مشكلتى ابغى لها حل

1. مساء الخير عليكم

مساء الخير عليكم

انا عندى مشكله مضايقتنى وصار لها اكثر من شهر وللحين مضايقتنى ومأثره على علاقتى مع زوجى ومسببه لى ارق وضيق .. ودى تساعدونى وتقولون لى رايكم ترى انا ما عندى احد غير الله
المشكله ان صار معاى موقف مع اخت زوجى من خلال الفيس بك وعلقت على صور ولدى تعليقات مو حلوه وانا رديت عليها بالمثل وقامت كتبت كلام تقول فيه باننى لااحب اولادها واننى احب فقط نفسى وانها لاتحتاج حبى فى حياتها ثم انا رديت عليها وقلت لها باننى ايضا لا احتاج حبها المهم هى مسحت الكلام والتعليقات وكتبت شئ ثانى يدل على انها مظلومه وما كانت تقصدنى بس انا طلعت اذكى كنت مسويه سيف حق الكلام ولما جا زوجى شاف الكلام بس للاسف قهرنى ما سوه شئ سوى انه سمع كلامى وانا ميته من القهر وهو عادى عنده المهم طاف الموضوع وانا ابتعت عنهم وزوجى ولا كلم اخته ولا امه وهم بعد مطنشين واللى قاهرنى اكثر ان ام زوجى كأنها ما صدقت ازعل حتى ما اروح عندهم وكل مره زوجى يروح ماتسال عمتى عنى
يعنى مب من الظلم ان الشخص ينظلم ومحد يدافع عنه حتى زوجى ماكلف نفسه بعاتب امه او اخته
انا من زمان احس انهم مايحبونى بس قلت اكسبهم بالطيبه بس صعب تخلى الناس يحبونك
واليوم اظريت اتصل بعمتى اسال عن ولدى فى بيتهم كلمتنى بغير نفس وحتى ماقالت اشلونج وينج ما تجين ....
انا كلش زعلانه ومتضايقه واحس بالظلم والقهر ان محد من بيت عمى يحبنى وان الحقيقه محد يعرفها الا ربى
قولوا لى شسوى اشلون اواجه المشكله وانا جدا متضايقة من سلبيت زوجى وانه ما وقف معاى
وهل اخاصمهم وابتعد ..... ساعدونى