معاملة المدرسين مع الطلاب الصغار الصف الاول

السلام عليكم ورحمة الله وبركاته
حطيت هذا الموضوع حتى تشوفو حل للمدارس عندنا في مدينة شرورة وخاصة المعلمين
لانهم من الاسبوع الاول في الدراسة وهم يهددون الطلاب بالضرب والاطفال مساكين وخافو من المدرسة لان من بدايتها ضرب وكمان مافي اهتمام كثير فيهم يعني يلعبون معاهم او يخصصون لهم مثلا غرفة فيها العاب او يجيبون لهم هدايا بسيطة وحلويات لا لا هذولا المدرسين خاصة في مدرسة الاولاد بشرورة مجلسين الاولاد على فرشة طول اليوم ويهددونهم او يخاصمونهم ويوم الثلاثاء والاربعاء اخذوهم وحشروهم في الفصول ومسكتينهم لا تتكلمون لا تصلحون شقاوة اي احد يقلل ادبه باضربه ؟ بالله هذي طريقة للتعامل مع الاطفال وكمان المدارس كلها كذا ولا بس عندنا والله العظيم ولدي يحب المدرسة كثير وما صدق على الله انها تفتح عشان المسكين يداوم وبعد ماشاف المدرسين سار يخاف يروح المدرسة وبالغصب يصحى في الصبح واليوم جاي خايف ويبكي من الخوف يقول المدرس اليوم ضرب اولاد عندنا في الفصل
ايش رايكم من الاسبوع الثاني وهم يضربون ليش التعقيد انصحوني بالله ايش اسوي لا تقولون انقليه مدرسة ثانية لان هذي افضل مدرسة عندنا والدرسة الخاصة غالية لان معاه اخوان غيره وكلهم نفس الطريقة ابغى الحل ضروري ما ابغى عيالي يضيعون مني وشكرا