مشكله اذا هذي الامور تحصل في القسم هذا

1. الشي الاخر وهو القصص الغريبه العجيبه الي فيها جنس :


2. اشك احيانا ان الي منزل الموضوع رجل وليس امرأه

بسم الله الرحمن الرحيم
السلام عليكم ورحمة الله وبركاته
اسعد الله اوقاتكم بكل خير
اخباركم يا اخوات طيبين
انا بصراحه اصبحت اتردد على هذا القسم والسبب حابه اتعلم الحياه منكم واعرف وش لون اتصرف فيما بعد لما يكتب الله لي الزواج
انا مطلقه ماعندي مجتمع يلعمني الحياه كله جالسه في البيت عندي ستالايت وعندي نت من خلالهم اتعلم الحياه منه
أنا نظرتي للحياه ايجابيه و أفكر بعقلانيه
بس الحكايه مو في هذي الحكايه في الي قاعده اقراه في القسم هذا من أمور تحدث في الردود بعض الاخوات و طرح المشاكل و قصتها الغريبه و المواضيع عن الامور الزوجيه الخاصه
اولا بتكلم عن الامور الخاصه في الحياه الزوجيه :
في اخوات متزوجات ينزلن مواضيع و يمكن تصير فيها صور نزلت الموضوع عشان تفيد خواتها المتزوجات
الحين وش دخل البنت الغير متزوجه ترد وتقول انه ما يصلح الموضوع هذا ينزل وليه الصور ومادري ايش
طيب السؤال الغبي هنا ليش تدخل وتشوف وتعلق ما دام انها ماهي متزوجه و تعلق و تطلب ان الموضوع ينحذف ليه وش ذنب الاخوات المتزوجات يوم الموضوع ينحذف او انه ما عجبها الموضوع
الموضوع هذا للمتزوجات هي وش دخلها فيه و تعلق بعد الحكايه ماهي ان الي يعلقن معقدات لا
صغيرات في السن ما تعرف الامور هذي و لا اعجبها طيب فيه اقسام ثانيه غير قسم المتزوجات وش معنى القسم هذا دخلتيه وكأن القسم هذا يعني لها اكثر من المتزوجه نفسها
ياليت المواضيع الخاصه بالمتزوجات ما يتدخلن فيها الاخوات الغير متزوجات ولا يعلقن عليها لأنها ماهي من اختصاصهن .

الشي الاخر وهو القصص الغريبه العجيبه الي فيها جنس :

اشك احيانا ان الي منزل الموضوع رجل وليس امرأه

لو احكي لكم وش صار معي في دردشه امرأه تدعي انها مطلقه و انها ............ وانا اقولها اتقي الله حرام الي قاعده تقولينه ما يجوز لك وحتى فعلك المشين هذا ربي بيحاسبك عليه اتقي الله لكن ما فيه فايده وقامت تتكلم عن الجنس اعوذبالله ما لقت الا الموضوع هذا مع اني اجزم ان ما فيه امرأه بهالشكل تتكلم بجراءه اكبر او على الاقل تتأدب في الكلام مع الطرف الاخر لكن المصيبه العظمى اكتشفت بعد وش انها رجل لأن الاتصال بالنت انقطع بيني وبينها بتقولون وش الي دخلك لشات انا تعرفت على داعيه واتفقت معها انا نتعاون سويا في نشر الدين و نذكر الناس بأمور الدين المهم انا ما قدرت اركز زين في ان الي احادثه رجل ترى الرجل يحب الحديث عن الجنس لكن وش اقول كل الي اقدر اقوله يا أخوات انتبهوا ان بعض المواضيع و خاصه لما تكون مسجله حديثا وما نزلت حتى موضوع يثبت انها أمرأه او انها تنزل قصتها ويتخللها جنس وتعالوا شوفوا ردودنا اكيد قاعد يضحك علينا وعلى نقص عقولنا احنا يالحريم واحنا ما كان قصدنا نبي نصلح و نحل المشكله وهي اصلا مشكله .
حل لمشكلة زوجة حصل سوء فهم لها هي وزوجها و تريد المشوره لرجوعها لزوجها :
فيه وحده في القسم هذا نزلت موضوع انها صار بينها هي وزوجها سوء فهم او مشكله و المسكينه ما كلمت زوجها لها عشر ايام متزاعلين على حد قولها و البنات يقولن لها في موضوع سابق نزلته يقولن لها لا تكلميه خليه هو الي يجي يعتذر لك مو أنتي تجي تعتذري له حرام عليكم انتي متزوجه يوم تقولين هالحكي او لك تجربه سابقه الرجل معروفه شخصيته ما يعتذر الا عنده اخلاق أو طيب أو خبل هو الي يعتذر فيه بعض الرجال والله لو تنطبق السما على الارض ما يعتذر ابد لو ايش انا اعرف رجال حريم بأنفسهن واقرا بعد واسمع ان زوجها له يومين أو ثلاث ما يكلمها ليه بسبب انها ما جت تعتذر له لازم المره تتنازل عشان حياتها تستمر ولا تنقلب ضدها
بعدين فيه مره اختلفة مع زوجها ما راحت وتنازلت و أعتذرت له تركته لحاله ينام بغرفة ثانيه تدرون وش صار عقبها استغفر الله كانت عندهم شغاله بسبب انه كان زعلان على زوجته و انها ما اعتذرت له بتقولون هو الي يتنازل الرجل رجولته ما تسمح له انه يعتذر لو وش ما يصير المره هي الحين ندمانه انه ما اعتذرت له و انفصلت عنه و صار له حاله نفسيه سيئه و يمكن ما تزوج بعدها وعنده بنت وولد كبار الحين هم بس شوفوا بسبب كبريائها ما تنازلت شافت انها على صح وهو على غلط, مو كل الرجال زي بعض كلهم مختلفين مثل ما احنا مختلفات يالحريم في تفكيرنا و تصرفاتنا
تعالوا شوفوا الردود خليه ينطق لا تكلمينه هو الي بدا هو الي سوى الغلط منه و و و و و ألخ من الكلام الي ابد ما يصلح وانا اجزم الي ترد على الموضوع هذا بنت غير متزوجه او وحده انانيه ما تفكر الا بنفسها
يا اخوات خافن الله وش الي قاعد يصير المره جايه تبي من يعلمها وش تسوي تبي المياه تردجع لمجاريها تجي هذي لا خليه ينطق وش هالكلام حرام عليكم ما يجوز لو تطلقت وش تسوون و الله ما يكلها غيرها هي وعيالها ان كان لها عيال
أصلحن أصلحن لا تخربن على اختكن في الله الي مكلفه على عمرها ومنزله الشكوى
وياليت ما يردن الا المتزوجات على الشكوى ويحلنها لها , مو ترد وتقول أحنا مثلك و الله ياخذه الله ياخذ ام الزوج او اخت الزوج
لا ما يصير كذا شوفوا المشوره يمكن الخلل يكون منكن انتن يالشاكيات او الخلل في الي مسبب المشكله لكم
سامحوني اني طولت عليكم بس حبيت اوضح لكم نقاط معينه في القسم هذا والاخطاء الي حاصله فيه
أنا اقرى كثير واسمع قصص واعرف حلولها و فيه ناس يعلموني وش لون نتصرف في مثل هذي الامور وأساعد في حلها لأن كانت لي تجربه او قصه سمعت عنها وقرأت حلها اساعد اختنا في الله في الصلح مع زوجها او الي لها علاقه معها
وجزاكن الله خيرا
أختكم في الله
حزن