مشغل marvel بالرياض فخم ويستاهل الزياره يوجد صور

السلام عليكم يالغاليات ,,
كيفكم ان شاءالله تمام وبصحه وسلامه
طعباً موضوعي واضح عن صالون " MARVEL " بالرياض
..
.
قبل ماتكلم عن الصالون حابه اقول شي مو من باب دعايه لا من باب اني تعاملت معاهم
وخدماتهم مره خيال ماشاءالله تبارك الله ويستاهلون اني اتكلم عنهم ,,
المشغل بالرياض مخرج 9 طريق الامام محمد بن سعود قريب من تقاطع العليا
(( قبال جمعية المعاقين ))
من برى المشغل شكل فراشه موف كبيره مره
وعجبني المشغل بشكل خيال ماشاءالله فخم بمعنى الكلمه كنت اتمنى القى مشغل بهل الروعه وقريب من بيتي
ويكون خدماتهم حلوه ومن زمان وانا انتظر متى يفتحون وعلى طول رحت لهم
طبعا اخترت العضويه البرونزيه وكانت ب 1500 ريال سعودي
وهي حمام مغربي 2 تنظيف بشره 2 بدكير ومنكير 2حمام شعر مكياج +تسريحه
وحلاوه شعر كامل الجسم
عندهم عروض وبرضو للعرايس
منتجاتهم ماركة لاوريال و شركة تاليون الفرنسية
سويت تنظيف بشره عند اماني برمضان وش اقول وش اخلي يجنن يابنات عجبني وربي باقي لي جلسه ومتحمسه اسوي
سوتلي مكيااج مريم ماشاءالله روعه مره مرتب ونظيف ودمج خيال
كل مكياجاتهم ماركات افسان لوران وميك اب فورايفر وماك والخ
طبعا صبغت شعري خيال صبغتها مره روعه عجبتني كثير وهي ميمي
التسريحات شفت منه وحجيبه روعات
عندهم وحده اسمها امال شامله كل شي خيال بصراحه
سويت مساج و حمام مغربي عند حجيبه لا يعلىعليه اتعب اقول روعه وبدكير ومنكير عجبتني طلعت من المشغل وانا مره مرتاحه ومبسوطه
وانا صعب صعب يعجبني احد بس باين على المشغل تاعبين عليه مو اي احد جايبين
طبعا راح اعرض لكم صور للمشغل واستأذنة من المديره قلت لها ممكن اصور
وراح انزل بالنت لان من جد تستاهلون قالت بالعكس خذي راحتك تعاملها زي العسل وانتوا روحوا وبتعرفوني اني صادقه ,,
مدخل الصالون من الداخل
موكا طعمه توب
ماحبيت اقوم منه
ان شاءالله عجبكم وراح يعجبكم اكثر اذا زرتوهم وقولي للمديره من طرف تولان
طبعا المشغل جديد وكل خدماتهم من صبغات وقص وسشوار وحواجب وحمامات والخ روعه
لان المشغل تووب فيختار التوب الي تبي رقمهم ارسلها لعا والحمدالله اتمنى من مشغل marvel النجاح يارب
والي تروح ويعجبها لاتحرمنا من دعواتها
الموقع
تحياتي لكم اختكم تولان