مشكلتي مع زوجي الي عجزت القى لها حل

انا متزوجه من ست سنين وزوجي عادي مثل اي زوج مافيه شئ مميز
مميزاته السوق عادي. لما اروح لحد عادي. مايضرب .
يعني حياة عاديه
عيوبه
كل شئ علي بنته .تطيح تصيح ماينحرك .بخيل شوي (بس من القروض والاجارات )يعني ماعندي الي عند غيري لاذهب لا لبس ماركات مثل بيت اهلي لا شغاله اثاث عادي
دائم ساكت ..يحب يطلع كثير .حريص كل شئ عنده بسرعه نروح للمطعم نتعشى مايقول لي ولا كلمه نتعشى ونحاسب ونطلع كانهم بيطردونا
السوق بسرعه .لما نطلع نتمشى بس على الدائري ويرجع يحطني بالبيت مايسوى البس واخذ شنطه لبنتي فيها اغراضها وكلها نص ساعه
مايسولف معي كل شئ اعرفه من الناس اذا زعلت يتغير يومين ويرجع مثل اول
بس المشكله الي متعبتني بحياتي اكثر شئ يعني كله يهون الا هي
انا حنا بالرياض واهلي بالشرقيه
واهله بعد
وكل اسبوع لازم نروح لهم من الاربعاء لحد الجمعه والمشكله ماعندي غرفه عند اهله يعني اجلس بمجلس الحريم من الظهر لحد العشاء ....
وتعبت من الروحات والجيات الطريق يتعبني خصوصا اني جايبه بنتي بعمليه
اربع ساعات طريق
واهلي بيتهم كبير وناسهم واجد وانا ماغير اركض وراء ذا البنت
حريم اخواني اهلهم بالشرقيه وبالشهر يزورونهم مره
ودي احس بالاستقرار ببيتي
اقوله رح اونا وبنتي بنجلس هنا وهو مو راضي يقول اخاف يصير لكم شئ اقول عندي الجيران وكمان موراضي
عطوني حل قربت انجن من المشاوير
المشكله لو بيت اهلي فيه راحه كان ماعندي مشكله المشكله اني اتعبب ببيتهم
تخيلوا العيد اجلس عندهم كل الحريم مع رجاجيلهم الا انا عند اهلي .بنتي جالسه لحالها.اخواني كل واحد مااخذ عياله عند محلات الالعاب وانا جالسه ببنتي بغرفتي
المشكله ان حريم اخواني لما يشوفوني يتركون شغل البيت والعيد كله علي ......
عطوني حل انا ماهمي العيد كثر ماهمي روحة كل اسبوع ....
ماخليت شئ زعلت قلت خذ بنتك عند اهلك انا ماقدر اركض وراها ....
عجزت ياناس ابي حل