقطع شعره وتحطها بجهاز وتقعد تهزئ بشعرك
ثم تصقعك بالعلاجات اللي اسعاره موتن حمر
اما الفائده ماادري لاني رحت وكشفت مجانا
يوم شخصت الحاله وحددت الادويه واثاري سعرها موت طلعت وخليتهم
اتمنى لك التوفيق وعسى ماني طولت عليك
هذا مالدي والله اعلم

أنا طبعاً ماكنت ناويه آخذ منهم علاجات
أبغى بس أحدد سبب التساقط وبس
طيب ايش هي الأدويه والشامبوات اللي حددتها لك
وكم أسعارها..
الله يجزاك كل خير
وفي انتظار باقي البنات اللي لهم تجارب هناك

هلا اختي كلام موضي صحيح عن طريقة الكشف لكن انا خذيت علاجاتهم بس لازم الصبر لاني يبيلك تستمرين والنتيجه ماتبين على طول وكل ماخلص كورس تبدين بالثاني انا اخذت كورسين باكثر من الالف ولاحسيت بفايدة وتركتهم روحي جربي وركزي على مشكله يعني مش الدهون والقشره خذي علاج حق مثلا الدهون واذا استفدتي واصلي بس الله يعينك على الصبر وعلى استنزاف المال

ألف شكر حبيبتي المهره
على افدتك الرائعه
وأتمنى ان البنات يقرون الموضوع ويقولون تجاربهم وتجارب غيرهم,...

مرحبا أختي ولا هانو الباقين أنا رحت لهم من زمان وفعلاً يمكن دفعت بدون مبالغة 3ألاف ريال قالت لي إن شعري دهني وفيه قشره ومتقصف وما فيه لمعه انا أستغربت انا من كثر ما شعري لازم احط له بلسم علطول ويقولون لك تحممي قبل ب 12 ساعة وتعالي وانا الحمد الله ما أشتكي من القشرة ومع ذلك عطوني علاج للقشرة المهم إنها علاجات غرابيل أستعملتهم لين ما خلصو شي قبل الحمام وشي بعد الحمام بلاوي ويوم خلص قالو لي تعالي نكشف على شعرك بعدين لما رحت أكشفو على شعري هذا الكلام بعد ثلاث شهور قالو ألحين علاجات تحسين مظهر بس طلعت ما دفعت حسيت إن الموظوع نهب فلوس وبس داومت على الشامبو حقهم والبلسم مدة سنة بس من جد لمعة والشعر صحي وناعم صرت بس استخدم الشامبو والبلسم ما أطلو عليكم تركتهم وصرت أي شي بالمنتدى اسمعه احطه بشعري وهذي كل الحكاية ....

موضى1
ههه مت على اسلوب موضيي الله يسعدها خ
ماعندي فكره اختي
بس فيه عيادات اسعارهم معقوله ونتايجهم حلوه اما ادفع 3000 على شعري !! عشان قشره ودهني!!
استخيري وتوكلي على الله

اهتمو بغذائكم والله شعركم يجي روعه