مصرروفك موضوع مهم

ابوي حياتي

12-09-2022 - 10:29 pm

مرحبا ياحلوات
كيفكم ان شاء الله تمام ....
ودي نتناقش بموضوع حلو ومفيد بنفس الوقت
وهو عن مصروفك الشهري كيف تتصرفين به وتحسين انك تستفيدي منه
بالنسبه لي توني متزوجه ماكملت سنه وبصراحه اضيع المصروف باشياء تافهه مالهاقيمه
زوجي يحط بحسابي كل شهر ثلاث الاف
الف وميتين للايجار والباقي لي 1800ريال + 1600 حق المدرسه الاهليه والله انها تطير مادري عنها ما اعرف اتصرف فيها >>> توني حديثه عهد
بس اغلبها تروح بالمشاغل تنظيف بشره وبديكير وتسريحات واستشوار
وبعد قمصان النوم احس ان عندي مستودع قمصان >>>ههه
وسلامتكم
ارجو التفاعل

التعليقات (9)

(مزعلة النساء)

13-09-2022 - 01:00 am

انا مصروفي 1000 بس انا مصروفي لي
يعني المشاغل والاسواق من اختصاصه
انا مصروفي لي
مثلا ابي اعشيه
اشري له هديه
رحت للسوق مع خواته شريت منها
بس القمصان من اختصاصه ههه
مو انا اللي ادفعها
بس لابغيت افاجئه اشري قميص او طقم حلو
تقبلي مرووري

(مزعلة النساء)

13-09-2022 - 02:01 am

انا مصروفي لي عدتها مرتين >>>>>>>>> متاثره

نور الحلا

13-09-2022 - 03:02 am

والله حبيبتى انا مالى مصروف معين
هوا بيحط الفلوس بالبيت وال ابيه باخدة والبطاقه بعد بالبيت
والوضع مريحنى مررة

ابوي حياتي

13-09-2022 - 04:03 am

مزعله ههه شاكره مرورك
نور >>> طيب مرتاحه كذا انا اكثر وصيه جتني قبل زواجي قالو خليه يحطلك مصروف شهري عشان مايصرف ما معي ههه
وزوجي والله مايقصر اذا خلصت فلوسي عطاني >>> بس انا مضايقني صرفي احس اني مومنظمه ههه

الحلى مني وفيني

13-09-2022 - 05:04 am

مصروفي 500 ريال لكل شي ابغاه ملابس مشغل واذا بفاجأه هديه ولا شي ...
وانا اشوف انه مكفيني و200 ريال صيدليه

ابوي حياتي

13-09-2022 - 06:05 am

الحلى مني وفيني
ماشاء الله عليك كذا الحريم السنعات والا بلاش

ام ميرا القمورا

13-09-2022 - 07:06 am

والله انا يعطيني 500 احطها برصيدي دايم يعني للأدخار ..
وتوي عروس مثلك ..
الحمدلله الحين عندي فوق ال10الاف من بعض مصروفي وهدايا اهلي وجماعتي..
يختي لا تضمنين الدنيا حطي لك شي ورى ظهرك ..
.....
اما هو والله مو مقصر نفس الشي راتبه اول كل شهر بيدي لان شاف صرفيتي زينه .. لانه هو يضيعها بسرعه..
وبطاقة الصرافه بعد بيدي
...
واذا رحنا السوق احيانا اشتري من مصروفي واغلب الاوقات من عنده ههه
,,,,,,,
بس المهم في موضوعك لاتبذرين كذا والله ماشاء الله عندك شهريأ فوق ال3الاف مداك تجمعينها برصيدك ..
يعني اصرفي 1000 بالشهر
والباقي قولي ممنوع استخدمها اعتبريها مو موجوده انسيها تماما ......
والله يخلي لنا ازواجنا يارب ويهديهم

ابوي حياتي

13-09-2022 - 08:07 am

ام ميرا القمورا
ماشاء الله عليك بس غصب عني اصرف السوق نار
ماعرف امسك
الله يسعدك يارب

الـــــفـــــراشة

13-09-2022 - 09:08 am

انا زيكم احيانا 500 واحيانا مع العيد توصل الالف وفوق بس الحمدلله دايم بوكي مايفضى ومايقصر علي اغراض البيت عليه والصيدليه وكل شي بس لابغيت ادع مني ادفع عادي زي مره اطلب من مطعم فاجاه هدية بس والله هو مايقصر ماشاء الله لااله الا الله الله يخلينا لبعض

السعادة الزوجية←
الطلاق افضل من هالعيشه عطوني رايكم→