مشغل راقي وحلو وسعره مناسب في جدة تفضلوا يافراشات جدة

مساء الورد....
كيفكم ياحلى فراشات...
قرب موسم الافراح.....
والمناسبات الحلوة كثيرة ماشاءالله....
سؤالى عن مشاغل شغلها ممتاز في التساريح والمكياج...وسعرها مناسب يعني في حدود 200و100,150,ريال
باختصار لا احد يقولي منة سنتر والشيخة وريما وجاك وسيرينا وجمالك وبوتشي والياذة وكارمن ورويال كير وبثينة ونوارة والمقينة ودار الموضة
لان معظمها اسعارها مرتفعة..يعني ممكن اروح مرة في مناسبة قريبة جدا لي يعني فرح اخوي اختي اخو زوجي ...
وبعضها مايعجبني ستايلهم ....
ولاتقولولي سهير واللي جنبها المحلات ...شعر ممكن لكن مكياج لالا لا مرة مايعجبني عندهم....
معليش صعبتها عليكم...وجالسة اتشرط على حبايبي الفراشات..بس انتو اكيد قدها...
وطلبي هو من خلال تجربتك الشخصية هل عجبك شغل احد الصوالين وكان سعره مناسب...
اتوقع انه فيه مشاغل حلووة بس غير معروفة ..وصعب الوحدة تغامر وتروح اي مشغل لمجرد سعره المنخفض وتتورط في رداءة الشغل وماتعجبها النتيجة...
يعني ابغى شي راقي ونظيف ويكون مكياجهم ماركات معروفة مو اللي تبقع الوجه وكيلو الدقيق اللي بالي بالكم..وعيون الباندا...بسم الله علينا...
اتمنى انكم فهمتوني وطبعا الموضوع حيكون مفيد لنا جميعا....
اخيرا ..اود ان أسالكم اذا فيه احد جرب هالمشاغل من خلال بحثي توصلت لها..
النصف الاخرسابقا(مي سنتر)اللي في شارع باخشب ..
الجمال الراقي ...في العزيزية...
الدانة....في السليمانية...بس مااعرف فين بالضبط..
ختاما...شكرا لتواجدكم بين اسطري...