مساعده لوسمحتوا

$$لينا$$

12-07-2022 - 07:46 pm

السلام عليكم ورحمه الله.....
كيفكم يافراشات
عندي طلب واتمنى انكم تساعدوني
زواج بنت عمي
بعد ثلاث اسابيع وراح اهديها الكوشه ودفتر الذكريات
ومو عارفه وش اكتب اهداء لها اتمنى اللي عندها
خلفيه بهذا الموضوع ماتبخل علي...
وشكرا

التعليقات (8)

دلوعة_الإمارات

12-07-2022 - 10:04 pm

انا وايد أسمع بنات السعووديه يقوولوون دفتر للذكريات...شو قصدكم فيه ياليت تفهمونا...
انا اول شي ظنيت انه الألبوم مال الصور ؟؟؟ بس عقب شكيت في الموضوع ؟؟

احلى بسومه

12-07-2022 - 11:05 pm

دفتر الذكريات اللى يكون مع الكوشه وينكتب فيه تباريك وذكريات على يوم الزواج
وفيه حد يكتب خواطر انا سويته في ملكتى والله اذا جلست اقلب الصفحات اتذكر ذاك اليوم واحداثه مرره حلو

دلوعة_الإمارات

13-07-2022 - 12:06 am

كيف يعني يكون مع الكوشه...احن في الامارات ماعندنا هالشي...بصراحه فكره حلوه..و أفكر اسويها..
بس ممكن اتزيديني معلومات عنها...؟؟
و اشلون اتكوون مع الكوشه معلقه و الا كيف ؟؟

احلى بسومه

13-07-2022 - 01:07 am

دفتر الذكريات يكون مع الكوشه على الوانها او على تشكيلتها
يعنى اذا انتى مسويه الكوشه بحريه والوانها على سماوى وازرق يكون الدفتر نفس الحركات واذا الون على ذهبى وبيج يكون نفس الشى الدفتر دائما على نمط الكوشه يكون لانه يوضع على جانب الكوشه وكمان فيه ناس يتركون الين بعد العشاء عشان الكل يكتب فيه مره حلو وخياليه الذكرى اللى يتركها
اتمنى يكون شرحى واضح

دلوعة_الإمارات

13-07-2022 - 02:08 am

م احن الناس مب متفيجين يكتبون بيوون ياكلوون و يشووفن الرقص و العرووس و يروحون ههه

احلى بسومه

13-07-2022 - 03:09 am

بعد الكوشه والرقص والاكل اتركيه عند التوزيعات اللى بعد العشاء واتركى بنوته كذا 7 او 10 سنوات توقف عنده
وتطلب من اللى يمرون يكتبون فيه صدقينى بيمتلى الدفتر وبتحصلين الصفحه فيها اكثر من وحده كاتبه من الزحمه
وبالتوفيق ياغلا

فيـــــ المشاعرـــــض

13-07-2022 - 04:10 am

مرحبا حبيتي
انا الصراحه ما عندي فكرة الان عن اهداء لكن بدورلك ان شا الله ولو لقيتلك ابشري
بس ودي ارد على الاخت دلوعة الامارات
دفتر الاهداءات ممكن ينحط عن المدخل واللي يدخل يكتب اهدائه
اتمنى اني ما اكون داشة عرض

دلوعة_الإمارات

13-07-2022 - 05:11 am

مشكورين على المعلومات القيمه...شي وايد حلو بصراحه...دام جذي انا عندي فكره..
ليش ماتلصقوون اوراق من الكمبيوتر..و تحرقونها على الاطراف..و اتسوونها شرات الرساله..
بس اتلصقوونها بشكل عرضي.. برى او عند ممر الدخول و جنبه اقلام معلقه..و الناس يكتبون فيه اهداءاتهم..
و عقب مايخلص العرس..هالأوراق اتشلونها..و اتلفونها شرات اللفافه ... أو الراسله القديمه..
و تنربط بشريطه عقب ماتنلف..
شرايكم..

اريد اناشيد للأعراس←
بنات الامارات وخاصة دبي→