مقاضي البيت موضوع مهم لكل متزوجة

فكرة كل شهر حلوة للتوفير
وفكرة الاسبوع بعد حلوه على اساس تشترون ع قد حاجتكم وما تخترب الاغراض او تنتهي صلاحيتها
اتفقوا على رأي وشوفوا الانسب لكم ولزوجج لانه ادرى بإمكانياته

هلا اختي لارا
انا صراحه زوجي يجيب كميات كبيره او من كذا حبه
مثل المنضفات
يمكن نجلس شهرين ثلاثه مااشترينا
والمعلبات نفس الشي
والعصيارات علشان العيال
يمكن بس الي كل اسبوع فاكهه وخضار
وانا بقولك فكره مره حلوه خذي ورقه وثبتيها على باب الثلاجه
وقبل يجي الراتب بيومين كل ماشفتي شي ناقص او مخلص اكتبي في الورقه
واليوم الي بتروحين فيه امشي في بيتك كله وتفقدي الناقص
والمطبخ وكل مكان انا دايمن اسوي كذا
والله الموفق

احس كل اسبوع صعبه تصلح للخضار احسن
والاشياء الثانيه بالشهر افضل مثل لسكر الرز الشاي الدقيق\
والعصيرات والخ
الله يوفقك

الله يعطيكم العافيه وتسلمو على المرور

انا والله لي سنه تقريبا اشتري كل اسبوع والله حركه مره مريحه والشي مايخرب ولا ينكب اجيب على قدنا وبالنسبه للمقاضي علشان ماتنسينها اكتبها بنفس اليوم اللى راح تتقضى فيه انا اتفقد البيت واكتب

بالنسبة حق الثلاجة نجيب حق اسبوع اسبوعين واذا احتجنا شرينا
لان الحوم لها مدة وتنتهي والفواكهة احيانا تخرب ومحد ياكلها عشان كذا نجيب بالاسبوع
والمنظفات والاشياء الثانية كل شهر او شهرين

انا مع بدايه السنه جتني فكره وسويت لي دفتر للاغراض صفحه للمواد الغذائيه والثانيه للمنظفات والبلاستيك والثالثه للخضار والرابعه للصيدليه يعني كل صفحه لمحل معين علشان انا ما اتلخبط وزوجي لما يروح يتقضى تكون المقاضي مرتبه وواضحه
طريقتي المواد الغذائيه كتبتها كلها وسطرت بعدد الاشهر وكل شهر وقت الراتب احط صح قدام اللي مخلص ونبي نشتريه وكل الصفحات الثانيه بنفس الطريقه وبعدين اكتب لزوجي بورقه خارجيه بحيث اني اكتب المواد الغذائيه واكتب الاغراض بعدها البلاستيك والمنظفات واكتب الاغراض وكذا مع باقي الاغراض والله زوجي استانس عليها وانا ارتحت من النسيان لاني كاتبه كل الاغراض بس احط علامه عليها

متى ماخلصت اغراضي اتقضى احيانا اجلس شهر واحيانا تخلص في اسبوعين
يعني ع حسب الاستهلاك