مستقبل تقنيه المعلومات و العلاج الطبيعي

حبيبتي هذا كان ردي على موضوع وحده من البنات كانت تسأل عن العلاج الطبيعي
هلا حبيبتي
انا علاج طبيعي بس (سنة تحضيريه)
يعني للحين ماأخذنا شئ عن العلاج الطبيعي
شوفي انا بأقولك كل اللي أعرفه
انا دخلت هالقسم عن رغبة شديدة والحمدلله انقبلت فيه
حبيت القسم لانو فيه احتكاك كبير مع المرضى
بعكس اي تخصص طبي عارفه ليه؟ لانو مرضى العلاج الطبيعي
يحتاجون الى انهم يزورون الأخصائي كثير ع بال ما ينتهون من المشكله اللي عندهم
فعشان كذا راح تكونين عارفه مرضاك
هو يعتبر طب تكميلي (بحسب ماسمعت)
ويقولون أغلبه فيزياء وهو أكيد مافيه شئ سهل
بس إذا انتي حابه هالقسم اكيد بتتحملين
انا بجامعة نورة وأنصحك فيها و(بقوة)
لانو بجامعة سعود العلاج الطبيعي>> قسم من اقسام العلوم الطبيه>> اللي دارجه تحت اقسام البرنامج الموحد
بس بنورة لا عندك كلية العلاج الطبيعي كلية مستقله تمامآ
واللي تعتبر أول كلية مختصة بالعلاج الطبيعي
وبشكل عام العلاج الطبيعي بنورة وسعود وبجامعة الملك عبدالعزيز بجده(حسب معلوماتي الشخصيه)
يعني يعتبر قسم نادر نوعآ مآ
ان شاءالله اذا تخرجتي راح يكون مسماك (أخصائية)
بس تقدرين تكملين وتصيرين (دكتورة) ان شاءالله
راح تسمعين يقولون انو تدليك وتهميز وكلام فاضي بس ماعليك منهم
لانو أصلا العلاج الطبيعي مختلف تمامآ
يعني هو عبارة عن طرق فيزيائية مثل العلاج بالماء او الكهرباء وماإلى ذلك
وأحيانآ مثلا بيجيك مريض يشتكي من شد عصبي في يده
بتضطرين تسوين له طرق فيزيائية (وهذا اللي يسمونه الجاهلين "تدليك")
وهو بالحقيقه مو "تدليك" يعني مثلآ مستحيل يجيك واحد مافيه مرض ولا شئ
ويقول "دلكيني" لا مستحيل لان هذا شغل الفلبينيات اللي بالمشاغل مو شغل (أخصائيات)
ايه صح بالنسبة لسنوات الدراسه
أنا حضرت برنامج تعريفي للعلاج الطبيعي<<<لقافه لانو كان للبنات اللي بسنه 2 وانا سنه تحضيريه
المهم يوم حضرت قالت الدكتورة انو سنوات الدراسه
4 سنوات بالاضافة الى سنة الامتياز بالاضافة الى السنه التحضيريه
يعني كله ع بعض 6 سنوات يمكن بتشوفين انها طويله انا بالبداية بصراحة انصدمت
بس بعدين شفت اغلب الاقسام الحين صارت 5 سنين لانهم اضافوا السنة التحضيريه
واحنا زيادة سنة الامتياز اللي راح تكون تطبيق بالمستشفى يعني ان شاءالله تهون
يمكن طولت بكلامي بس حبيت أفيدك
ودعواتك اني أجيب معدل بالسنه التحضيريه عشان أدخل قسمي ^_^
ويارب ان شاءالله اشوفك معنا السنه الجايه وأباركلك القبول
بس شدي حيلك لانو العلاج الطبيعي يطلبون "نسبة عاليه" وبالتوفيق

يالبى قلبك
مشكوره مره ع المعلومات الحلوه والمفيده
و مسمى العلاج الطبيعي بصراحه مدري ايش يبي
انا اشوف بالانجلش اسمه Physiotherapy
يعني العلاج الفيزيائي
ع العموم ثانكيو و جزاك الله خير

up
ساعدوني بنات الحاسب اكيد عندكم فكره عن تقنيه المعلومات

يسعد لي الفراشات
انا دخلت علاج طبيعي وان شاء الله ربي يسهل
اما بالنسبة لتقنية المعلومات والله ما عندي فكره بسال لك وبشوف
<<-- خايفه يكون ردها متاخر بس توي اشوف الموضوع