مقاضي رمضان بالصور ومبارك عليكم الشهر الفضيل

مبارك عليكم شهر رمضان
الله يبلغنا وأياكم الشهر الفضيل بخير و صحه وعافيه
ويجعلنا فيه من المقبولين

عادةً .. وطوال السنه نقضي المواد الغذائيه للبيت على حسب حاجتنا .. شهرياً أو أسبوعياً أو حتى يومياً تكون مقاضينا غالباً محدوده على حسب حاجتنا هذا الأسبوع أو اليوم
لكن رمضان غير
عسى مايقبل علينا شعبان إلا والعالم هجوم ع السوبرماركت
وورقة " المقاضي " طولها متر ومترين ومن يزود
والمطابخ تتفضى أستعدادً للدفعه الجديده القادمه بقوه ..
والسؤال اللي يطرح نفسه \ ليه ؟
يعني المحلات بتقفل ؟؟
أو الأغراض بتخلص
وإلا الناس يبطلون يطلعون برمضان وإلا ايش بالضبط ؟
م اعلينا
فتحنا الموضوع هذا فرصه ل
أولاً لتبادل التبريكات بالشهر الفضيل
ثانياً نبي نشوف ورقه مقاضيكم وأكياسكم وحوستكم
واستعدادكم ل رمضان
مثل ما أنتم شايفين شعور حلو وأنت طالع تقضي خاصة لرمضان وشعور أحلى أنك تشوف مقاضي غيرك بعد
سواء مأكولات أو أجهزه أو مواعين .. كل شيء تشترونه بهالفتره نبي له أحلى
صورة
فيمتو .. تانج .. مكرونة ..شعيريه.. طحين .. رقائق سمبوسه.
سبرينج رول .. أنواع اللحوم ..أنواع القشطه .. أنواع الأجبان.. أنواع التمور ..
أنواع الحلويات
تجهيزات للتفريز
وكول حاقه
وصدق اللي قال " رمضان يجمعنا "
كل عام وأنتم بألف خير وعافيه
معنا رمضان أحلى