مشاكل سببت لي حالة نفسية ارجوكم يا حريم ساعدوني

بسم الله الرحمن الرحيم
السلام عليكم ورحمة الله
.
.
بصراحه احترت وين انزل الموضوع ما لقيت الا هالقسم ع الاقل يكونو كل اللي فيه فاهمين شقصد
و بدون تطفل من احد ..
ترددت كثير قبل اطرح مشكلتي .. و اللحين متردده كثير كيف ابدأ !!
.
.
انا بهم ما يعلمه الا الله .. و كل ما افكر بنفسي شوي واصيح ..
عمري 18 و مخطوبة و بعد كم سنة بيكون زواجي إن شاء الرحمن ..
اعاني من مشاكل كثير .. بالذت في الرحم ..
احس بألم مفاجئ و فضيع يُجهل سببة .. و احس بضيق ما يطاق
سمعت مواضيع بالخراب ( مادري هو اسمه كذا او لا ) و احس لما وصفوه
كانه هو اللي اعاني منه ..
كمان انا من كنت بالمتوسط ما كنت ما افهم شي ابدا فكان عندي
وسواس نظافة خصوصا بعد الدورة اعزكم الله كنت و بجهل مني افتح الماي بقوة و ابدأ انظف
بالماء و الصابون ولا يهون الفرك .. وكل هذا خوف اني اترك اثر لدم الدورة
من كثر ما كنت اتقرف من نفسي ..
لدرجة انو صار ينزل دم مادري هل هو دورة او لاني .. يا ريت تكونو فاهمين
ما ودي اكون صريحة كذا و اذكر كل شي بالتفاصيل ..
لكن والله و الله مضطرة و عمري ما تجرأت زي اليوم ..
لكن الى متى بكون ساكته !! تعبت صراحه
هالسنه احس انو في شي صاير قريب من المنطقة حاولت اسوي بحث
في المنتديات و كذا ..
و قريت عن نزول الرحم اللي ما ادري وش اسبابه لكن من ضمنها لما تشيلي اشياء ثقيله
وانا ما اخلي شي ما اشيلة رغم صغر سني و جسمي النحيف
وخايفه صراحه لان الالآم تزداد مرات ..
و كمان ورا مع خروج الفضلات عندي لحمتين زايده مادري شتكون بالضبط
هل ممكن تكون بواسير مع العلم انو ما احس بالم
لكنها مره مضايقتني وشكله يفجع ..
.
.
ارجوكم ساعدوني انا ما اقدر اتكلم مع امي في هالامور احس بخجل كبير
و امي ما تعطيني الضوء الاخضر عشان اتكلم معاها
انا نفسي اروح لحرمة موثوق فيها اللي تعالج بالاعشاب لكني اخاف اروح لحالي
و كمان اخاف اقول لأمي بالذات هالحريم امي تكره اتكلم عنهم باي شي
حتى لو قلت بروح لهم عشان شعري تقولي بصوت عالي ان هم حقين
حريم مو كبرك و اشياء ما تخصك و حقين ولادة بس !!
انا تعبت نفسيا متى اقدر اتكلم متى اصارحها !!
ودي تساعدني وتكون معي ما ابي اكون كذا ضايعه زي العمياء مدري شسوي !!
لدرجة اني قررت اقولها اذا بقى على زواجي كم شهر عشان تتصرف
بس خايفه من شيئين ..
اخاف اقولها و مايكفي وقت للعلاج !
او اقولها و يكون فات الفوت و صاير شي اكبر من اللي كنت اتخيله وماله علاج !!
بجد احسني خربانه خربانه و ضايعه من زمان ..
انا حتى لما اقول لأمي ابي اسوي تقشير تقولي ( ليه بتعرسين ؟!! )
مع اني مخطوبة و في ظروف مو ثابته على حال يعني نتوقع ان
خطيبي يقرر الزواج على طول و نتزوج بعد فترة مو طويلة !!
انا تعبت صراحه من نفسي و من سكوتي
يا ريت تساعودني ارجوكم و تعطوني ارقام حريم ثقه تعرفونهم
يمكن اتجرأ و اكلم امي ..
.
.
نصيحة لك ام ..
ترا كل ( أمر نوعه نهي ) بدون سبب .. نتجاهله و لا يعني لنا شي ..
يعني امي كانت تقولي لا تفتحين المويه بقوة اذا جيتي تغسلين
واذا سالت تقول مو زين و بس !!
و انا كمراهقه اشوف ان امي هي اللي تختلق الاوامر و مشتهيه تتسلط وبس !!
مع انها لو قالت لي السبب اخذت النصيحة جد و عملت فيها ..
بتقولون ان الام مستحيل تشرح لبنتها .. بحكم انه عيب ومادري ايش
مع انه شي هي راح تعرفه يوم من الايام منك او من غيرك
فما يحتاج تعرفه بعد ما يكون فات الفوت !!
يعني هذا جسمها و حق عليها تعرف طبيعتها و كيف تحافظ على نفسها
واللي ما تتجرأ تكلم بنتها تعطيها كتاب يوضح لها الشي اللي هي لازم تعرفه
واعتقد افضل عمر لما تكون بأول متوسط ..
كمان لما الامهات يقولو لا تيشلو اشياء ثقيلة .. و من دون ما يذكرون السبب
الا السبب الوحيد ( يقطع قلبك الحمل الثقيل )
فاحمل اشياء اثقل مني عشان اوريها ان قلبي ما اتقطع واني اقدر اتحمل ..!!
يعني ع الاقل ع الاقل لو قالتلي سبب معقول و تقريبي اقتنع فيه كان ابتعدت عن هالشي
يعني تقولي راح يأثر داخليا بجسمك و يخلي المعده تنزل عن مكانها
و هذا الشي يسبب نزيف و من هالخرابيط ع الاقل اقتنع شوي !!
تفكيري صار مشتت .. و سامحوني ع الاطالة
و اذا كان فيه إساءة انا اعتذر من كل قلبي
استودعكم الله