مصافحة أولى من ليال

ليال777

06-10-2022 - 07:30 pm

السلام عليكم ورحمة الله وبركاته
مرحبا فراشات
تحية طيبة كنقاء ارواحكن ..
انا للتو سجلت بالمنتدى ... بس اتابعكم وبالاخص هالقسم من شهور ...
دائما احب ادخل لما اكون متضايقه ... لكن ما عمري حبيت اتكلم ...
انا عمري الحين 27 وحاليا اكمل دراستي دعواتكم لي ...
الحمد لله احس اني حققت كثير من الاشياء اللي اطمح لها ...
تجربتي مع الزواج غريبه .. انخطبت اكثر من مره ...
لكن دائما انا اللي ارفض ...
طبعا دائما نفس السيناريو يتكرر بعد ما ارفض اكون مبسوطه مره ...
وبعدين تجيني فترات افكر انه قراري كان صح او خطأ ...؟؟؟
الحمد لله على كل حال .
صحباتي اللي كانوا معاي بالكلية كلهم تزوجوا ...
وتخلوا عني .. ما عدا وحده اكلمها يمكن بالسنه مره ...
الغريب اني لما اكلمها اعرف انها باقي تتواصل مع الشله كلهم ...
والشيء هذا حزنني كثير ... لكن الحمد لله ...
كثير لما اقرا هنا بالمنتدى احسكم نفس حالتي نفس المعاناه
نفس التعليقات نفس الكلام ... من اهلي قريباتي صديقاتي
مخطوبة؟ ليه ماتزوجتي؟ كم صار عمرك؟
لو احد خطبك وافقي بدون تفكير !!
وهلم جراً ... فيه تعليقات احسها مره تضايق
خصوصا لما يقولها اشخاص ما كنت اتوقعها منهم
لكن الحمد لله هذا ابتلاء ولازم اصبر
بالأول كان لما احد يجرحني ابعد وازعل ..
توقعت انه ممكن هالشيء يولد عندهم احساس
لكن اكتشفت انه مافي فايده
عشان كذا صرت أخذ الامور بهدوء
فيه اشياء تستحق احرق اعصابي عليها اهم من هالشيء
كثير من البنات اللي اعرفهم .. وصحباتي الجديدات
دائما يحبوا يتكلموا معاي ويشكون لي من حياتهم مع ازواجهم
هم يثقوا برأيي كثير ... لكن انا بجد بديت اتعقد من هالشيء
واحيان اقول يمكن صح انا اعاني في حياتي الحين
بس يمكن لما اتزوج راح اعاني اكثر..
عشان كذا اسأل الله الخير في الدنيا والآخره
كثير هنا تكتبوا مواضيع عن العين والمس والسحر..
انا فيني عين وما استمريت ع العلاج ..
مع اني تحسنت هذيك الفتره وصارت درجاتي عاليه مثل اول ..
لكن تعبت كثير وما قدرت اتحمل ..
وقبل فتره قابلت وحده تعالج وثقه .. قالت لي انتي فيكي عين ..
طنشت الموضوع فتره
بعدين رجعت ارقي نفسي .. الله يشفيني ويشفي كل مبتلى ..
ما اعرف فيه مواقف كثير زعلتني اكيد مع الايام الجاية راح احكيها لكم ...
انا بس حبيت اعرفكم على نفسي قبل ما أبدأ اشارككم ...
اتمنى يارب تكونوا كلكم بخير

التعليقات (9)

&حكاية ألم&

06-10-2022 - 11:03 pm

ياهلا وغلا فيك اختي ليال بهالقسم وبهالمنتدى
وصدقيني الاخوات هنا قلوبهم على بعض ويتعاونوا على الخير وهذا اهم شيء
اختي اذا فيك عين تقدري تحصني نفسك ..أقرأي سورة البقره يوميا
وربي يشفيك يارب اهم شيء عليك بالرقية الشرعيه..
وان شاء الله تبشريناا بخطوبتك قريب ياغلا..

الجنةحلمي

07-10-2022 - 12:04 am

ياهلا وغلا بك بيننا
والكل اخذ نصيبه بهالدنيا
انا اريد وانت تريد والله يفعل مايريد
يمكن انتي مثلي بمسألة الرفض والراحة اللي بعدها ثم الندم عقب
بس اكيد هذا تحزين من الشيطان والعياذ بالله
وبالنسبة للرقية غلط ياقلبي وبيجي اليوم اللي تندمين فيه على تطنيشك
انتي تعرفين دواءك فلازم تاخذينه
الله يشفيكي يارب وجميع مبتلى
ويرزقنا مانتمنى اللهم امين

أزهار العمر

07-10-2022 - 01:05 am

ياهلاوغلا ليال
بين أخواتك
والله يشفيك ولازم تستمري على الرقيه
والله يرزقنا بالازواج الصالحين

أم المفهين

07-10-2022 - 02:06 am

بالتوفيق
اللهم صل على نبينا محمد

أنثي مجروحه

07-10-2022 - 03:07 am

الله يوفقك ويسهل عليك ويرزقك من حيت لاتحتسبي

ليال777

07-10-2022 - 04:08 am

حكاية امل
الجنة حلمي
ازهار العمر
ام المفهين
أنثى مجروحه
أسال الله لكن التوفيق وجزاكم الله عني خير الجزاء
لاحرمني الله بهجة وصالكم
بإذن الله سأستمر على الرقية
دمتم بخير

almond and nuts **

07-10-2022 - 05:09 am

هلا و غلا فيك بينا يا عسل
الله يوفقك

نجمة مضئية

07-10-2022 - 06:10 am

حنا خواتك وماراح نقصر معك بأذن الله تعالى أستمري في الرقية والله يشفيك ويعافيك ويسر أمورك .

ليال777

07-10-2022 - 07:11 am

ألموند . نجمة مضيئة
مضيء بتواجدكم القلب
جزاكم الله خيرا

مقالة رهيبة عن المرأة د عائض القرني←
بنات حالتي عجيبه غريبه وغير عنكم ايه غير صدمه→