مساحة بوح أنثري همومك هنا

انا راح ابدا و افضفض لكم شوي
انا مشكلتي امي عشاني اخر العنقود
رافضه اني اتزوج تبيني دايما جنبها
مع اني تعديت الثلاثين
موب قادره اقولها اني يا امي خلاص
موب قادره اصبر نفسي اكون عائله
ولا قادره اسكت صايره بين نارين
امي احبها و اموت في تراب رجولها
بس نفسي بعد يكون عندي طفل
ولكن املي بربي كبير ان يأتي بالفرج

همى كبير قد الجبال يارب يفرجه من عندة
لمن حاولت اكتب احس الكلام كثير
ما ينوصف من كثره
بس بالمختصر ان مشكلتى سحر وعين ونفس
وتعب نفسي وجسدي
وانا املى بالله عز وجل يشافينى من عنده يارب
الله يفرج همومكم وتفرحون بحياتكم يارب

ما أدري من وين ابدأ
أنا يتيمة الاب والام وعايشه بين اخواني وأخواتي
ومشكلتي أخواني ؟
كل ماتقدم لي أحد رفضوه وأحياناً قبل يستشيروني ويمكن أنا بعد غلطت ل أني سلمتهم مستقبلي
لكن ب حكم أني بنت وعيب احكي بهالموضوع كنت أسكت , و الحين ندمانه حيل على السنوات الي ضيعتها من عمري
وأسأل الله أن يفرج همومنا ويجعل لنا من كل ضيق مخرج

صح وهذي المشكله كثير منا تستحي تتكلم في ذي المواضيع
واصلا حتى لو حاولت تتكلم الكل يطالع فيها انها قليلة ادب
الله يعدلها من عنده

يابنت الحلال هذاك أول
الحين بنات هالوقت مايستحون ويتمنون الزواج علني ويحتسون فيه ومنه حقهم هالشيء
وأحنا بعد من حقنا نطلب هالشيء ونتكلم فيه
لاتسكتين مثلي ع الأقل الي بتتكلمين معها أمك يعني مابينك وبينها حواجز
بس أنا صعبه شوي مع أني والله صرت أكلم أختي الكبيره وهي توصل لهم الكلام
...
محتاجه صديقات أفتح لهن قلبي ويارب الاقي بهالمنتدى غايتي

ابي اشوركم بشغله
خواتي يبوني اروح لزواج معهم
وانا ودي اروح معهم بس امي رافضه
لانها عارفه ان خواتي يبون ياخذوني
عشان يمكن ينفتح نصيبي و انخطب
وهي ماتبي هذ الشي
بس اليوم قلت الها و اصريت وقالت روحي وهي زعلانه مني الان
والحين صايره بين نارين ودي اروح عشان لاتكون فرصه لي وانا ضيعتها
ومابي عشان امي لاتزعل علي تكفون شورو علي اروح والا لا؟؟

اميره بدنيتي
انتي لازم تفتحين قلبك لآمك تقولين يمه ماتبيني افرح وانتي موب باقيه لي طول العمر
انا لازم يكون لي زوج اسند ظهري عليه يكون ستري بكره بكون بروحي قولي لها لزوم اششوف نصيبي واعمل بالاسباب موب جالستن بالبيت لا طلعه ولا احد يشوفني وانا جالسسه بالبيت 24 ساعه حتي الزواجات ماتروحين ....وقولي لها ماتبين تششوفين عيالي واحفادك وتفرحين معي
ومن هالكلام ونزلي دمعتين واقنعيها وروحي الزواج ويارب يجيك نصيبك وتنفرج عليك يارب
دعواتي لك يالغلا

اميرة بدنيتي
م يعني ليش زعلآنة ؟؟ آنتي رآح تروجين على زوآآج وبس ,, يعني عآآدي قنعيهآآ ووقولي .. يمآآ كم سآآعة وآآرجع ^_^
ana wbas
الله يرزقك خيتوو
واحنا موجودين فضفضي وقولي يلي بقلبك ياغلا ^^
همسة انثى ^ ^
الله يشافيك ويرزقك

الله يسهل امرك