مستقبلي والا اهانه زوجي ساعدوني

السلام عليكم يابنات انا عندي مشكله واللي تساعدني ابي ادعيلها من كل قلبي
انا ابي اتكلم عن حياتي من تزوجت والله من دخلت عتبه باب شقتي وانا في مشاكل مع زوجي وغير كذا ماحس براحه ولا هو في حب لكن ماادري ليش المشاكل تجي يمكن اول الامر مني تجي عشان كنت اشك فيه كثير وهذا تعبنا مع انه للعلم مو مغازلجي ويخاف ربه لكن اشك فيه من غير ولاسبب
المهم كذا مره تهاوشت انا وياه بالبدايه كان يسكت ويطنش المشاكل وكان يمسك حاله عند الغضب لكن بعدها تطورت الامور والله ان كذا مره يوديني لبيت اهلي (مرت ابوي واخواني )امي بقطر هي وابوي المهم يوديني طقيق وبعدها يردونا لبعض واسامحه وبين فتره لفتره يهدد بالطلاق لحد مره تهاوشت انا وياه وطقني وطلبت الطلاق طلق بعصبيه وردونا لبعض لكن انا بقيت زعلانه وهو راضاني وبعدها مشت حياتنا يزينها والله يابنات زوجي مافي مثله قلبه حلو وكريم وماعمره منعني من هلي او صديقاتي او حتى طلعت السوق وشهم وغير كذا دمه خفيف لكن ماادري وش فينا كل مشاكلنا مالها سبب قوي اشياء تافهه لكنها تنتهي بمصايب
المهم انا صارلي ثلاث سنين متزوجته ومافي اطفال وسوينا تحاليل وطلع فيه قله حيوانات منويه وضعف والدكتور قال انتو ماينفع لكم الا طفل انابيب يعني الحقن ماراح ينفع وحتى لوتعالج يمكن يطول والله يابنات انا رفضت مع اني كان ودي بطفل ماادري شنو اللي خلاني ارفض والله انا شاكه انه فينا عين او نفس وماني عارفه شلون اتخلص منها انا خايفه اتركهه ويرجع وضعه طبيعي على فكره انا جميله ولله الحمد مو غرور لكن الكل يقولي هالشي وهو مايعرف الحلا نهائيا عشان كذا اللي حاوليني يقولون يمكن الرجاجيل صكوه عين علي والله من اخذته وهو حاله من اردى الا اردى من ناحيه الوظيفه صج الراتب 6 وشي لكن مايسوي شي كله رايح على قرضه ويعطي اهله 2000 وانا يالله 500 لاواخذ منه احيانا زود حياتنا مافيها بركه الحين هو وده يدرس بكنداا رااح يمشي بعد اسبوع والله يابنات امس تهاوشت انا وياه عشان خواته كلما بغيت اطلع نقزو قدامي تقل مافي غيره مع ان في 4 من خوانه وسواق لكن الشكوى لله وودي اقضي اخر الايام معه طلعات وناسه بس ماهقوتي الحين طبعا حجوزات عليه يسابقوني عليه المهم قعدنا نتراسل هو كان برا لما طلعت كل اللي بقلبي جاني معصب اهلي واهلي وتخيلو قالي اذا تبين الطلاق اطلق على بالج انا مااقدر امشي الحين تلمين اغراضج وهاني وقالي فلانه تاج راسج قلت تخسى قال تاج راسج وده يضرب بس مو عارف شلون تخيلوا يقول ستين حيوانه تتمناني طلعني قطوع انا قلتله تبي تطلع اهلك طلعهم يوميا لكن انا ودي اطلع انا وياك بروحنا المهم هو يعلي صوته وانا اهدي ما ودي فضايح حمواتي كلهن بنفس البيت المهم تاليتها قط باكيته بالارض وقال شيليه ولا كاني اسمع قال شيليه انتي ماتسمعين شلته وسكت مابي فضايح هو وده يضرب المهم انا صكت فيني الدنيا مادري شسوي اسكت على هالعيشه لحد مايسويلي جواز انا بدون من قطر واكمل دراستي معه بكندا واتحمل اهانته لي والا اسكت لحد مايطلع الجواز واروح لهلي اضحك عليه بالاخير وارووح لهلي والله ستين واحد يتمناني انا ماني قادره اعيش مع شخص كانه قنبله موقوته حليل وضحوك واللي ابيه يجيني لكن لما يعصب يخربها انا والله ودي ارجع يم امي لانه بهطريقه ماينعاش معاه الزم ماعلي كرامتي او اسكت عشان المستقبل والدراسه وانطره لين يتعالج مع اني بالاخير ادري اني راح اسوي طفل انابيب والله يابنات تقل ممني عيشتي معاه كأنه متكرم لما اخذني اقول خليه يشوف حاله اول انا ماودي اضيع حالي لكن وش تشورون علي تكفون والله زهقت اسكت عشان الناس ماتقول طلقها عشان عوبه وقويه لا ويمكن اهله يحطون العيب فيني حسبي الله ونعم الوكيل والا اضيع دراستي براا واتحمل لين يتسنع انا خايفه حتى لوجانا طفل بعدها مانتوافق وابتلش تكفون يابنات ردو
تكفون ساعدوني