مشورتكم

أنا ما عمري جربتهم أو أحد من اللي حولي بس نصيحة أخت
إنتبهي من الخطابات لأن الرجال اللي فيه مواصفات زينة ما راح أهله
يخلوه للخطابة إلا إذا كان مقطوع من شجرة أو له ظروف وهذا نادر
بس حبيت أنبهك ربي يوفقك وييسر أمرك أتمنى من الأخوات بفيدوك بتساؤلك

من وجهة نظري ان وصلتي سن التأخر عن الزواج وهو الثلاثين وفوق وكنتي بحاجة للزواج استخيري الله قبل وكلمي الخطابات واكثري من الدعاء والاستغفار والزوج الصالح واسالي عن الخطابة هل هي ثقة ثم توكلي على الله
اسأل الله العظيم في صباح هذا اليوم المبارك ان يرزقك الزوج الصالح مخموم القلب الذي يكون قرة عين لك ويسهل امورك حبووبه

الله يرزقك الزوج الصالح يارب ويغيك ربلى عن الخطابه
دعواتك لى

ربي يوفقك ويسعدك وان شاء الله يساعدوكي البنات

الله يوفقك ما اعرف ومدينتنا ماسمعت عن خطابات ان شاء الله البنات يفيدوك

اختي تزوجت من خطابه وربي احس مافيه خير نصيحه لا

بصراحه انا عن نفسي ماكنت مقتنعه بالخطابات
بس الحين تغيرت وجهة نظري شوي ولكن بضوابط
كثير ناس تزوجوا عن طريق خطابات
لأن الشاب و الرجل, يختلفون باختلاف عوائلهم
ترا فيه اسر تبي تزوج عيالهم بس ماهم اجتماعيين, يعني مايحضرون مناسبات ولا شئ فا يتعبون وهم يدورون مايحصلون .. الين عاد يبدون يكلمون خطابات ويحصلون
لكن مو أي خطابة : لازم تكون خطابة ثقة وسمعتها معروفه بأنها مو بس همها الفلوس’ بل لازم تتقي الله وتصدق وماتدل اي احد, يعني ماتجي تقول ايه فيه كذا و كذا وهي مو متأكدة من معلوماتها
واشوف انه مايمنع تخلين امك يافلانة يكون افضل هي الي تكلم خطابة وتقول للخطابة مواصفاتك بكل شفافية :
والله بنتي عمرها كذا تدرس كذا لونها كذا طولها كذا شروطها كذا
وقبل لاتكلمونها استخيروا الله
والخطابة تسجل هالمعلومات عندها الين يجيلها طلب من ام عريس توافق شروطه مع شروطك .. ممكن تكلمون اكثر من خطابة ثقة وقبل لاتكلمون اي وحدة استخيري
وفي النهاية هذي اسباب, لاجا احد يخطبك سواءا من طرف خطابة او غير خطابة
انتي لازم تستخيرين مره ثانية وتسألون عنه زين, دينه واخلاقه.
ومن هنا الين يجي احد يتقدم لك
اشغلي نفسك بالذكر والدعاء والطاعات
لتسعد حياتك سواءا جا احد تقدم لك ولا ماجا احد
الذكر عبادة .. وليس فقط لجلب مصلحة واول مايعطينا ربنا نترك العبادة !
الله يستر عليك يختي وعلى كل بنات المسلمين
اعذريني على الإطالة
وليتك تغيرين توقيعك ماضيع كثير بنات
الا هالمسلسلات التركية وغيرها الي خذت من وقتهم كثير
وهالوقت لو استغل في قراءة قرآن واعمال خير كان يمكن الحين
كلهم هالي يتابعون مسلسلات الحين متزوجات ومستورات في بيوت ازواجهم

الله يخليكم
طيب يابنات الي تعرف خطابه ثقه وتخاف ربها تعطيني على الخاص
الله يسعدكم

اسئل الله رب العرش الكريم ان يرزقك جميع البنات بالازواج الصالحين صدقين رزقك جاي لك بس تقربي الى الله اكثر وابشري بالخير